所以今晚約左好朋友黎尖沙咀呢間河內大娘食返餐正宗越南菜!!
想黎既超方便~ 尖東P3出口一出行多幾步就已經到~~
無華麗既裝修 無寬敞既空間 但好有越南既地道風味 (雖然我未去過越南..)
款式多又特別 價錢一d都唔貴..難怪平日夜晚黎都full full地
蒜蓉蝦$50 個人覺得蒜蓉搭蝦呢個組合一向都係好無敵XD
而且呢個係將蝦的外層用蒜炸香過 十分香口惹味呢~
想讚佢既大蝦食得出好新鮮 而且彈牙, 用料不錯
燒豬頸肉青木瓜沙律$78
呢個真係有d食唔停口既感覺.. 大量幼細既青木瓜絲夾雜住青瓜絲同蘿蔔絲..口味非常清新!
(連唔鐘意青瓜既我 因為呢個配搭都肯食..)
食之前要將沙律撈一撈先呀~~ 因為碟底有好多令人開胃既甜酸汁~~ 撈埋一齊食先好食^^
佢既豬頸肉係喜出望外, 燒既程度剛好 夠香脆之餘又保存到肉汁~
越式燒雞(半隻)$138 (另可選一隻$238)
估唔到半隻都咁多呢~ 外皮又薄又脆 雞肉就算雞胸部分都唔'鞋'
成日都覺得越式既燒雞好勁... 好似好少可會食到鞋口既雞..
反而食法式個d就好大機會中伏...
加上越式既多數會配多個越式醬汁比你~ 一隻雞可以有兩種滋味~ 正正^0^
順化粉$88 *暫時只有星期三,四先供應 因材料及製作過程太繁複
其實我同朋友都未食過呢種粉架.. 不過聽員工既推介後又想試下 因為唔係度度有得食
望落去鮮紅的湯底以為會勁辣 但好好彩原來唔係!!
微微辣.. 反而係豬骨既香味更加突出..
每一條麵都掛到湯既香味
有一隻豬手.. 不過唔係我鐘意既食物所以無試到
竟然有幾件牛展在內.. 非常腍身~~
朋友叫的越南椰青$48
我的蓮子龍眼冰$38
入面既龍眼肉好多... 但因為熱氣既關係都唔敢食太多
龍眼冰好甜, 什至有少少過甜, 如果可以清返少少咁就perfect啦^0^
連埋加一每人食左大約$240.. 最後我地都係食唔晒..有d食物打包左
食到咁多款地道越式菜真係幾回味~~
期待下次再想食越南野既時就可以返黎試埋佢其他款式!!
店家: 河內大娘越南餐廳
地址: 尖沙咀漆咸道南17-19號帝后廣場地下7-8號舖
Shop 7-8, G/F, Empress Plaza, 17-19 Chatham Road South, Tsim Sha Tsui
電話: 24933338
營業時間: 星期一至六11:30-22:30
Openrice主頁Here
沒有留言:
張貼留言
歡迎留言分享 : )