難得佢係大圍開左...身為新果東人我有責任黎試一試😎😎
位於大圍美林村, 之前黎都係火車轉小巴..今次試下行過黎
原來都唔遠~
呢度既熟食亭係一間間屋仔咁.. 好得意呢~~~
夜晚8點鐘黎到係坐滿晒@0@.. (相片攝於食完後..xd)
呢度地方都幾大架... 有風味得黎都整潔~ 感受到新舊交融的滋味!
(後尾再睇佢個menu 呢種新舊交織既感覺就更強烈 >v<")
佢有提供2/4/6人餐 價錢都比散叫平幾多下呢
不過無我地想要個款肉餅, 所以最後都係散叫!😬😬
看看佢的肉餅款..簡直多到有點瘋狂~@v@!!
分為4大類: 精選, 推介, 傳統同創新
數過總共有成28款肉餅!!! 最平既$59,$69都有交易 (都有過半數係屬於呢個價位~)
最貴既一款就係$128 ...
欣賞佢肉餅之外都有唔少小炒款式呢~~ 唔使淨係食肉餅咁悶^__^
每份肉餅都會配老火湯一碗.. 今晚係紅蘿蔔配老黃瓜湯
佢既老黃瓜去左皮,所以食起黎比較方便 : )
我同朋友都好欣賞呢度既用心 : )
未揀好肉餅前先叫左個小食先~~ 係霸王雞半隻$88
薑蔥份量一d都唔吝嗇.. 雞肉方面幾嫩滑同啖啖肉
作為送飯小食真係一流架
我地決定要叫一個傳統風味 試試佢既真功夫(๑╹ω╹๑ )
乾土魷肉餅(蒸,配南瓜粥)$59
本身其實對呢一款唔特別大期望.. 但食落去真係有d料到架..
肉餅連帶內裡既土魷都非常淋身易咬.. 而且唔會有過咸既問題
建議要沾埋旁邊既醬油食.. 因為呢隻醬油有效提升左肉餅既鮮味呀~~
叫南瓜粥係非常岩既決定.. 弼煲得非常軟綿..
配上南瓜蓉既自然甜味 好好味!
因為鐘意食龍蝦既關係.. 即使呢個係全店最貴個款..都係忍痛叫了 原隻波士頓龍蝦肉餅(煎,配白飯)$128
其實未食都望得出 肉餅真係煎得剛剛好 去到香脆既程度
入面亦加左龍蝦肉去一齊煎,, 所以一整塊肉餅都可以食到龍蝦既鮮味
真係要揀既話...煎肉餅的確係比蒸既更加吸引...😍
意想不到呢個價錢都食到新鮮同肥美既龍蝦~!!
飯煲底既飯有少少焦焦地 雖然未到一大片飯焦既程度
但個種乾身同脆口已經好正喇~~~😍😍
跟餐既飲品:支裝椰青水+$6/支裝新鮮番石榴汁+$12
第一次飲番石榴汁原來咁fresh ga~~~💚
呢度所有肉餅都係可以自選煎或蒸~ 然後再選配白飯/南瓜粥/米粉/菜飯<+$2
更正係佢不設加一服務費,令到呢度更加抵食!!(但係呢度係有服務既😂)
難怪平日晚上黎都會咁full.... 絕對係好正既街坊食堂😻
店家: 肉餅哥小炒料理
地址: 大圍美田路30號美林邨熟食亭5-8號
Shop 5-8, Cooked Food Stall, Mei Lam Estate, 30 Mei Tin Road, Tai Wai
電話: 98856225
營業時間: 星期一至日7:30-17:30,18:00-22:00
Openrice主頁Here
沒有留言:
張貼留言
歡迎留言分享 : )