一場上到黎.. 唔想周圍走..就直接係呢度食埋晚飯
店名叫回到味來... 食左西片"回到未來"個"未"字🤣🤣🤣
感覺餐廳裝修仲係有少少日系feel... XD
但都有幾多酒類提供下~
見到佢好多口味既果酒都只係$28... 不過我地唔好酒, 所以無叫到~~
竟然有當歸鴨湯底喎~ 去親台灣旅行都會去飲當歸鴨湯~
係時侯回憶一下台灣的滋味...^___^
豉油醬料... 幾鐘意佢特別提供香醋
係加落豉油度既~ 提升返鮮味
原來呢間店係新開既, 係新張優惠期間 只要上fb打卡就會送小食::: 炸蓮藕薯片!!
鐘意食蓮藕既我又點會放過😁😁
蓮藕片用酸酸咸咸既醃料醃得好入味! 開胃的前菜黎
員工介紹當歸湯底係由台灣送黎架.....今次真係可以食返台灣滋味丫~ (當歸鴨湯底$158)
呢個湯底係愈浸愈出味架... 所以一開頭你未必食到好強烈既當歸藥材味.. 但慢慢浸耐d 味道會愈突出
原隻鴨咁上... 初初望住佢..其實有d驚...
不過鴨肉確係幾鮮嫩... 同埋索到湯底既香味
羊肉卷$88 羊香味都幾突出~~~ 不過份量唔算多呢
特級牛柳粒$98
係幾juicy既, 但係我個人略嫌佢脂肪比例太多了... 唔係我杯茶
呢個係我今餐最滿意的一款 -- 手工餃拼盤$46
包括手工鮮蝦雲吞x2, 手工菜肉餃x2 同足料韭菜餃x2
足料韭菜餃 幾清香!!
手工鮮蝦雲吞 每粒都有大大粒鮮蝦在內!
手工菜肉餃 豬肉加左d粟米在內..幾得意~
最後竟然送左甜品比我地... 係好靚既薑茶水中花🌸
(新張期內免費送..原價$38)
薑茶味好濃 少少辣辣的仲接受到 : >
水中花係將豆腐切成一朵花既形狀... 好厲害既刀功呢
感覺都有少少似食緊豆腐花架~ 呢個好靚!!
其實只係食左好少野... 但都過$500...偏貴...
如果定價稍稍調低的話 相信回頭率會更高
另外呢度既服務好好 所有員工都好主動加茶同介紹食材, 值得一讚!
店家: 回到味來
地址: 旺角彌敦道594-596號旺角新城3樓
3/F, Mongkok Metro, 594-596 Nathan road, Mong Kok
電話: 3618 4422/5922 2669
營業時間: 星期一至日17:00-2:00
Openrice主頁Here
沒有留言:
張貼留言
歡迎留言分享 : )