位於 :: 佐敦官涌街一角.. 位置小小卻非常觸目
非常有異地小酒館的情調🥂
靠窗既高枱位一半係室內 另一半則係室外
而水泥外牆既外圍更加佈滿蔓藤植物🌿
非常有feel !!🍃(係我暫時係香港最愛既打卡位置呢!)
Flâneur, 法文”城市漫遊者”既意思🚶🏼♂
呢個Term由19世紀開始係法國🇫🇷興起
指既係一班鐘意遊走於城市..觀察城市入面既事物既人🚶🏼♂
呢一晚 同朋友一齊坐高枱位.. 望住街上既人,事,物
我都開始明白作為Flâneur既心境😌
其實每個人都 既係城市既其中一塊.. 又係Flâneur
鋪面唔大, 但樓底又幾高下! 帶比人一種幾高級既感覺✨
食物選擇方面只有一頁Menu, 但唔知點解款款都令人好想食!!
另外仲有一整頁Wine Menu🥂
朋友愛海鮮~~~ 先叫左個 紐西蘭托托蜆16oz $168 (或8oz $98)
唔止賣相正,,, 味道同口感一樣好得😍
調味好到位~~ 我地揀既醬汁係Garlic n' Chili
另外仲有Lemongrass n' Coconut sauce同Lime n' Coriander揀, 每款都好有心思配搭呢~
個sauce令到原本已經係特別重鮮味既托托蜆更加顯鮮!!
空口飲個sauce會有d辣... 但係愛辣既朋友就覺得可以再辣d😂
托托蜆Size大隻... 好Creamy爽口, 同埋唔會死實!! 咬落超級多汁同鮮甜!
有驚喜的一款: )
法式鴨肝拼盤$128 食落感覺油脂香可以再多d~~
呢一碟配左香草黑芝麻餅乾同鴨肝醬呢~~ 食落覺得好Creamy😋
沙律配上微甜的沙律醬, 特別d之餘亦都覺得開胃!
鹽燒熊本霜降牛肉(150g) $98
牛肉既牛味好濃呀~~~ 食得出係靚牛🥩
食落口感無渣又夠腍😍😍感覺應該無用梳打粉去醃製架,,, 雖然份量係幾細下, 但都真係好味既
我地最期待的主角出場了-- 烤焗龍蝦海鮮拼盤$298
愈食愈發現好喜愛呢度既調味~!! 惹味得黎係有小清新既感覺.. 令人食極都唔會膩
有溫室豆苗加喇沙 非常新清同特別🌱
海鮮即使炸完都仍然保持到非常多汁呢~!! 一整碟都很不錯!
呢度既海鮮非常高質
除左龍蝦外, 最最最深刻既係竟然有炸蟹腳係入面!! 用外脆內軟(+多汁)黎形容係最適合不過😍😍😍
另一樣最深刻既係美國藍青口... 可以用”滑溜”黎形容!!
我地傻左... 竟然仲叫左個 牛油果睡蟹意大利飯$208
已經幾飽下了.... Risotto用蟹蓋裝住呢~~ 賣相不錯🦀
飯粒分明, 偏硬身同大粒, 單獨咁食就無乜調味
因為佢預你要夾埋旁邊個樽蟹蓉一齊食 先突出到蟹肉既鮮味架!!
牛油果的熟度也不錯呢~ 不過就覺得同呢個飯唔係特別夾,,,🥑🥑
整體黎講會鐘意上面個幾款菜式多D~~~!!
本來仲以為會好貴... 但原來埋單每人都係大約$300
以呢度既食物質素黎講 算係幾抵~!
加上呢度環境真係好有feel,,, 有慶祝飯局既話呢度一d都唔失禮!
我幾鐘意呢度... 相信好快會再約朋友返黎食!!❤
店家: Flâneur
地址: 佐敦官涌街5號地舖 G/F, 5 Kwun Chung Street, Jordan
電話: 3956 9601
營業時間: 星期一至日15:00-24:00
Openrice主頁Here
沒有留言:
張貼留言
歡迎留言分享 : )