🌟
餐廳名好特別
2DP-2 decimal places
店主對食物既認真同執著 就好似數學上要拎到2個小數位咁精準既精神一樣 ~ : >
對於呢間新派素食餐廳聞名已久..
原來佢就位於尖沙咀厚福街上, 地點相當方便易搵 ~
踏入店鋪 覺得有種中西合壁既感覺...
餐桌走西式cafe木系既路線, 又放滿植物小飾品
但另一邊廂竟然係一面充滿中國風既牆壁 放滿傳統泡茶工具
非常有風格!~~
另外佢設有叉電位比客人叉電.. 貼心 : )
共7款lunch set
2頁滿滿的新式素食選擇
除左傳統中式茶, 呢度更加將中國茶加入新派調茶技巧同新鮮水果, 帶比味蕾一個新衝擊
同時帶領中國茶去一個新既境界 : >
知道店主開店既其中一個願景就係想傳承茶藝文化.. 值得支持!! : )
仲有好多款特色甜品.. 可惜今次無機會試
我地先叫左個 紫薯高麗菜忌廉濃湯.. 賣相非常精美!!
飲落味道唔會太甜,有天然紫薯香味..質感亦都夠滑身
湯入面仲有唔少高麗菜, 索滿紫薯味道同埋煮到好淋身~
因為我係同朋友share, 唔使特別叫 餐廳已經好貼心咁比多隻碗我地分: >
素帶子水蜜桃沙律
好fresh既一份沙律! 每片沙律菜都沾上適量柚子醋
仲配有一片片我地至愛既水蜜桃~~
素帶子其實係雞脾菇!! 比真帶子更juicy!!
襯熱食真係超正~~~
竹炭芝士肉醬千層麵
超鐘意佢將表面既芝士燒到微焦..未食已經聞到好香
呢款係一款令我一試難忘既素菜... 表面睇好似只係普通既千層麵...但係食落去其實每一啖都有唔同既素菜食材
所以每一啖食到既口感都唔同.. 真係好有心思<3
而肉醬醬汁亦都好罕有地一d都唔過濃..
微微酸甜令我地十分開胃
好開心同好朋友食左一餐新派既健康素食
但係仲未完架...
只要你叫呢度既手沖純茶, 你會有個值得一試既泡茶體驗~
首先會由專業既泡茶師傅同你講解返你所揀既茶葉既來源同特性
跟住佢就會step by step咁教你傳統泡茶既程序
我地揀既係柚香單欉..佢係屬於鳥龍茶既一種..不過仍然係半發酵既形態~
而呢隻茶葉最特別既地方就係除左鳥龍味之外 佢更帶有淡淡既柚子香氣!
好細心又講解得好詳細的泡茶師傅
師傳沖泡完第一次之後 就會留待我地自己繼續沖泡^^!!
我同朋友都係第一次試!!
覺得係一個好治癒既體驗 : ) 而且飲返自己泡既茶好有滿足感!!
味道非常清香既柚香單欉
真係唔黎都唔會明點解呢度會咁受歡迎..
食物味道好味得黎又好天然.. 食多d都唔怕唔健康/變肥妹
而我同朋友最鐘意係個泡茶體驗
慢慢係度spend一個下午 可以享受一下久違了的慢活 : )
店家: 2DP
地址: 尖沙咀厚福街12至12號A藍馬商業大廈地下
G/F, The Lamma Tower, 12-12A Hau Fook Street, Tsim Sha Tsui
電話: 37059590
營業時間: 星期一至四及日12:00-24:00,星期五及六12:00-1:00
Openrice主頁Here
沒有留言:
張貼留言
歡迎留言分享 : )