係一間對食物質素有堅持同執著既工廈私房菜小店👨🏻🍳
帶有神秘又漫不經心既氛圍..環境既私密度頗高
呢度主打慢煮菜式同自家製意粉🍝
**想食慢煮既朋友, 一定要提前(最少幾小時)落單..否則, 你可能要坐係餐廳等2-3個鐘...🕒😅
先走到毅力工業中心, 行入正中間就會見到幾架lift~
私密度頗高的設計, 係門口係望唔到餐廳入面既情況~
餐廳內部, 不論牆身, 餐枱, 定音樂都充滿懷舊風
而且要讚呢度既服務好好👩員工好親切同主動咁向食客介紹食物特色同煮法
亦都好貼心咁比籃客人裝個人物品
呢度掛既畫作都好有特色~~ 好似呢一幅咁, 遠睇係酒杯.. 但望真d亦都係一位女士既長裙黎架~!!💃
餐前小食:: 意大利芝士卷
微微凍的芝士味同意大利黃瓜好夾🥒兩者份量配合得岩岩好
好鐘意佢加左青醬十分清新💚
Appetizer:: 象拔蚌配日式芝麻醬汁和蟹肉沙律
連沙律內既青瓜絲都係慢煮而成...麻醬當然也令菜式生色不少😋
蟹肉超香, 加左洋蔥粒好夠味同開胃💚
Appetizer:: 香煎鴨肝配慢煮菠蘿
呢度既所有水果都係慢煮🍍菠蘿食得出特別鮮甜同完全無渣架~~~~
鴨肝油脂感夠 好香同juicy
而拌碟既黑醋沙律就夠開胃~
Appetizer:: 香焗法式保雲蘇紐西蘭青口配季節性沙律
青口本身鮮甜, 面頭淋上大量麵包糠..特別香脆, 不過亦略嫌乾身
意大利香草海鹽包🥖🥖係餐廳師傅每日新鮮自家製的!
係口感實在又有彈性既包!!😍
有好突出既Rosemary芳香🌱
同埋鐘意佢有適量既海鹽咸味💙覺得唔沾黑醋仲正!
而另一款脆卜卜對比之下就無乜特別無乜味....要沾黑醋😝😝
Soup:: 焗法式洋蔥湯😍
超吸睛!!!! 望落以為會好濃好咸 但飲落無望落咁咸 ...較清淡..個人覺得不錯呢~
而且呢隻玻璃杯非常能夠保持住湯既溫度
而面頭既芝士望落好多但食落就唔算多... 但有拉絲🧀🧀
p.s. 芝士同湯之間既係麵包🍞建議要快d食左先呀 如果唔係會浸得過淋架
Soup:: 野菌忌廉湯
估唔到普通既款式都做得好好! 一飲已經飲到超濃郁既蘑菇香.. 湯質地亦都特別幼滑~ : )
見到前菜同湯已經咁多野.. 其實真係會幾飽架~
但因為黎緊既主食碟頭都會比較細, 所以前菜食定飽d係正確!!
Pasta:: 自家製意大利式雲吞配龍蝦肉和海鮮餡料
大大件意大利雲吞包住大大件龍蝦肉, 龍蝦味夠突出🤤
淋面既龍蝦汁都好香濃... 雲吞口感又唔算特別煙韌
Pasta:: 自家製意大利粉配巴馬火腿、牛肝菌蕃茄忌廉汁
Hams好夠咸香味😍
呢個醬汁幾creamy, 又唔太咸, 唔會蓋過Hams的咸香味
**欣賞店家對飲食既熱誠..自家研製醬汁同造意粉
所以食到既味道同口感都唔會係出面搵到: )
過左20分鐘之後. . . . . . . . . . . . . . . . . .
主角:: 係要等等先至會出場既～～～
4碟慢煮菜式終於登場喇☺☺☺☺
Five Course Menu - Main:: 慢煮美國極佳級牛柳配黑松露菌汁 $598 x 80% Off = $478🥩
牛柳肉質軟嫩不在話下.. 完全無筋無肥是重點!! 可以放心大大啖咁食😋
不過醬汁味道無想像中咁突出.. 對個醬汁有少失望
Monthly Promotion Menu - Main:: 慢煮挪威三文魚柳配蕃紅花忌廉汁 $238/Head🐟
呢一款既調味較清淡~ 有少許海鹽: > 塊三文魚皮煎得幾香!
但係食入口就無乜油脂... 岩注重健康既朋友😆
Monthly Promotion Menu - Main:: 慢煮法式美國牛肋條 $238/Head
平時麻麻牛肋條因為唔鐘意太多筋既感覺
但呢個腍得黎無筋😍😍醬汁入味唔會過咸
推介⭐
Monthly Promotion Menu - Main:: 慢煮西班牙黑豚豬架黑醋汁 $238/Head
係家人同我都非常欣賞的一款❣黑醋汁好香同惹味...配較膩既豬肉係好岩既選擇
見到微粉紅既豬肉就知道肉質鮮嫩
豬肉好滑身 完全唔鞋口,,, 呢個好好味!!⭐
要特別講埋呢度既配菜蔬果呀....🥦🥒🍆🍍
因為呢度既蔬果全部都係慢煮而成架... 真係每一件都唔可以放過😂
最最最鐘意係呢度既薯仔!!! 味道同爽口度都超級好~
最後我地食埋個 甜品拼盤$98
員工提醒要順次序由淡味到濃味咁食😊
(細)梳乎里-->(半份)慢煮蘋果捲-->(半份)青檸撻-->(半份)朱古力撻
- 梳乎厘唔會太空氣🌬反而有少少煙韌既口感 我地幾鐘意
- 蘋果捲既皮超薄脆.. 加上好raw既蘋果肉 幾香甜清新🍎
- 檸檬撻係我一貫喜歡既味道 很清新🍋但唔算有驚喜~
- 當食到尾以為會好滯既時候, 呢個朱古力撻竟然相當有驚喜❣
朱古力超幼滑唔會過甜.. 仲keep住凍身.. 而撻底本身都好香😋
如果散叫既朋友好推薦食朱古力撻
最後飲埋餐飲就結束呢一餐既滿足又有誠意既慢煮私房菜: )👨🍳👨🍳
我地覺得呢度有種逃離塵囂世俗既感覺.. 而每一道菜都會令人不其然咁期待住下一道: )
單係呢一種心理享受已經覺得呢度好適合香港人黎享受 (請好好享受, 而不是破壞..)
加上多款高質食物 價錢亦非常合理
十分建議觀塘區(或不是觀塘區)既朋友黎食飯: )
p.s. 溫提:: 一定要預先訂位,,, 食慢煮既話一定要預先落單同比訂金!
店家: C.O.W. Dining
地址: 觀塘觀塘道396號毅力工業中心2樓F室
Shop F, 2/F Everest Industrial centre, 396 Kwun Tong Road, Kwun Tong
電話: 3565 6814/ 6391 3873 (whatsapp)
營業時間: 星期一至六12:00-15:00, 19:00-23:00
Openrice主頁Here
沒有留言:
張貼留言
歡迎留言分享 : )