如果你喜愛蛋糕pizza麵包曲奇咖啡..你就會愛上呢度♥ [crostini@鑽石山]

今日約左朋友入慈雲山食暖粒粒煲仔飯: )
咁難得黎呢邊緊係早少少出黎周圍探索下啦
去左荷里活廣場行街.. 累累地想坐低食個tea..
估唔到咁就發掘左一間正野♥

係crostini : ) 其實對呢間cafe都幾有印象..
因為總係好似係唔同地方都有見過佢
之前一直都認為佢係貴價麵包店 而我又係一個窮L所以無諗過幫襯..
但今日認真望下佢個menu先發現原來佢定價唔係好貴
同埋 除左麵包同cake之外竟然仲有更多!! *v*~



應該係新分店黎..所有野都好靚同好新淨..
(仲有我最鐘意既雲石枱不過去個陣已經比人坐晒.../^\)


收銀枱隔離就已經有個滿滿的麵包櫃..賣相好吸引
另外當然有唔少for買走既袋裝麵包啦

原來佢都有出自己既曲奇*v*!! 仲有唔少特別既自家創口味..


記得係台灣同日本係好流行一d cafe同其他賣野既店cross-over放埋一齊做..
我覺得呢度都有少少呢隻feel
因為佢除左食物飲品之外,仲放左d文青系服裝,精品同埋鮮花出售
食野同時又可以睇下野都幾開心 : )


呢度既食物款式(特別係蛋糕)真係多到花多眼亂..
揀左一輪之後終於可以開餐啦!!~~~
蛋糕即刻拎得, 而需要焗熱既食物就要等陣..
店員會比個pager你..ready既時侯就會響^~^

$59既包包mix & match!! 以下五樣野都有得自選~
麵包: 法包/牛角包/三文治/麥包
餡料: 火雞火腿/黑椒豬脾/煙三文魚/蟹肉沙律
蔬菜: 紅毛菜/九芽菜/火箭菜/羅馬生菜
醬汁: 青瓜汁/藍芝士汁/千島醬/芝麻汁/凱撒沙律汁
額外醬汁: 黑松露醬/魚子醬+$8

綜合一下我揀既: 黑椒豬脾配芝麻汁火箭菜牛角包加黑松露醬$59
未咬到個包前先品嚐到多到滿瀉既餡料!

豬脾肉其實係用左pit ham黎製作..因為無左多餘既脂肪 更加可以食得到豬肉本身既味道..加左黑椒去醃令佢更加可口~
醬汁方面店家無落太多..係一個非常好既做法^__^
因為pit ham同芝士本身既味已經好濃郁..加太多醬料既話反而大家會互相搶味..

最後要講既係佢個牛角包!! 好鬆化同柔軟
熱辣辣食好好味架~


芝味巴馬火腿薄餅$68 真心無諗過可以係一間bakery cafe食到好味既pizza...
如果只可以用2個字去形容佢既話,我會用: 芝味!
由一上枱未開始食已經聞到濃郁既芝士香...
我同朋友都鐘意佢焗既火侯同程度..將pizza上既芝士都焗得脆脆的..
但又唔會係overcook個隻喎~~^^

大大個蛋糕櫃就在門外~~ 唔好走漏眼丫..
佢d cake件件都好似藝術品咁靚..

紅橙特濃朱古力脆脆$36
紅桑子石榴慕絲$42

粉紅色個件係紅桑子味~
紅桑子同石榴兩者既味好平均~ 酸酸的..食多都唔會膩 

我同朋友都覺得朱古力呢件外表平平,但味道係無懈可擊!___!
朱古力味非常非常香濃..

朱古力蛋糕入面夾住微酸既紅橙 減淡返朱古力既飽滯感..
仲有脆脆朱古力粒 令到件cake有多種口感~~~
呢件cake令到我地好回味呀~~~


Green Tea Latte(Hot) $28 (Iced $38)
Milk Chocolate(Hot) $20 (Iced $30)
以為cafe叫既飲品都係會偏甜.. 好好地呢度並唔係
green tea latte抹茶既甘味係最突出 成杯都唔會好甜
而milk chocolate就比較creamy同奶味重~

估唔到佢兩杯都幾大杯呀~ 呢個價錢比起其他連鎖咖啡店抵飲呢!


食完呢一餐tea開始對crostini既出品有信心
加上聽到店員介紹佢地出品既曲奇係採用法國牛油,無咁肥之餘亦對牛油既品質有高要求
所以決定買多一盒至尊曲奇禮盒(450g) $238

一共6款口味:
穀物合桃曲奇,南瓜籽熱情果茶曲奇,紅莓榛子曲奇,牛油曲奇,海鹽朱古力伯爵茶曲奇同埋玫瑰蝴蝶酥!

一買已經忍唔住即場試左2隻味先!*v*
海鹽朱古力伯爵茶曲奇
完全估唔到佢可以做到伯爵茶味比朱古力味更突出!! 我好鐘意呀!!♥♥♥
因為平時呢d口味既曲奇多數茶味都係唔太突出..
加上呢個既海鹽味都相輔相承咁出到! 真係會食到一粒粒既海鹽的~~~
好有驚喜的一個口味:>

玫瑰蝴蝶酥
第二塊試既味, 就有第二個驚喜
因為佢玫瑰味都幾出下呀~ 同時唔會蓋過蝴蝶酥本身有既香甜味~ 兩者夾埋一齊令到蝴蝶酥無咁膩, 唔錯呀~~

最後, 呢間店既店員都好有禮貌~ 加上你就算係度坐好耐佢都唔會過黎催你/狂幫你收碟趕你走...
真係坐得幾自在呀~ : )

下面有佢地既咸點同飲品menu比大家參考下^^
想搵個地方食下tea, 或者食餐正餐 呢度都係一個好好既選擇(:




店家: Crostini Bakery & Cafe
地址: 鑽石山龍蟠街3號荷里活廣場1層177號舖
Shop 177, 1/F, Plaza Hollywood, 3 Lung Poon Street, Diamond Hill
電話: 23575775
營業時間: 星期一至日10:00-22:00
Openrice主頁Here