入面氣氛超級好...有情調.. 佢除左戶內位亦有戶外位可以揀
見到都有好多一大班人黎食飯慶祝生日~!!
位置都唔難搵..就係APM隔離個棟大廈^~^
佢呢度應該係主打食新鮮生蠔架...有一整頁menu都係唔同產地同種類既生蠔..而且見到差唔多枱枱都有叫咁濟..
好可惜今日我腸胃唔舒服所以無叫到....><!!
不論小食款同主食款都好多元化呢~~~
佢小食價錢其實算ok平的... 最平$38都有交易丫..pasta一百鬆少少都有
不過佢既海鮮同扒類就定價比較高啦~
係海鮮同扒兩者中 我地都係鍾情於扒🤤🤤
佢都有供應甜品...可惜今次試唔到
佢個set dinner好似都幾抵叫咁呀~ 但係我地仍然任性地選擇了散叫!!
未上食物先上餐包^^ 其實係一個芝麻餐包+一個muffin~~
餐包夠脆 但係唔夠香同軟熟.. 偏乾身.. 味道亦偏淡..很一般
相反muffin牛油香豐富 又好綿綿軟熟..同包包形成強烈對比!~
美式焗薯皮$48(5件) 另有10件$88可選
比起其他餐廳 呢度將薯皮焗得更香脆.. 食落去感覺有d似炸過
朋友非常喜歡這口感 但我就一般啦..比較鐘意濕潤d的感覺
好好既係 薯皮上既mozzarella同車打芝士味道非常香濃
佢既sour cream調味亦非常得宜😋
所以我覺得如果唔係薯皮過脆的話 呢個會係100分的小食!
朋友指定要叫的Parma Ham Melon $98..
其實自從屋企會直接係超級市場買hams+哈蜜瓜享用之後
我都好少係出面叫呢一款了..
不過餐廳入既hams咸香味道的確係比起自己買既濃好多
哈蜜瓜都好鮮甜多汁~~~😋😋
我最鐘意佢中間既沙律菜...淋上大量黑醋好開胃😋
平時食羊架食得多.. 我都係第一次食 傳統紐西蘭燴羊膝$178!
有別於煎羊架 呢個羊膻味無咁突出同埋無咁重油脂感
反之而言 佢肉質較細嫩同軟腍... 而且同醬汁好融為一體既感覺..唔知點解有少少覺得自己似食緊慢煮咁
不過個人黎講我都係鍾意煎羊架個種香氣四溢既感覺多好多>v<!!!
肉質超軟腍...其實唔使用刀都分得開d肉同骨^^
超抵食既蒜蓉炒雜菌$38 估唔到係靚靚西餐廳都會有咁平既野食叫.. 份量仲要無將價就貨丫~~~
單係聞已經有超香濃既蒜蓉味!! 食落仲好juicy 要再食呢個呀😍😍😍
最後係我地最期待的主角--美國Star Range純黑安格斯肉眼$298(12oz.) 另有16oz.($398)可選
真心好鐘意食肉眼既重油脂感!😋雖然今日揀左要7成熟但牛肉仍然一d都唔會韌..仍然係充滿肉汁!
欣賞呢度既扒...物有所值!!
叫牛扒原來有附送埋炸薯條^0^
*********題外話*********
感覺呢度係幾正式的西餐廳呢 十分著重上菜次序..
一定要等客人食完前菜先會上Main...(係我平時食的餐廳太唔正式了嗎?___???)
員工都會好留意客人既用餐進度去通知廚房預備下一道菜式
呢份用心值得一讚👍🏻👍🏻
員工既態度亦都非常好呀..好有禮貌同好熱情咁同客人介紹唔同菜式既特點~ 令我地食得好開心^^
店家: Manhattan Grill & Bar
地址: 觀塘觀塘道414號一亞太中心(OPC)3樓303號舖
Shop 303, 3/F, One Pacific Centre, 414 Kwun Tong Road, Kwun Tong
電話: 23458546/23458547
營業時間: 星期一至四,六及日11:30-23:00
星期五及公眾假期前夕11:30-23:30
Openrice主頁Here
沒有留言:
張貼留言
歡迎留言分享 : )