係一個人來人往既位置:: 堪富利士道
但唔知又有幾多人會發現到 apartment入面既3樓
其實隱藏左一間極高水準既甜品店呢?
無意中的發現, 令我對甜品既認知 又提升左一個層次
因為係呢度 你可以品嚐到色香味俱存既優質甜品
絕對唔會係其他甜品店輕易搵到 (講到好誇張咁🤣但食完真係有呢個感覺)
小店裝修完美呼應返店名:: 小糖鈕
一整片牆都係七彩顏色既鈕!! 仲有好多小朋友畫既畫
好有童趣的一個地方
不斷出現的鈕扣~~~
menu都係七彩繽紛的風格~ 好似將童話世界搬到現實世界的感覺
我地已經食左lunch, 所以叫d小食再加甜品就岩岩好喇^.<
紅色呢張係期間限定的毬姬士多啤梨主題甜品~
原來19/3先開始有咋.. 我地好好彩!^^
不過當大家睇到呢篇文章既時侯..應該已經完左喇>.<🙇🏻
香脆炸七味豆腐 $48
即叫即炸, 要預返等既時間呢~
炸粉落得好薄, 豆腐細細粒的, 好滑身
味道唔會過咸, 想多種口味既話 店家都有提供埋沙律醬可以沾~
香煎芝士豬肉餃子 $68 呢個相對起黎 性價比較低
同樣係即叫即煎, 所以都要等返15分鐘左右呀~
佢既特別之處係芝士並唔係加係餃子入面, 而係大家見到相中
煎平左個面呀, 哈哈~
呢個同豆腐揀的話, 我會推介豆腐比大家
不過..... 重點是甜品!!!!!
毬姬．莓玫之霧$88
徹頭徹尾的100%用上日本和歌山直送的草莓, 草莓醬同無添加草莓碎🍓🍓
甜品上枱後 店員會加入溫水.. 令碟底既乾冰出現噴煙效果
d煙愈出愈多 非常吸睛!!😍😍😍最特別係佢既煙霧係有玫瑰花香架🌹
因為呢個係一個以草莓+玫瑰為主題既甜品
起緣就係毬姬士多啤梨本身帶有花香, 所以呢份甜品其實係將呢份果香加花香具體化咁呈現出黎: )
以毬姬果醬製成既士多啤梨造型綿花糖~
食落口食到自然散發既香甜同微微果酸, 味道非常天然
酒杯內的主角:: 以草莓果肉同果汁製成既法式燉蛋~
香甜既草莓味由燉蛋滲透出黎, 配埋無添加既士多啤梨果肉同砌成玫瑰花形既薄脆一齊食
口感好豐富!👍🏻
小糖鈕森林$98 模仿森林中生長的蘑菇🍄
菇頂係蛋白發成既脆脆..好輕盈 , 一咬即化
中間係充滿松露味既白朱古力忌廉..兩者合埋竟然零違和感
而且忌廉超級幼滑！
底部用上黑朱古力模仿枯枝
酥皮脆脆扮演泥土中的枯葉🍂仲有薄荷葉托底
成個畫面出晒黎,,超有心思 : )
食完之後隔離仲有橙香燉蛋🍮
清新減膩
係一份睇得又食得既正正甜品⭐️真心推介!!
如果食厭左周圍都係個d款既甜品店, 真心推介可以黎試一試小糖鈕
甜品款係店家自創, 有心思有畫面得黎 最重要都係有質素
真正滿足了視覺嗅覺同味覺的心思甜品👍🏻👍🏻
店家: 小糖鈕甜品專門店
地址: 尖沙咀堪富利士道6-6A號3樓
3/F, 6-6A Humphreys Avenue, Tsim Sha Tsui
電話: 9704 0000
營業時間: 星期一,三至日12:00-23:45
Openrice主頁Here
沒有留言:
張貼留言
歡迎留言分享 : )