smile for SMILEY =) 有gimmick也有質素 [SMILEY CAFE@旺角]

商店結合食肆愈黎愈普遍 : ) 個人都幾鐘意呢種新趨勢
行街行到累個陣 可以有個位置抖下飲下野 放鬆一下~
食飽之後繼續作戰😉

SMILEY CAFE係眼鏡品牌eGG同Smiley聯乘而開既cafe🙂


客人入黎會先見到cafe area, 再行入多2步 就已經係眼鏡店既位置啦~
兩者之間只係用樓梯級形狀既分隔牆輕輕隔開, 上面放左好多Smiley出品既精品同餐具
就算唔買 望住都覺得幾開心架 : >

cafe亦有少量店外既位置, 位與位之間既距離都算幾闊落



不論餐具,吊燈定牆壁都係鋪天蓋地的笑臉!!
不其然令人心情慢慢變得放鬆... : )

沙律&小食:: 款式唔算少而且感覺好岩食, 價錢相宜
我地叫左最貴的小食拼盤都唔使$100

主菜:: 反而係款式最少既一項~ 只有9款
但都已經包含左意粉, pork ribs, 扒類同飯類
足夠滿足到唔同口味的朋友


甜品::: 款式同飲品款都係呢度最多架~!!
每一種甜品都好吸引,,, 因為佢除左有比較傳統既雪糕同芭菲之外
仲有非常特別又吸睛既雲朵雪糕, 同埋特別茶味既Crème brûlée.. 甜品變成最期待的環節😍😍


飲品款式::: 亦係多到令人眼花繚亂,, 心大心細 好多都想試
佢分左咖啡類, 茶類, 梳打類, 沙冰類同埋最特別的雲朵類!

(相信唔少朋友都知道雲朵其實即係一團大大的棉花糖
用器具夾起 放置於熱飲既上方, 再利用熱飲散發既蒸氣將棉花糖慢慢熱溶...
感覺就好似落緊一場微微雨咁~~ 其實係一種視覺享受黎~
不過因為之前已經係其他地方試過, 所以今次我地就無再叫呢樣野啦😌)


我地一家4口👨‍👩‍👧‍👦💕叫左1個小食+4個主菜+1個甜品+2杯飲品
最先上枱既係小食拼盤$98 (包括馬介休x3, 芝士條x3, 雞翼x3同薯條一堆^___^)
見到有馬介休都幾驚喜.. 因為唔係咁多地方有供應~多數都係去食葡國菜時先會食到xd
不過佢每樣得3件...我地4個人食就分唔勻...>.<

食到非常軟熟既薯蓉🥔加淡淡銀鱈魚既咸香味
外層炸得薄而香脆..意外地唔會好油膩~ 岩晒我呢d唔食得太油但係又好為食既玻璃肚病患者.. lol
而且食完一件都幾有飽肚感!

好合我口味的芝士條, 外層沾滿麵包糠 新鮮炸起🧀
熱力持久~~ 芝士香味濃郁 芝士控表示很滿足🙌🏻

雞翼都係我既至愛... 呢個拼盤真係叫得好岩😂😂
無諗過會醃得幾入味, 而且面頭充滿蜜糖香味, 正正😋

仲有香脆薯條同少量麻醬沙律~~ 薯條唔會過乾過咸
輕鹽口味脆卜卜, 唔錯~!!
原來呢度唔少小食款同肉類都會跟埋沙律同薯條架~~
唔使驚唔夠食*v*



蒜香蜆肉意粉$68
一上枱已經聞到蒜香味~ 而且有唔少三色椒 感覺更健康
蜆肉粒粒飽滿有鮮味, 意粉係用扁意粉!! 唔錯~
不過份量略嫌細左少少.. 1個人單叫呢個既話 未必夠飽



香煎肉眼扒配薯菜$118😻😻😻7成熟
平平地的價錢 估唔到牛扒份量都唔細! 而且肉質軟腍又夠juicy!
係性價比高, 令人滿意的一件牛扒🥩



包鍋西班牙海鮮飯$98
用一個飽滿的農夫包盛載住熱辣辣的海鮮飯!🐟🦑🦐
海鮮飯既配料都唔少呢...有大蝦,炸魚塊,魷魚同蜆肉~
另外 佢個農夫包焗得好香脆!🍞而且貼心地配上忌廉汁沾麵包食~~ 推介一試 : )



最後又一個令我地流晒口水的自家製BBQ烤豬肋排(半份)$78  (可選全份$118)
佢地個bbq汁真心惹味呀! 而個pork ribs又香又腍身
索晒bbq汁既香味... 喜歡食豬肋骨既朋友唔可以錯過!!!⭐️
(p.s.薯條也索滿醬汁的味了🤤🤤)


其實已經好夠飽... 但見到佢咁多甜品款式都想試一試
所以我地叫左個份量細細的伯爵茶焦糖布丁$28
Crème brûlée平時食得多..加入伯爵茶口味的真係第一次試❤️
睇賣相唔會估到佢個茶味可以咁濃架☕️
custard亦都幾軟滑~ 配埋忌廉一齊食最好味😋
士多啤梨亦都好香甜呢 不過得好少咋🍓🍓

玫瑰咖啡(熱)$34
老實講...本來對佢無乜期望..因為係坊間都飲過好多虛有其表但無乜花香既Rose latte...
但呢個令人喜出望外 因為佢真係由頭飲到尾都飲到突出的玫瑰花香味🌹
而且latte個咖啡底做得唔錯 飲落順滑香醇☕️🥛


而我地既第2杯飲品 其實係唔使錢架~~ 只要上fb/ig打卡就有一杯免費指定飲品!
而今日送既係蜂蜜西柚茶$30🍹🍹
味道酸酸甜甜咁 有少少似柚子蜜+橙汁呢~~
員工話指定飲品係每星期咁轉款~

最後埋單...我地4個人食到咁飽都只係$563...即係每人平均$140左右
真心覺得好抵食...而且佢咩類型既食物都有d
無論係想黎坐低tea一tea/當飯後甜品/食正餐都可以!

最後更加送左4張85折coupon比我地^^~
不過今個月底就到期喇.. 希望有機會快d返黎再食

店家: SMILEY CAFE with eGG
地址: 旺角亞皆老街8號朗豪坊10樓19-20號舖
Shop 19-20, 10/F, Langham Place, 8 Argyle Street, Mong Kok
電話: 23275101
營業時間: 星期一至日12:00-23:00
Openrice主頁Here