終於再踏足新蒲崗呢片土地..經過越秀廣場時發現左呢間小小cafe<3
雖然佢門面唔起眼 又無多餘既裝飾.. 但係望入去感覺都係悠然舒適既^.<~
仲播住好地道既香港流行情歌..^^
店入面既座位數目唔夠30個.. 我地係下午3點幾時黎到既..
呢個時間無乜客人, 正好可以比我地享受一個寧靜既下午: )
佢既食物款式比較特別 唔係間間cafe/餐廳都會搵到既款式
而且比較偏向法式同英式, 可以試到d比較唔同既菜式 : )
而且價錢都合理, 由$48至178不等.. 因應個人喜好而選擇~
我同媽媽都鐘意飲花茶🌷所以叫左一杯有機茉莉花茶$36同有機柑橘洋甘菊茶$36
兩杯都係好清香既感覺.. 好鐘意呢度既員工定時定侯會主動幫我地加熱水!!
真心覺得好貼心🙂🙂🙂
花茶就算加左第3,4次水都仲係好有味 : >
因為我同媽媽都係食左少少野先出黎..所以都唔太餓^^
我地兩個都超鐘意食軟殼蟹, 所以二話不說就叫左個酥炸軟殼蟹配黑松露醬$98
雖然呢個定價唔算低, 但見到佢既軟殼蟹份量一d都唔少!!
軟殼蟹無落多餘既調味 無過咸既問題但仍然鮮味十足!
每一件都炸得剛剛好 又酥又脆.. 唔沾醬已經好好食😻😻
但係千其唔好浪費左個松露醬呀因為佢真係有好濃厚既松露香氣😻
我地將每一片沙律菜都沾左醬黎食..XD 係享受黎架..xdd
法式香酥油鴨髀伴日本太陽蛋及法包$148
我...其實係第一次食鴨髀😳😳😳 大鄉里出城..🙈
好彩員工好好人教路~~~
原來要先將太陽蛋吉穿..等佢d蛋汁滲入去鴨肉度..
再沾少少蜜糖 放上法包上一齊食~
餐廳挑選黎自法國既頂級鴨髀.. 肉質真係好好好軟腍..
索埋日本蛋既蛋汁精華 真心係好match🍳
一食就知唔同既日本太陽蛋.. 蛋黃比平時一般食到既扎實好多
蛋味亦都濃郁好多..
呢個一定要襯法包仲係香脆同熱辣辣時進食..🥖🥖
如果唔係會浪費左咁靚既食材同廚師既心血^v^"
(我一邊影相都一邊比餐廳員工催促要快d食...loll)
雲呢拿焦糖燉蛋配朱古力雪糕$68 🍮🍮
由於甜品係屬於另一個胃..我地決定食埋甜品先走~^0^
先黎既係我既all time favourite Crème brûlée😻
一上枱見到咁靚已經開心到傻左..仲有..無諗過個份量會咁大!!
比平時係甜品鋪食開既份量大一倍..!!@@~
比我影相影到變微溫先食...
面頭既焦糖糖衣仍然保持到清脆香甜, 而下層既custard唔會過甜~
滿佈我至愛既雲呢拿籽.. 口感非常幼滑~^.^
係一份可以乾淨利落咁切得開既芒果拿破崙配雲呢拿雪糕$88
其實未食已經聞到酥餅有陣陣香味..咬落係好香口又鬆脆..
鐘意佢好有心思咁將芒果另上..唔會因為放太耐而將酥餅浸淋
一份好有質感既甜品 : ) 推介點都要試呢個拿破崙!!
感覺呢間小店會愈黎愈受歡迎.. 因為佢不論甜品定咸點都做得好好味..
驟眼睇定價唔算低..但係食完就會知物有所值!
絕對會再約朋友返黎食~~~
期待小店繼續加油 提供高質美食(同服務)比大家^^"
店家: Le Sucre
地址: 新蒲崗寧遠街3-23號越秀廣場地下G01號舖
Shop G01, G/F, Yue Xiu Plaza, 3-23 Ning Yuen Street, San Po Kong
電話: 96838484
營業時間: 星期一至日12:00-23:00
每月第二,四個星期三12:00-17:00
Openrice主頁Here
沒有留言:
張貼留言
歡迎留言分享 : )