睇好過食的文青系越泰餐廳 [青花ATUM@旺角]

同舊同事食飯慶祝佢升職,,, 佢請晒我地以前成team人食飯^0^
真係好開心..xd
上網搵左一間環境超級靚既文青系東南亞餐廳🌷ATUM青花🌷
抱住滿滿既期望... (結果竟然係失望...)



大家都係第一次黎呢個新開幕無耐, 以糅合綠色概念同日式現代建築美學為主題既新商場-- The FOREST🍃🍃
屹立於波鞋街鬧市之中 的確係幾別樹一格同有特色~~
而餐廳內部當然唔會少得大量綠色元素!
初初入到黎真係有種走左入城市綠州既感覺ga~~ : >

環境係清新自然風..食物就係包含越,泰同印尼既東南亞菜式!
主要分為沙律小食,麵飯類,主食,包餅類同甜品~~ 款式唔係特別多但總會有岩心水既食物呢~
好彩既係佢價錢算中等 唔會貴得過份.. (如果唔係食完呢餐應該會嬲到爆炸...xd)


蒜蓉包(5件)$48 幾時都係我至愛...無論去親咩餐廳都要叫黎食架!~~
呢個蒜蓉包比平時食到既厚幾倍~~ 咬落去口感係幾好既
可惜味道怪怪地.. 因為佢除左一般蒜蓉之外應該仲加落其他香料
個陣味.. 我同朋友們都唔係好識欣賞..lol


燒菠蘿蟹肉炒飯$128
望落去賣相的確係唔錯呀~ 蟹肉份量又幾多
可惜食落實在係比較淡味... 連蟹肉都唔係好食到味.... ><
整體都係望落開心.. 食落就失望....
而且菠蘿有少少燒到乾得滯..



呢個算係幾好味.. 香葉辣肉碎生菜包配七彩蝦片$76
落左香葉,蒜頭同辣椒既豬肉碎好多汁同惹味!!
用生菜片包黎食可以中和返油膩感, 唔錯呀~~

唔知點解被受同事們厭棄既泰式肥豆兒醬炒通菜$68 xdd
我覺得都係普通通菜既味.. 有少少似平時食既蝦醬炒通菜只不過係淡味版..都尚算ok呀~


炭燒豬頸肉配魚露椰糖汁$138
呢個我只係食到一塊 因為真係幾辣下.. 所以都比唔到咩評價
不過佢既豬頸肉都幾大塊同埋唔會燒到太乾身~


炸蝦球配泰式甜辣醬$86.. 又一個明明可以整得好好味 但係竟然好普通既款式
蝦味唔突出.. 基本上係食唔到d咩味.... /_\


金不換香辣炒蜆$96 呢個我地都覺得係最正常既一款呀!!
炒蜆份量都算幾多..全部都幾大粒同埋新鮮呢~
加上金不換一齊炒.. 香味好濃郁
同成個醬汁都好夾! 呢碟係今餐最高分!!


泰式大蝦炒金邊粉$118
呢個其實質素都ok呀~ 醬汁夠開胃...金邊粉係正常質素
可惜既係大蝦唔新鮮... 無鮮味亦無口感..


三色冰奶蓋$48 椰皇$36
飲品亦都不負眾望 外表係好靚靚呀✨
但係飲落去都係一般般...

斑蘭咖啡$38 最叫我失望的一款...
本身仲以為會係綠色架... 點知黎到就係一杯普通latte的樣子
再飲一啖... 跟本就完全無斑蘭香既😭😭😭
點解要欺騙我既感情😭😭😭😭

最後埋單 價錢上都ok既... 唔會太貴
五人份量 平均每人$212~

感覺呢度最值得讚既都係環境夠清新自然... 好多靚靚既影相位
但係食物黎講就唔一定要黎呢度食...😂
雖然係咁.. 呢度仍然係好多人黎食架...
所以仍然係想黎既朋友 要book左位先好黎呀~

店家: 青花 Atum Champak Restaurant
地址: 旺角奶路臣街17號The Forest 1樓107-108號舖
Shop 107-108, 1/F, The Forest, 17 Nelson Street, Mong Kok
電話: 34682558
營業時間: 星期一至日12:00-22:30
Openrice主頁Here