又黎到隱藏好多美食既亞士厘道搵食😋
今次係位於 捷利商業大廈 既一間樓上西餐廳🍽 係氣氛幾舒服同熱鬧既一間..
湖水藍色既仿木牆壁.. 加上開放式水吧
仲有位於入口隔離既蛋糕櫃🍰🍰
如果係一大班朋友黎既話仲可以包房添!! 但今晚見兩間房都full晒~~
星期六都一樣有set dinner 仲有2人餐
不過我地覺得散叫食物岩食d,,, 所以決定散叫呢~~
除左餐牌上既食物外.. 牆身上既黑板都有唔少其他選擇呢
今晚我地叫既三個菜式全部都係黑板上既款式!!
每枱都會奉送既餐包🍞🍞竟然有成三款🥖🥐
仲要有正正既牛角包呀大佬😍
包包食入口係暖粒粒既~ 如果可以再熱d會更加好味!!
先黎既係:: 松葉蟹羔配法式多士$88🦀
蟹羔份量一D唔吝嗇!! 絕對夠塗有突! 多士就有6小塊...
真心鐘意呢一款! 蟹羔夠鮮同夠清新💚好開胃 (本來糾結左好耐叫鵝肝多士定係呢一個好 ... 食完覺得無揀錯, 而且呢款特別d唔係度度都有)
仲有沙律係配醋,, 所以更加開胃xdd
蟹羔味道鮮得黎好似加入左少少蝦醬咁,, 所以係勁好味😍
等左大約15分鐘既🥩美國牛腹膜柳$178 (五成熟)
估唔到肉質好軟腍!! 而且完全無筋~ 啖啖肉 加上勁重牛味... 係我杯茶🤤
可惜既係肉既邊位有少少鞋身,, 如果一整份都再juicy d會再好味d!!
但整體黎講已經好好味😋
而拌碟既焗薯同蕃茄蔬果粒就不過不失啦~
脆炸軟殼蟹、牛油果漢堡拼炸蕃薯條$158
一定要講先!! 蕃薯條勁吸引🍠要讚佢炸得完全唔會乾.. 好難得!! 好好味!!
而個burger醬汁略嫌多左d.. 有少少蓋過左軟殼蟹既味
軟殼蟹有點過油但係幾重海水味~~💧
而牛油果🥑覺得可以再熟D,,, 而家未夠淋
個burger整體一般般... 會比較推介個蕃薯條😆🍠🍠
原來唔經唔覺都食左好多澱粉質落肚... 所以最後連野飲都無叫到😂都已經好飽!
除左個burger之外, 另外兩款食物都真心幾有驚喜! 難怪呢度唔算就腳都full : )
鐘意食西餐既朋友值得到訪呀🍽
店家: Amitie Kitchen
地址: 尖沙咀亞士厘道27號捷利商業大廈8樓
8/F, Chiap Lee Commercial Building, 27 Ashley Road, Tsim Sha Tsui
電話: 3104 9234
營業時間: 星期一至六12:00-22:30, 星期日18:00-22:30
Openrice主頁Here
沒有留言:
張貼留言
歡迎留言分享 : )