同朋友黎旺角shopping ~ 行到咁上下想搵地方食野同抖下...
我地突然心血來潮想搵間Cafe仔坐下攤抖下 就上網搵到呢一間部屋咖啡喇!🏘
Cafe外面都有小佈置呢: )
部屋屋仔細細... 但係每一set位都用梳化整齊咁分隔住架
所以無論坐邊一忽都好,, 都好有自成一角既感覺!!😌😌
Menu係仿書本既設計📚 而落單方法 係直接用水筆將食物編號寫係白板上!!
帶有玩味成分🤓令人漸漸釋放日間既壓力~~🙂
睇得出店家十分鐘意Minions🍌🍌😂
而且貼心咁提供差電座呀~!!! 呢樣真係非常重要架!___!
周到地係每個位旁都加上doorbell🛎 方面客人搵員工幫手!
以樓上Cafe黎講 食物款式算多~
我地就揀左個2人套餐$288再追加多一份蜜糖雞翼$45😋
(飲特飲既話🍹叫餐係抵好多!! 原價五十幾蚊既特飲都係加$20就飲得到)
其實本身上到黎見到Cafe咁細規模...對食物無乜期待(😞)
點知事實證明自己咁諗係錯晒!!!🙅🏻♀
二人套餐$288, 包:
Pizza 10吋 x 1
意粉/飯 x 1
炸蟹餅 x 1
餐飲 x 2 (轉特飲+$20, 轉花茶+$28)
蛋黃汁卡邦尼意粉(2人餐)
雖然唔算令人太難忘, 但起碼質素係above average!
忌廉汁既香濃度同幼滑度都調節得幾好
加埋意粉軟硬都好適中
而且份量一d都唔吝嗇呢!
BBQ烤雞蘑菇Pizza(2人餐)10吋 更加有驚喜🍕
雖然無拉絲🧀但拉絲其實唔代表乜野😂
雞肉粒燒得剛好:: 幾香脆又入味
每啖都食得到惹味既bbq sauce, 加上有洋蔥同蘑菇
令到成份pizza更鮮甜同juicy🍕
而炸蟹餅(2人餐)只係即食野~ 無乜特別
蜜糖雞翼$45 新鮮熱辣辣焗起😍
雞翼非常大隻...而且本身都醃香過, 有少少咸但可接受呢!
蜜糖唔會太多但係足夠食到甜味🍯
外層焗得好香脆!! 正正子🤤
二人餐+$28轉的水果茶 係超大的一壺🧡用燭台保持住溫度
(由於太大壺...幾乎到我地食完成餐先熱到成壺呢😂)
超推介大家叫呢👍🏻以菠蘿水,百香果汁同薄荷葉混合而成🍍
唔過甜, 帶少少果酸, 幾清新~
水果方面有好多火龍果, 藍梅同一片橙~~
飲落幾清新同舒服: >
二人餐+$20轉的小紅帽係士多啤梨沙冰🍓
可惜入面既冰粒太大粒..唔夠碎
但到後期溶晒再飲就ok了😆😆😆
本來想試埋蛋糕ga....可惜賣晒
希望下次再黎時有機會試到啦😊
最後 呢度有好多board game ga🤓
不過多數都要起碼4人先玩到
我同朋友2人就玩下好耐無玩既波子棋啦❤
總結而言呢度係一間好舒服而且食物質素很不錯的樓上Cafe☕
相比其他同類型Cafe呢度算係較高質! 好推介比大家呢 : )
店家: 部屋咖啡室 homemadecafe
地址: 旺角登打士街43H號登打士廣場12樓
12/F, Dundas Square, 43H Dundas Street, Mong Kok
電話: 65344336/ 54000841/ 60664478
營業時間: 星期一至日12:00-24:00
Openrice主頁Here
沒有留言:
張貼留言
歡迎留言分享 : )