Cocktail同甜品鐵塔仍然是非常吸睛💕 [Mini Club@旺角]

之前幫襯過Mini Club尖沙咀店一次.. 後來先知原來旺角都有分店!
而且仲非常近旺角東站! 好方便我呀~~ >v<"

一直都對佢既Love of Eiffel印象最深刻💕 所以今次都會叫佢呢!



同尖沙咀店既格局係兩個唔同feel呢~ 
長形既店面 一直行入去,, 兩旁全部都係梳化座位黎: ) 幾relax既感覺😌
一坐低 員工就奉上花生(🤩) 同好主動咁為我地介紹呢度既食物同飲品🥂
服務不錯呢!!


睇得出店家幾用心佈置呢~ 牆上仲有摩天輪既裝飾!! 真係好岩女仔黎食!

同2位朋友一齊黎... 大家都有d肚餓了...😂
所以拿拿聲叫左個 炭燒德國腸拼盤$191 先~ 份量比想像中大!!!
總共有5款唔同口味既香腸,,, 全部都好juicy👍🏻同埋真係有唔同既味道呀
再加上3款唔同醬汁, 變奏出更多配搭, 唔會食厭呢~~~ 不錯的頭盤呀!
(同埋真係夠飽肚!)

呢度都有好幾款pizza款呢! 我地揀左 黑松露野菌薄餅$95 🍕
Pizza比我地影相影左好耐...xd 估唔到都仍然保持到香脆!
芝士份量唔少🧀 但同樣地菇味都唔弱, 所以唔覺膩, 芝士同野菌兩者夾得幾好!!

而今餐最令我期待既係呢一個:: 咖喱蟹肉醬伴蒜蓉法包$71
覺得呢個性價比幾高!
蒜蓉包焗得勁香脆😋 香脆度確係好吸引雖然略嫌邊位有少許過燶 ..
細細碗既咖喱香味卻很濃郁!! 勁香~~ 而且仲係店家自家製💛
一整碟上枱時都夠晒熱辣辣~~ 但真係要襯熱食, 咖喱攤凍左既話會比較多油架~

食開左個胃.. 臨尾決定加多 半打生蠔$108
雖然唔算好肥美, 但係一食入口就覺得好重海水味🌊 鮮味亦都突出呀😍 味道不錯呢



呢度既野飲係超吸睛❤
朋友叫的兩杯cocktail都好靚:::
藍色的:: Einstein $95💧
香水樽樣的:: Perfume of Roses $95🌹
而且兩杯既酒味都唔會太重架, 反而有返d果香味.. 酒量淺如我既女仔都岩飲😌😌

而我叫呢杯 Beauty and The Dark $71 完全係小朋友飲品🤣🤣
基本上就係:: 士多啤梨+Oreo+忌廉🍓🍓🍫
估唔到三樣甜野夾埋又唔會太死甜, 又幾好飲!!
而且又大大杯, 係零酒精飲品✌🏻


最後既主角係員工護送下出場了! The Love of Eiffel $207💞💞
煙霧瀰漫既效果仍然令人著迷. . . .
要讚呢度既員工都好貼心 等大家既相機ready好先至開始放乾冰 製造煙霧效果呢: )


對呢度既朱古力印象特別深刻! 因為每一粒都係唔同口味架, 今次食到紅莓、咖啡同埋榛子味!!
另外, 果味奶凍亦係另一樣我好鐘意既款式~ 覺得清涼: )

不過Macaron我都仍然係唔太鐘意呢... 始終覺得太甜喇...

整體黎講都好味呢, 而且好多款既份量都真係幾大下! 細食既女仔可能食1-2碟就飽...
如果想食The Love of Eiffel 的話記得要留肚丫~~~
最後都建議大家要試試呢度既cocktail : ) 仲有好多唔同款揀架!


店家: Mini Club 
地址: 旺角太平道6號B地舖 G/F, 6B Peace Avenue, Mong Kok
電話: 2782 6628
營業時間: 星期一至日17:30-3:30
Openrice主頁Here