食完一直好想再食😍而家返工地點近太子
終於可以再黎食喇😋
我估呢間應該係原始店黎.. 因為成個feel都地道好多呀 (意思亦都即係比起灣仔店 呢間會舊少少)
可以睇下個人喜好鐘意新淨D定係原始D黎決定去邊間~~
呢度唔算太旺 本來以為無乜客...
點知食食下出面已經開始排左人龍😨
食物款式就同灣仔店完全一樣喇~~
上次食過 龍鳳松茸餃 深深比佢吸引住 今次當然要再encore!
龍鳳松茸雙灼餃(跟湯)$85/8隻 想跟湯既話一定係要揀灼餃 所以就灼啦~~
想講其實就咁食隻餃唔使沾任何醬汁已經係最正喇😍
望落唔見好澎湃既黑松露 但係絕對食得到啖啖松露味架🤤
黑白松露一齊黎果然係香好多😋
另外咬落去都啖啖多汁... 皮又唔會過厚
所以真係齋食已經足夠!!
湯係偏淡味既粉葛湯!! 應覺幾清熱~~
食左灼餃 當然都要試煎餃🧀我地揀左 香煎軟心芝士餃$58/10隻
原來除左芝士外 仲有埋豬肉同粟米粒🌽
Juicy既豬肉 流心既芝士 加爽口既粟米粒
口感同味道都豐富 但係我呢個芝士控就想佢芝士比例再多D啦🤤
而家三者比例係幾平均!!
除左餃子 呢度唔太多款既小食竟然開正我鐘意個範😂😂
黃金原味皮蛋$28
皮蛋夠淋身又好香 好好咬~ 醬汁沾得多既話都幾咸
沾少少再搭香蔥食就好正!
見到有雞翼我地係一定唔會放過!! 蜜餞雞翼(大)$30
講真本來係唔大期望 覺得呢個唔係佢地既拿手菜 但估唔到有驚喜呀!
雞翼煮得好夠淋身 本身又幾大隻下
仲要醬汁好入味,,,
豉油之餘 真係帶有蜜餞香甜!! 食到呢個味 我已經覺得滿足!
我地叫呢碟係大既有5隻 唔想要咁多既朋友可以叫細 有3隻~~
最後係飲品 我地揀左 自家製山楂雪梨水$20/杯
的確係好清熱呢 不過佢雪梨水入面係加左山楂架
唔鐘意山楂既朋友要留意返!!
我同朋友咁食法已經飽到傻😂佢性價比真心幾高
員工唔會特別好好咁serve你但係起碼佢地做野係有效率無出錯
呢個價錢黎計 我絕對收貨喇😆
店家: 餃掂手工餃子雲吞專門店
地址: 太子界限街30號地下
G/F, 30 Boundary Street, Prince Edward
電話: 31059968
營業時間: 星期一至日11:00-22:30
Openrice主頁Here
沒有留言:
張貼留言
歡迎留言分享 : )