唔食辣都岩食既四川火鍋店! (btw見唔到陳柏宇...) [雲長小龍坎@銅鑼灣]

雲長小龍坎 -- 好特別既店名.. 其實係內地有超過200間分店既人氣火鍋店 小龍坎 既香港分店黎
而且仲係由藝人陳柏宇同朋友引入添架😍😍


非常古色古香既裝修同氛圍

估唔到晚上6點已經有咁多人黎食... 當中唔少係國內人黎!


木製的桌椅.. 有一種踏入左古代的感覺

非常有氣勢的芝麻油牆壁..xddd 每人都獲派一罐呢~
有將食物降溫同減辣作用! (無錯..呢度係出名食麻辣火鍋!__!)




不論海鮮, 肉類, 蔬菜定小食甜品都有好多選擇
湯底就focus係招牌紅油麻辣鍋, 另有田園蕃茄鍋同清香藥膳鍋可揀~

自行添加醬料位置~ 見到國內客人每款都加好多*0*
果然兩地口味大不同... 睇黎佢地偏愛偏濃味的!


哈哈哈!! 相信認識得我耐既朋友都會知道... 我係廢廢食唔到辣野..所以...黎到麻辣火鍋店..我仍然係可以厚面皮地叫左個田園蕃茄湯底$128~!! XDD
連姐姐都一再提醒..佢地出名既係紅油麻辣鍋呢~~~ lol
但感覺叫呢個湯底都係一個岩既選擇...
蕃茄味超濃郁的... 亦都有好多蕃茄肉在內!! 香甜的一款!! 又有健康價值!
真心覺得大家黎都可以試~


黑松露海鮮餃$108/8隻
發現世人已經阻止唔到我去邊度都要食黑松露款既食物了..LOL
每粒都食到唔同既海鮮在內, 呢一粒好好彩 有大大粒的蝦仁+帶子!!
食得到黑松露味既, 但可能已經浸湯浸得太耐所以唔算特別濃



打邊爐叫薯粉是常識吧~~ 紅薯粉$38
好煙韌又彈牙呢~~ 但唔知點解.. 感覺佢唔係好吸到蕃茄湯底個味... 下次可能會試試叫返烏冬呢
不過份量很多是真的


非常靚靚又浪漫的玫瑰丸子$88/6粒
係真係有一片片玫瑰花瓣既呢!!

其實係豬肉丸黎, 但係多左一份玫瑰的清香味, 幾特別的一款!


這是我今餐的第二至愛 ::: 即炸紫菜響鈴$58
響鈴非常薄身又香口..夾住紫菜係中間
響鈴係香脆, 而紫菜就浸到軟身, 超鐘意呢個一軟一硬的口感^v^


內蒙羊肉片$108
係羊呀🤤🤤鐘意佢既肥瘦均勻, 唔會過多肥膏
羊肉香味夠突出呢~~ 同時又沾上蕃茄湯底的香濃鮮味!!


好喇~ 頭先介紹左我今餐第二愛, 呢一個就係排第一的紅糖糍巴$58!!
估唔到會係甜品拎第一呢係火鍋店入面!!! 但係真心一試難忘既..加上係香港其他店又唔係咁常見
微微炸香過既糯米巴..外面一層好脆..而內裡既口感則煙煙韌韌
最重要係每件都要沾滿紅糖糖漿黎食 就最好食!!❤️
最正既係佢熱食同凍食都得! 我地熱食左之後又唔小心攤凍左...一樣好食, 而且感覺仲有少少似食緊沙冰添xdd"


埋單比想像中平呢~~ 每人都係$350.. 已經係飽到食唔落的地步了...



店家: 雲長小龍坎老火鍋
地址: 銅鑼灣記利佐治街1號金百利廣場7樓R3室
Shop R3, 7/F, Island Beverley, 1 Great George Street, Causeway Bay
電話: 2761 3300
營業時間: 星期一至日16:00-23:45
Openrice主頁Here