係太子地鐵站落車後 行5分鐘就到歐亞銀行大廈
餐廳位於地庫樓層, 行落一條短短的樓梯就會到達~
到了~!! 呢間分店有好raw的水泥牆壁呢
感覺好適合好似我呢d食物攝影愛好者🤓
落到去.. 頓時有種睇叮噹(<~不是多啦A夢...暴露年紀系列🤓)時佢地去左遠古時代 自己係洞穴入面起屋既感覺😊
都係水泥牆+紅磚牆+木桌的配搭.. 而圓筒形藤籃椅入面係空心既, 可以放個人物品
就係見到有呢3個新出既套餐呢~~ 糾結一番後.. 都係決定試試蠔+八爪魚的set!
未落單 先黎前菜😍
就算已經黎過咁多次都好.. 每次見到咁大堆頭既前菜總係有禁不住的興奮🙊而且每次都一定要幫佢地影好多靚相...
以上見到既前菜 除左最大個碟麻醬沙律外都可以免費無限refill呢~
八爪魚set的::: 八爪魚生蠔湯🐙
有大大件八爪魚同4-5粒飽滿的生蠔肉
湯有好重的蠔味, 八爪魚都唔難咬開..配上健康的海帶一齊食!
但我地覺得如果個湯加埋豆腐粒既話 口感會更豐富 : >
等待正餐既時侯最岩就係食爐邊燒!!
超強拉絲的🧀🌽+半熟時最好食的泡菜蛋🍳
我地refill左4次真係飽到傻左🙈🙈🙈
主角都好快就黎到!! 蠔食雜錦八爪魚套餐$568
上層: 大蝦, 豬頸肉, 牛小排, 豬肩肉, LA骨
下層: 芝士生蠔, 惹味牛油芝士生蠔, 菇&南瓜
大八爪魚
仁川直送辣醃生蠔
急不及待即刻開始燒烤喇~~~
牛小排::: 好薄身所以可以燒到好香好脆, 有淡淡的牛肉香!
LA骨食落口非常軟嫩 而且比牛小排更加juicy呢*v*
牛味好出呀!!
無諗過豬頸肉會成為左我至愛 (不嬲鐘意食🐮多過🐷..)
睇樣都睇得出我地將佢燒到勁外脆內軟...咬落去個油脂感係滿!分! 同時當然一定係要無我最怕個陣豬燥味啦
加上豬肉面頭醃過..食落甘香...好滋味!!🌟
豬肩肉 ::食落有少少'鞋'口...不過勝在無乜肥膏~~^^啖啖都係肉! 算係幾款肉入面最普通的一款
唔少得非常彈牙又新鮮的大蝦~~ 有3隻^__^
黎緊就講返3款唔同口味的生蠔~!!
首先係可以直接生食的, 同時亦係呢一餐令我地最難忘的仁川直送辣醃生蠔💧
呢一款既海水味同鮮味都係最突出.. 而且覺得辣醬有效提味呢!
跟住2款都要放上爐燒的~~ 惹味牛油芝士生蠔味道好豐富, 先咸後甜~~
而芝士生蠔對比起上面2款既鮮味就無咁突出啦
大八爪魚係原隻上的@@!!用韓式醬汁醃過..非常入味😋
如果可以再辣少少應該會更加惹味!!🐙🐙🐙
唔需要燒太耐...燒到咁上下就可以將佢分件再燒熟少少喇^^
食入口都完全唔會韌~~ 不過食到呢度已經覺得好飽喇...
差d唔記得左 我地仲叫左2杯好靚靚既飲品*v*
藍天使梳打$32
飲落有少少似波子汽水味, 好得意
意外地竟然唔會過甜,,,,
青提子梳打$32
好鐘意佢真係有一粒粒青提子在內~~ 清香微甜之選!
最後埋單 每人大約$350~~ 食到超飽的...
店家: 炑八韓烤
地址: 太子彌敦道749號歐亞銀行大廈地庫 B/F, European Asian Bank Building, 749 Nathan Road, Prince Edward
電話: 2390 6822
營業時間: 星期一至日11:30-24:00
Openrice主頁Here
沒有留言:
張貼留言
歡迎留言分享 : )