意外地不錯的兆萬中日放題店 [八鍋堂@旺角]

N年無黎過兆萬食野喇~ 我承認...今次會黎係比呢一間既動物造型湯底吸引左😆


另一樣吸引之處係佢有四格湯底火鍋供應~
我唔食得辣平時成日要同行朋友遷就
今次有四格咁多 大家都可以盡情揀自己想食既湯底啦🤗



大部分火鍋料都可以係呢個自助區拎到呢💁‍♂
老實講真係好少見到咁乾淨同整齊既自助區!!
令人印象不錯

另外醬料區選擇都好多 真心欣賞佢保持到衛生!
因為實在經歷過太多有蚊之飛黎飛去既火鍋店
呢度衛生保持得唔錯👍🏻
另外特別要讚店家採用有三個凹位既醬料盤!!🤩🤩🤩
事關每次食火鍋/放題都一定會加超過一款醬汁
呢個盤好貼心咁cater晒你想落既醬汁!


飲品亦係應有盡有~
不過養生既我最後揀左綠茶包呢😜

仲有雪糕雪條同前菜任拎架~
不過我同朋友淨係食放題料同火鍋都已經飽晒😂無試到😛

好可惜.... 餐廳咁岩今日個雪櫃壞左所以無動物造型既湯底供應呢😢😢😢
心裡一沉既我地 默默地選擇左呢4個湯底::
冬瓜排骨, 豬骨, 沙嗲同蕃茄濃湯🍅

呢度既員工都幾主動幫忙收單落單呢!
而且今晚無比漏過食物呢👍🏻食物亦都上得幾快~
4款湯底中我特別特別鐘意冬瓜排骨湯!!🌟
真心好清甜,, 推介大家一定要試呀

先黎既係另加錢要既2碟牛肉::
特選美國牛肉 ($20/份OR任食+30/位) 同美國牛小排 ($60/份OR+$100/位)
估唔到油花分佈得幾平均同幾密
食落亦係估唔到既好味,, 非常軟嫩! 特別係牛小排🤤
只係略嫌牛小排有點”碎飲飲”.. 但味道係唔錯!

海蝦亦係必叫之選,, 完全唔會因為係任食就比D霉既你.. 唔算大隻但係夠新鮮同彈牙!
另外叫既鹽燒大虎蝦亦都一樣!🦐

刺身同壽司係同行朋友叫的,, 一向對食物高要求既佢都話對呢碟刺身好滿意
更加話意想不到兆萬仍然有高質既放題店😆
我其實都偷食左佢一件 明太子蝦軍艦 XDD 明太子味唔算太出 但係個蓉又整得幾順滑@@
入口都會係覺得好味既一件壽司

呢度既燒物係另一個重點呢 : )
憑食入口既溫度就知道係即叫即燒 十分新鮮熱辣辣😋
當中我最欣賞呢度既蒜香雞中翼!!
夠juicy夠惹味唔會燒到過晒火,, encore多左2隻😋

鹽燒牛舌口感不錯的但略嫌鹽份多左少少

天婦羅選擇不少~ 但略嫌炸得唔夠脆呢!🍤

食左大量日式小食之後… 終於捨得打邊爐喇XDD
呢度既丸類堅係好多款喎!! 而且無諗過 竟然有黎自振興肉丸既魚旦小籠包, 凍豆腐同黃金龍蝦球! (振興出名好食的…)
不過其實我同朋友已經食到超過5成飽… 所以都唔算拎左好多野食返黎呀~
芝心丸係好味既芝心丸 : )
響鈴, 炸魚皮, 腸仔, 粟米同金菇, 全部都係好食既質素!

而愛好食丸類既朋友就拎左唔少特別既丸既款式~

Haha.. 打完邊爐之後 又心思思想再食佢D炸物同燒物 lollll
於是又再叫左薯絲蝦同蟹籽蝦丸!! (蝦.. 蝦)
好彩有叫到喎!! 兩樣都整得香脆又好食呀! 重點係唔會過油..
我自己特別鐘意食薯絲蝦,, 咬落一條條幼身既薯絲度 口感好正!🥔

滿足的一餐~ 食物多而質素偏中上, 價錢絕對係相宜呀 $v$
朋友應該最開心呢度多丸又多野飲LOL (佢今晚飲左4盒野………)
而我就鐘意呢度既燒物, 炸物, 牛肉同埋蝦!
感覺係可以再返黎幫襯既一間放題火鍋店呢!

(P.S. 下次黎之前會打黎問左有無動物造型湯底先🤣🤣)

店家: 八鍋堂．中日火鍋專門店
地址: 旺角西洋菜街1號兆萬中心3樓301號舖
Shop 301, 3/F, CTMA Centre, 1 Sai Yeung Choi Street, Mong Kok
電話: 2151 2838
營業時間: 星期一至日12:00-24:00
Openrice主頁Here