估唔到賣運動用品的 賣食物也很不錯 [C.P.U. Cafe@尖沙咀]

平時去C.P.U.係去睇波鞋...估唔到會連cafe都做埋xddd
強烈好奇心驅使下..決定要坐低試試>w<"

本來係想去C.P.U.睇野.. 上到K11一樓就會見到C.P.U.的指示牌啦~~

入到C.P.U.後請望向左手邊,, 係一個唔係好起眼既角落
竟然收埋左間舒適cafe係度架 *v*
一個唔留神真係可能會miss左 ..


有在賣朱古力的小小counter呢 : > 有興趣也可以同員工提出試味 ~




非常之文青既環境 : ) 難怪位置咁隱蔽都咁多人黎

我地今晚坐既座位❤️


意想不到地貼地的價格 $v$
主食由$98~$198不等.. 小食最平竟然$48都可以有交易!!
非常喜歡這樣合理的價錢 : ) 終於無比人"禁"住黎搶的感覺...


也有不少酒類同其他飲品的選擇


覺得整得好靚的梳打menu ...**


我地先叫左個dinner combo+$60跟Caesar salad,是日餐湯同飲品..
朋友想加$10轉華道夫煙三文魚沙律
我就提議再補$20轉原價要$58的龍蝦濃湯~ = P

沙律很有心思(: 
面頭放置的沙律菜 沾上甜絲絲的蜜糖 加上花生粒..成件事非常夾
朋友說煙三文魚也做得很不錯 (我唔食三文魚架...🙆🏼)
而三文魚底下的 是沾滿沙律醬的薯仔粒 夾雜少許蜜桃粒..
加埋青蘋果一齊食.. 的確好清新呀 ~
(即刻對呢餐信心大增.. 同時覺得呢$60+$10比得好值 ; D)


補多$20都要轉的龍蝦濃湯
飲得出的天然美味.. 餐廳用上來自波士頓的龍蝦殼同膏去熬製..
味道自然又濃郁 ... 湯入面既龍蝦肉份量都唔少.. 而且粒粒都大大粒 有咬口

餐包竟然係竹炭包 ! 面頭香脆 內裡則軟熟
實在太感動... 比起好多貴夾唔飽既高級餐廳.. 呢度真係天堂黎



我地最期待的主角出場了!! Lobster combo $188 (重新開幕特價進行中, 原價$238)
這賣相...已經令我同朋友食慾大增了!! 食物的色、香、味真係缺一不可: )
哈哈.. 原來呢個combo本身都有碗小小的龍蝦湯呢😂
早知唔使特登加錢試.. 但好味既野無人會嫌多: )
呢度用既波士頓龍蝦 真心彈牙又扎實 而且係好肥美!!
咁大個女好少可食到咁多肉既龍蝦呀T___T
係龍蝦頭的蝦膏部分.. 加左黑椒去醃... 真係非常之香!

佢個薯條我地認為值100分!
感覺好light..微脆,微咸,食唔停 : >
(特別係當我回憶起幾日前食過一個炸得過晒火好乾既薯條...)

除左半邊新鮮龍蝦.. 佢仲附有一個迷你虎蝦burger
呢個份量剛剛好 唔會太飽
蝦肉非常厚身.. 而且醬汁唔足以蓋過蝦既鮮味.. 同樣係好彈牙


我地叫既第2份combo就係海陸大餐(牛柳,虎蝦)$198
牛柳叫左5成熟 : ) 一切落去已經知道好juicy
但係 略嫌牛味唔夠重 所以好易就比紅酒汁掩蓋了..

p.s.佢個薯蓉好軟綿同好香奶味 .. 係我地好鐘意既質感 !

2隻大大的蝦肉 ..呢度用既海鮮 真心高質素
虎蝦除左鮮味 就係帶有好重既黑椒香 好惹味 : )

餐飲+$12配Signature Chocolate ~ 呢杯係較重奶味,感覺輕盈d
另一杯餐飲同樣+$12轉配Cafe Mocha.. 呢個反而較重朱古力味: )易入口..

無心插柳 竟然入左一間性價比極高的cafe..
仲要明明本身只係一個運動用品的品牌 .. : >

回家上網再翻查 先發現呢度既廚師係曾任四季酒店的總廚..擅長煮新式既西餐 @0@..."
難怪有如此高質素... 但仍然keep到合理價格..
真係好值得一黎再黎....😋😋

店家: C.P.U. Cafe
地址: 尖沙咀河內道18號K11購物藝術館1樓122號舖
Shop 122, 1/F, K11 Art Mall, 18 Hanoi Road, Tsim Sha Tsui
電話: 2237 1700
營業時間: 星期一至日12:00-22:00
Openrice主頁Here