首先要教大家點去先~ 其實離中環地鐵站唔遠呢!!
沿住皇后大道中行.. 行到接近118號既位置時, 會見到ESPRIT招牌附近有一個小小的118號黑色指示牌呢~
係指示牌度轉入去, 就會見到呢塊橙色既牆喇~ 同時亦都係餐廳位於既大廈入口!
入到去會係咁架~ 上兩層樓梯就到我地今晚要去既餐廳喇🍽
地方一D都唔大..裝修一D都唔豪華
但係... 呢度既食物同埋服務一定唔會令人失望
其實出黎食野...味道應該係最重要的因素吧!😋
小小既空間內,, 有既係白色仿磚牆加藍天白雲既天花🌤再掛上希臘風景畫
加上輕鬆柔和既音樂🎶令人好放鬆😌
半開放式廚房,, 可以感受到即叫即製既心思..更重要既係!! 聞到廚師炮製食物既陣陣香味已經令人食慾大增😋
注意呢度未夠8點已經坐滿晒!! 穩陣D真係要預先訂位☎
唔好意思仲未可以開始講野食🍳因爲未接觸到野食前..呢度既服務已經令我留下深刻印象!: )
員工好有禮貌同有笑容, 更加重要既係佢地真係會留意客人有咩需要 = ]
我地見到有客人揀坐室外位.. 員工經常留意住室外客人想幾時落單/有無其他需要
同埋感覺到佢地態度好好, feel到唔係帶有怨氣既員工~!!!💪🏻
再加分既係佢地見我地拎住一袋二袋咁入黎
主動幫我地搬走晒桌邊呢一堆裝飾比我地放袋: ) 好細心!!
我地決定試一個The Stylish Dinner Set $388 再另加散叫野食
p.s. 唔好睇一個set要$388好似好貴咁.. 你要睇清楚上面張menu呀.. 呢個set包好多野食!🤩
跟Set的 扒虎蝦香桃沙律🦐(from Stylish)
係大家都至愛既麻醬沙律黎架:: 麻醬唔會過多, 又多洋蔥粒
沙律菜都好新鮮🥗有兩隻蝦仁~~
香桃又甜又淋身... 成碟都好開胃💚
另一個係我地散叫既 Prawn & Avocado Salad (牛油果大蝦沙律) $78
有3隻大蝦,, 用少量黑椒醃過, 幾惹味~ 口感亦都夠彈牙!
牛油果係最好的熟度🥑 沙律一樣係配麻醬😋
跟set有, 我地亦都另外再散叫左多一份既Parma Hams & Buffalo Cheese $98 (part from Stylish)
3片Parma Hams薄薄的但咸香味好足!
水牛芝士軟滑🧀 我覺得不論單獨食定係夾火腿食都好食😋
煎鵝肝配日式蘿蔔及菠蘿 (from Stylish)
蘿蔔估唔到調味得幾好 : D 淋身又帶少少咸味 我單獨食晒成件!
鵝肝夠油脂感😍 而菠蘿亦都十分鮮甜呢🍍
Chicken Soft Bone Skewers (雞軟骨) $68
剛好有4串^^ 質素十分不錯!!
燒得好到位, 肉質香而不乾, 而且呢度特別地將肉同軟骨分開相間咁串起
第1次咁樣食...覺得咁樣食得更方便呢!!
亦都係第1次覺得d骨係咁爽口架XDD
經典龍蝦湯 (from Stylish)
份量細細的但鮮味天然
芝士黑松露烤菇 (from Stylish) 松露份量多同香, 芝士唔算多同膩
芝士更內藏黃椒減膩.. 不錯的一款小食
食完前菜 員工就奉上 檸檬味雪葩 (from Stylish) 清清口腔🍋
食完覺得十分醒胃: )
店家有心機地將三個Main夾好同一時間上: )
全因員工密切留意住每一枱食客既食野進度,, 微細既位卻令人覺得細心抵讚
味噌燒鱈魚配蘑菇意大利飯$188
第一個我一定要介紹risotto先!!! 勁鐘意呢個口味 濃而不膩既芝士咸香加蘑菇味😋超!級!夾!!!
飯粒軟硬好適中😋每粒都比美味醬汁包圍住
鱈魚非常軟同嫩, 醬汁亦唔會過多~ 整體係大推介🌟
香煎三文魚扒配黑松露意粉 (from Stylish)
意粉係黑松露口味, 有少少滯... 個人覺得一般
而份三文魚就好夠油脂感🧡 食完都覺得份香味仲係徘徊係口腔呢~~
香草焗羊架配松露甜薯 $198
羊架焗得剛剛好, 好香脆呢!! 😋😋蕃薯粒都係外脆入面淋身架, 烹調得好好味
跟餐的最後一個item係 甜品拼盤 (from Stylish) 係抹茶奶凍+水果班戟
奶凍好滑之餘 估唔到都真係有淡淡既抹茶味🍵
水果班戟口感亦都細滑~~ 完美地結束(<<我地以為) 這完美的一餐🍽
最後好意外 估唔到店家送左個生日甜品比我地!!🎊
事緣一星期前我打過黎訂位, 提過今晚有人生日, 會係黎食之前一日再打黎確認會叫咩甜品同埋想係甜品上面寫咩字
點知成個星期都太忙忘記左呢件事🤦♂
估唔到店家竟然有mark低, 仲預備左呢個甜品送比我地!! 真心超驚喜呀❤
外圍係蛋白泡泡,, 而入面一d都唔hea ga!
薑味雪糕配上菠蘿粒同焗脆左既甜多士,,, 我地雖然好飽都秒清晒一整份🤤
十分感謝The Balcony 令我地有難忘的一晚, 而且食物真心好食既!
埋單共$1,250, 我地4人..平均每人~$300
但食到咁多款食物, 仲有鵝肝, parma hams, 羊架, 鱈魚... 等等高質食材
加上廚師既用心同超良好既服務, 呢度真係一個好好既聚餐地方
推介比鐘意食野既大家! 回頭率極高 : )
店家: The Balcony
地址: 中環皇后大道中118號3樓 3/F, 118 Queen's Road Central, Central
電話: 2898 2184/ 5335 5615
營業時間: 星期一至六12:00-22:00
Openrice主頁Here
沒有留言:
張貼留言
歡迎留言分享 : )