由大圍火車站行過黎都唔使十分鐘呀~~ 地點幾方便
環境可以用[[優美]]黎形容:: 係大圍既積福街上.. 突出得黎又幾融合到
睇餐廳門面估唔到入面原來都唔細.. 有兩層架! 樓底幾高😌
而且地下個層仲有個小空間 到夜晚既時候會搖身一變成為band隊既舞台呢
裝修亦都十分有特色.. 以水泥同深色系為主調, 營造出簡約既感覺
而我個人黎講就最鐘意呢度既戶外位!!
有好多花草樹木圍住.... 好有外國庭園Feel🍃
(可惜今日同行朋友唔想坐室外😭😭)
食物選擇唔算太多, 都係走英式同美國風~
先黎既係 野菌黑松露意大利飯$128
比想像中更大份呢! 雖然松露味唔算突出
但係成個醬汁既味道幾討好🖤加上有大量菇菌...確實係好香
另外Risotto既濕潤度都剛剛好~
烤原條美國牛肉眼+傳統辣根約克郡布丁,燒薯仔,烤蕃茄,時令蔬菜及燒汁$118
第一次聽傳統辣根約克郡布丁🤩好奇心驅使我地揀左呢一款🤣
辣根約克郡布丁...口感上有少少似牛角酥
但內裡有一層薄薄而又富有蛋香既”依”
咬落去個口感幾特別.... 但由於個布丁中間係空心既所以食完係唔會有飽肚感😂😂
肉眼係薄切 驚喜既係薄得黎都幾juicy🥩熟度掌握得好好!!
但係略嫌唔夠調味...要再沾拌碟既醬汁
牛肉底下既薯仔反而幾好味🥔有黑椒香氣🖤
最後叫既係 班尼迪克蛋配煙火腿,鬆餅,菠菜(即係egg benedict呀xd),沙律及焗豆$98
呢個賣相好靚呢... 食落唔會太濃味.. 好岩鐘意清淡既朋友!
個人覺得荷蘭醬既味道可以再重D🍳
菠菜份量不少...為呢份egg benedict增添清新感🌱
另配有茄汁豆同黑醋沙律~~ 食晒都一定會夠飽!
因為其中兩個係餐黎~ 所以跟兩杯飲品☕
一杯揀左熱檸水外 另一杯就加左$15轉杯Earl Grey Chocolate (hot)
呢個有驚喜呀!!🍫🍫
有Earl Grey既茶香, 再配上唔太甜既可可味
成件事很適中😌
雖然呢度價錢偏高(係新界區黎講... 對比市區價就差不多啦)
但成個環境的確係幾有心思 令你好似走入左一間外國Cafe/酒吧咁樣
相信夜晚黎一定會好好好好正!!🎶🎵
有機會都想係度欣賞Live Band表演呀!❤
店家: Amplifier Restaurant
地址: 大圍積福街72號地下D號舖
Shop D, G/F, 72 Chik Fuk Street, Tai Wai
電話: 37053884
營業時間: 星期一至日12:00-23:00
Openrice主頁Here
沒有留言:
張貼留言
歡迎留言分享 : )