童年回憶老夫子,大蕃薯同秦先生!!! [老夫子餐館@元朗]

記得細細個一放暑假就會去屋企附近既圖書館借好多書返屋企
老夫子, 牛仔, 花生漫畫... 十分懷念 : )
老夫子既故事雖然係以上個年代為背景, 但係當中好多瘋狂意念 xd 相信係到今時今日睇都唔覺outdate架 : >


今日星期日 我地中午1點左右黎到, 已經有唔少人係度拎飛等位了..
睇黎大家都對老夫子主題餐廳熱情不減^^

等位期間 可以先同餐廳外面既老夫子同大蕃薯合照留念!!!
(好少可見佢地著咁正經既西裝呢~~~ : P)
(點解唔整埋秦先生 >.<)

亦可以睇睇門口賣既老夫子精品~!!




我地2人等左大約20分鐘左右就可以入座了,,, 比想像中快^^!
成間餐廳都佈滿漫畫中唔同角色既蹤影~ 唔單只三位主角...連陳小姐,老趙都有出場!
牆壁上既人物造得好有立體感,,, 連天花板,餐枱同椅都充滿漫畫元素!
未食野已經好興奮😍
(覺得呢度除左係餐廳之外, 更加似係一個老夫子博物館xdd)


餐枱印有唔同既老夫子故事!! 食野之餘又可以睇漫畫!


Weekend都有lunch set~ 走個陣見到14:30開始有tea set!

散叫食物同飲品種類亦都非常多!
西湯,炸物,鐵板,焗飯/意粉,咖喱,健康藜麥,西/日式飯同意粉,麵/通粉/烏冬/米線,港式美食同中式小菜都有!
而且價錢比想像中平!~ 只係比一般茶記貴少少
但賣相全部都好吸引..睇到心思思樣樣都好想試!!


餐牌中不時夾雜住香港唔同地標既介紹^^
如果有外國朋友黎香港既話 我一定會帶佢黎呢度
有地道食物之餘又有特色 !*v*

3分之1頁既飲品選擇... 好多都好吸睛
(可惜我今日病.... 唔飲得凍野/____\)



老夫子煎烏冬$75
第1次食煎烏冬...感覺係好有特色的一款!
用蛋漿將烏冬包住,,, 再加入火腿等配料一齊煎香
食落味道有d似芙蓉蛋, 但係唔會過咸, 非常適中
最重要的是邊位煎得好香脆誘人🤤🤤
加埋甜甜地的茄汁一齊食 意想不到地match!
一碟有6大塊,,, 但好容易一塊接一塊咁好快清晒!😋



想要健康d既選擇:: 可以揀佢地既藜麥系列呢~~ 都有成9款藜麥菜式可以揀架!
鮮蝦球忌廉藜麥炒意粉$75
忌廉汁好creamy~ 份量唔過多所以食落都唔會覺得滯
意粉軟硬度適中...大蝦共三隻,彈牙爽口^v^!


甜品係必不可少的環節 = D
夢幻堡壘$42 即係一口西多配雪糕, 係一個大人細路都會愛上的組合❤️
西多士非常鬆軟, 咬落去有彈性, 外皮香脆
難得地唔會過甜又無炸得過火
將每一件都沾滿雲呢拿雪糕放入口...有幸福的感覺


病左既我只可以飲熱飲...好彩熱飲都有唔少選擇🤩
呢個 紫薯黑鑽石(熱)$25 有微甜既紫薯香💜
加左忌廉令到成個口感好幼滑,, 入面仲有一粒粒涼粉增強口感!
我地都覺得價錢好合理呀! 平時出去d cafe叫一杯紫薯口味既飲品, 肯定都要起碼30/40蚊走唔甩...


朋友叫的 超級吸睛的 老夫子玩意$38!!
其實係忌廉溝鮮奶再加左一大件綿花糖~~
朋友話呢杯既忌廉味較突出 另外加左綿花糖會比起平時飲到既甜d, 但又唔會太甜
呢個有得飲又有得玩呀 XDD


食到最後... 因為我杯野飲已經飲晒..加上喉嚨又keep住痛
所以追加左一壺水蜜桃鮮果茶(熱)$38
溫暖又香醇既紅茶☕️
放左唔少火龍果,藍梅,士多啤梨,菠蘿同香桃粒
增加絲絲香甜
飲入口喉嚨即刻舒服左😊

好消息係::: 呢度不設加一收費架!
我地叫左2個主食1個甜品同3杯野飲總數都唔使$300
仲有咁多老夫子特色裝修同擺設可以欣賞+影靚相
性價比好高👍🏻會再返黎食

店家: 老夫子餐館
地址: 元朗朗日路8號形點二期1樓A101號舖
Shop A101, 1/F, YOHO MALL II, 8 Long Yat Road, Yuen Long
電話: 2808 0819
營業時間: 星期一至日7:00-23:00
Openrice主頁Here