已經聽朋友講過好多次既旺角樓上高質cafe 吃吧!⭐️
一個專放酒類的小角落.. 有橡木酒桶同存放多種啤酒既雪櫃
枱與枱之間有足夠既空間距離 傾計傾得比較自在~
<<想同朋友有個隱密d既空間既話 可要求呢一間獨立房間呢
呢度供應沙律,小食,pizza同各樣主菜
另外仲有一本專介紹酒類的menu @0@
Floris果味啤酒-芒果口味$62
酒精味道唔算強烈~ 飲完之後有陣酸酸甜甜的果味留係口腔~
不過唔算太芒果我覺得~ 只係飲得出係清新果味:>
熱情果接骨木花茶(凍)$49
好特別的器皿! 用花瓶去裝花茶..
紅茶味比較濃~ 同熱情果既味都幾夾~~
份量都幾多呀~ 飲極都飲唔完xd
黑松露,煙火腿,芝士多士$78
同朋友先叫左個小食~~ 松露配火腿同芝士呢個組合太吸引..
估唔到會用竹炭包做多士呢~ 黑色外表非常吸引..而且烘香左脆脆地~
熱溶左既芝士好香, 但竟然無搶到煙火腿既咸香味!
中間夾雜左蘑菇粒.. 幾鐘意芝士,火腿同蘑菇三者既味道同口感相輔相承!
不過食唔到松露味..... 同埋旁邊既沙律都係一般..
芝士,火腿同蘑菇三者相輔相承+烘香左的竹炭多士
慢煮甜酒燴羊膝$188
話說之前係其他餐廳食過過乾又無乜味既羊膝之後怕左呢樣食材.. 但朋友堅持好想食... 所以叫左..
今次總算令我對呢樣食物重拾返信心喇!XDD (人生果然要不斷作出嘗試..lol)
今次呢份羊膝夠晒腍同濕潤多汁.. 一d都唔會乾呀!T___T
甜酒汁份量好適中, 更加幫助帶到羊味出黎!
仲有佢個薯蓉都好順滑呢~~~
(同之前係某餐廳食個份實在太對比了!!!)
推介比鐘意食羊既朋友試呀, 或者喜愛慢煮口感的朋友都好適合: )
羊膝夠腍 夠濕潤多汁
另一個main我地都係揀左慢煮 : ) 慢煮牛柳$198
見到面頭d泡泡唔使驚xddd 問左店家, 係佢地特製既松露泡泡黎~ 雖然變成左泡泡之後味道比較淡...
牛肉質地軟腍.. 因為店家係將牛肉放入保鮮袋入面再拎去慢煮架
另外食到都幾重迷迭香味~
但我最鐘意其實係佢走過油的原個蒜頭 (蒜頭怪出沒👻)..非常香口濃味既呢~
走過油的原個蒜頭
係旺角鬧區 以呢個價錢食到2個慢煮肉類~~
仲有小食同飲品, 我地覺得都算抵食
加上環境幾舒服, 而且唔會太多人太嘈
拍拖或同三五知己黎都適合呢~
店家: 吃吧 Chiba
地址: 旺角彌敦道566-568號僑建大廈2樓2室
Room 2, 2/F, Kiu Kin Building, 566-568 Nathan Road, Mong Kok
電話: 61277112
營業時間: 星期一,三至日15:00-24:00
Openrice主頁Here
沒有留言:
張貼留言
歡迎留言分享 : )