海鮮袋以外的其實也很不錯!!🦀 [Mr. Crab@灣仔]

話說上次食過尖沙咀的The Captain’s House之後, 對呢間餐廳既印象都幾好..
今日約左朋友出灣仔食lunch.. 又上網見到有佢既分店:: Mr. Crab 就一於再黎食啦!

我覺得分店比主店既裝飾更加吸引.. 而且海洋風更加重呢! 🐬🐙🌊
店面分2層.. 地下個層其實係賣飲品既~ 見到店家推出左唔少果汁..smoothie類既飲品呢! 比較清新同健康

左手邊係上餐廳既樓梯,,, 一路行一路已經令人好期待
因為成條樓梯既牆都用牆磚堆砌左個海底世界出黎.. 仲見到八爪魚同水母個樣!XD



而上到去2樓 就好似上左一隻船咁~ 好多打造船艙感覺既裝飾!🛳⚓
而且仲見到有個大水缸係度.. 入面就放滿活海鮮~ (即係好似平時去D酒家見到個D咁.. HAHA)


要讚既係員工非常之主動有禮呢! 我地一坐低佢就向我地耐心介紹食物種類..
而且唔會一味hard sell佢地既招牌海鮮袋… 亦都有同我地推介一D唔多鐘意食海鮮既話可以叫既食物, 抵讚! 🙂

咁我同朋友都鐘意食海鮮既~ XD 當然會再叫佢既海鮮袋啦!
海鮮袋分左4種… 分別係:
- Signature Combo $360 (蜆+海蝦+青口)
- Lobster Combo $580 (波士頓龍蝦+海蝦+八爪魚仔)
- Dungeness Combo $1,060 (珍寶蟹+大扇貝+青口+翡翠螺)
- Ultimate Combo $960 (小龍蝦+松葉蟹腳+蜆+海蝦+青口+大扇貝+翡翠螺)
其實Ultimate係抵叫既… 但係我地2個女仔食唔到太多.. 又想試龍蝦,, 所以就揀左:: Lobster Combo (配檸檬胡椒醬汁)
另外加多左2款小食~~😎

HAHA.. 最先黎到既係野飲呢~ 朋友愛飲酒… 所以揀左呢個Flambe Yellow $88
我都試左一啖! 初頭飲落去覺得好好味.. 因為就好似飲菠蘿汁咁,, 又香又甜🍍
點知吞完落肚之後D酒精味先開始出!! 朋友好鐘意.. 而我.. 飲完呢一啖就無再飲喇

我叫既係養生的Jasmine Green Tea $48 ~ 是川寧的茶包 : )

之後.. 第一個小食就上枱喇!! 🤩
蟹肉小龍蝦芝士醬配玉米脆片 $118
呢個單睇賣相已經覺得好唔錯喇~ 食落更加係無令人失望😋

呢隻墨西哥玉米片唔係平時食到好濃調味料個D.. 而係幾raw, 食到玉米片本身既玉米香味!! 我好鐘意呢一隻味! 淡淡既玉米香好正🌽🌽

而配埋蟹肉小龍蝦芝士醬真心夾,, 都要讚一讚個醬… 入而真係充滿小龍蝦肉架
食到最後一塊Tortilla chips時都仲有肉!
而個醬既味都有蟹肉既香氣.. 芝士味唔算太突出但都有少少~ 整體食落就唔會覺得滯, 不錯不錯~


跟住黎既係 路易斯安那特色蟹餅 $98
HAHA.. 話說上次係尖咀店都有叫到蟹餅食, 但原來灣仔店同尖咀店既款式真係有少少分別呢!
上次既係煎蟹餅, 今次呢份係炸架! 🦀
不過好彩, 一樣係有勁多蟹肉塞滿係入面~ 食落口好軟身, 又唔會太鬆散!
夾埋蟹籽粒食:: 原來都唔錯呢!

主角當然係壓軸出場 : DDD 我們的海鮮袋!!
Lobster Combo $580 (波士頓龍蝦+海蝦+八爪魚仔)
海鮮袋入面既海鮮已經同我地一早揀左既醬汁混合埋一齊 : )
之後就係員工既show time LOLL 因為佢會係客人面前將海鮮袋用力搖晃..
直至海鮮同醬汁混合晒 就可以開始食~ 我同朋友都曾經想自己做呢一個STEP好似幾好玩… 但其實海鮮袋係非常熱 同埋都幾重下
所以奉勸大家都係乖乖欣賞員工既功架會好D呀 : D (感謝員工為客人既付出 !)


今次揀呢個醬汁🍋個人覺得好過上次係尖咀揀既MIXED, 因為MIXED既味道會複雜D同埋濃味D.. 會CUM過左海鮮本身既鮮味
而今次呢個Lemon Pepper相對上無咁濃味! 不過我都係覺得可以再清淡D.. (可能我下次淨係吱檸檬汁就夠XDD)
因為海鮮加上少少既檸檬酸去提味 已經係好好味! 不過今次呢個sauce都唔差既!

波士頓龍蝦一定係主角呀😍 😍 😍 大隻到呢!!
初頭仲擔心緊唔識剥殼.. 但原來餐廳貼心咁將龍蝦既身部分一分為二了~
一扯就將整條龍蝦身既肉扯到出黎 : D 肉質好彈牙!!!


而龍蝦鉗就最重鮮味🤤🤤 最後我地開埋龍蝦頭食晒D膏~ 大滿足!
今次D海蝦有成7隻!! 好夠食!!🦐🦐而且今次好大隻多肉.. 同埋食得出勁新鮮呀~~ 再多幾隻都食得到 : DD
八爪魚份量很多… 而且每隻都好大隻!! 🐙 不過就偏硬身,,, 食完都真係會幾飽肚下! @0@

就算你揀邊一款海鮮袋.. 入面除左有該款既海鮮外, 亦都包埋甜粟米, 豬肉香腸同新薯!
大家都一定要食埋佢既配料呀~ 因為佢地係最索滿醬汁味架 : )

個人鐘意灣仔店多D呢!XDDD 環境絕對係更加有FEEL 而且比較闊落!!
而食物方面雖然兩間店都有少少唔同, 但質素都是很不錯!
下次再黎既話,,, 會想試埋佢地既扒類呢! 😎


店家: Mr. Crab by The Captain's House
地址: 灣仔莊士敦道74-78號一樓及地下C號舖
Shop C, G/F-1/F, 74-78 Johnstan Road, Wan Chai
電話: 23288511
營業時間: 星期一至日12:00-23:00
Openrice主頁Here