繼續食最鐘意的烚下烚下~
約左朋友黎元朗呢間新開的火鍋店--大滾友!
個名好搞笑..xd
揀呢間, 係因為上網搵左呢間係同之前係北角大受歡迎既火鍋店滾得囍同集團旗下既另一風格火鍋店..
之前想試又唔想去到北角咁遠.. 而家元朗開左 終於可以一試!
幾鐘意佢走既古色古香中國風路線~
食物款式都唔少呀~ btw佢全部湯底名都好搞笑..xdd
宮廷醬芥$20/位
佢個龍頭造型既鍋好有氣勢呀😍😍😍
一拎上枱真係嘩左出聲....loll
我地揀既係店家極力推介既招牌玲瓏浮凸鍋
其實即係花膠雞湯鍋(半隻)$288 (另可選一隻$388)
價錢都唔平.. 但係當你一飲就會明白點解會收呢個價
飲得出湯底用左唔少材料同時間去熬製~
好有媽媽老火湯的感覺: ) 我第一次打邊爐會不停咁飲個湯底>v<"
而佢將花膠同雞肉另上 自已鐘意幾時食先加落去~
想講佢份量都幾大.. 兩個人食真係未必食得晒
珊瑚蚌$98
(大鄉里的我...其實係第一次食珊瑚蚌🙈🙈🙈)
見到咁深既橙色以為佢會係一d濃味食物黎..原來唔係架@v@
佢有淡淡既海鮮鮮味, 咬落好爽口彈牙~~ 幾易入口
唐生菜$28 年紀大要關注健康 lol
菜好新鮮 呢個價錢同份量幾合理~
手打蟹子蝦滑$78 我同朋友都大愛呢一個蝦滑!!❤️
食得出非常新鮮的蝦味~~! 加上佢好有口感 好脆滑
面頭仲要有唔少蟹子粒 兩者好夾~~ 份量亦都唔細件^^
手切頂級安格斯牛肉$328
安格斯既牛味意料之內的濃郁🐮
而意想不到既係肉質比平時食到的更軟腍😋而且每片都切得非常平均同薄身
雖然係貴左少少...但係鐘意食牛既我真係忍唔住叫...
其實佢份量都唔細..所以都ok啦^___^
朋友喜歡的白鱔片$88
其實我個人黎講係好憎食鱔架... 我試左一啖 陣鱔味果然好勁..lol
但朋友就非常鐘意..佢既評語係好新鮮爽口 同埋無好重既泥味...大家可以參考下~~ (不負責任的食評小妹...=V=)
羊肉片$58 性價比好高的羊肉!
切得細細片的羊肉羊味濃郁 肥瘦又平均..好鐘意放入口有個陣油脂感!!
其實我地唔係叫左好多野但係都好飽.. 有好大原因係湯底個半隻雞同大量花膠 已經填飽左我地個肚!!
所以大家叫野食時要預返..適可而止^^
店家: 大滾友火鍋
地址: 元朗鳳攸南街9號好順利大廈一座地下G4-G5號舖
Shop G4-G5, G/F, Ho Shun Lee Building Block 1, 9 Fung Yau Street South, Yuen Long
電話: 36184885
營業時間: 星期一至日18:00-2:00
Openrice主頁Here
沒有留言:
張貼留言
歡迎留言分享 : )