天水圍 一個曾經好熟悉既地方....
估唔到 而家係輕鐵天秀站⛅️隔離開左間新式酒店:: Hotel Cozi Wetland🌴
一入到lobby已經有好舒服既感覺(叫做Hotel Cozi果然無錯😆)
樓底好高之餘 光線充足而唔刺眼😌
另外 大堂仲添加左d大自然既元素🍃🍃好似一踏入門口就會見到天花垂釣一串串紙鶴造型既金屬串..帶出大自然主題得黎, 又有現代風格 : >
經過front desk亦見到員工好好笑容 : )
我地要去既餐廳(*係餐廳 唔係西餐廳!! 大家睇到menu時就會明點解):: The Platter
位於酒店4️⃣樓 lift門一打開 就好似帶左我地去另一個小天地咁
估唔到係以運動為主題既一間餐廳!!🏀🏈🎾⚽️
係餐廳既唔同角落你都會見到籃球, 足球, 網球同欖球既踪影~ 特別又好玩既主題!!
鐘意睇運動賽事既朋友應該都會愛上呢度...因為呢度有多部43吋高清電視會直播大型運動賽事架!!
價錢合理的set dinner menu : >
Chef's recommendations~
上面提到呢度唔係西餐廳, 雖然呢度望落係西餐廳既環境...但供應既係國際食物咩都有~
除左主流既西式選擇外, 你竟然會見到有雲吞麵, 越式河粉, 海南雞飯, 揚州炒飯呢d選擇...堅係估唔到🤣🤣
我地叫左一個set dinner, 奉送沙律同湯
餐湯:::蘑菇湯🍄 我會形容呢個係一個蘑菇味比忌廉味重既湯!
而且口感較薄 飲完一d都唔會滯👍🏻每一啖都係重重的蘑菇香同啖啖蘑菇碎粒😋大愛❤️
田園沙律幾清新, 份量亦都多! 不過醬汁唔係好夠...另外亦有唔少我唔食既黑橄欖粒在內😂
脆炸鱈魚伴薯條配他他醬$118
忍唔住 第一啖係食薯條先🤓 (其實已經比我影相影到攤凍左..😞)
但係凍左都無阻薯條既美味🍟
呢度既薯條係闊扁身形狀 口感不錯~
特別既地方在佢加左適量七味粉..所以食落更加香
炸鱈魚竟然有4件(平時出街食鱈魚多數比得好少)
咬落去肉質結實, 無一咬就散既問題~ 外皮炸得非!常!香!脆!😋
拌碟仲有一大堆黑醋沙律菜🥗
黑醋味濃郁, 沙律菜清新💚
呢一碟以前菜黎講 份量非常多🤩
餐廳好細心 有留意食客進食進度
等我地食完前菜同湯/沙律 先上主菜🍽
先黎既係set dinner既 海鹽厚燒美國牛脷配燒肉汁$158
配上岩鹽同海鹽 絕對有明顯既提味作用~
雖然....呢個牛脷單獨食已經好正😋😋牛香味不停滲出黎
而口感方面唔會一味得個腍字,,有返少少嚼勁..係有density的一款!
另外呢個厚度對我黎講亦係岩岩好: )
薯仔係另一個主角!!!🥔🥔未食之前聞下先...已經好香薯味~~~ 加上輕量的鹽醃
一定要食埋佢呀!!!
最估唔到係旁邊個堆黑醋炒蔬果(有茄子,黃同綠翠肉瓜)咁好味
炒香晒撈埋黑醋同好似拔絲咁既醬汁..甜甜地,好正!
而且茄子好淋身 翠肉瓜就夠爽口
撈埋一齊食堅係好食🍆🥒
比較特別的一款...叫之前亦hesitate左好耐既 和牛芝士港式菠蘿包漢堡伴薯條$188🙈🙈
和牛係黎自日本🇯🇵覺得餐廳大廚好大膽..將和牛配菠蘿包..新鮮的配搭...
一切落去個下已經感受到和牛非常多肉汁了!! (肉汁都穿透過車打芝士滲晒出黎了..~)
唔試過又點會知道:: 香甜軟熟既菠蘿包同厚厚的和牛竟然係咁夾
我同朋友直頭無夾過洋蔥生菜蕃茄入去XD 直接享受菠蘿包同和牛帶出黎既滋味!🍍🍞
最後...我地都算特別🙊🙊🙊食到尾先叫返appetizer:: 巴馬火腿、蜜瓜$108😂因爲突然好想食生果🙊
蜜瓜香甜又多汁, parma hams唔會太咸...食埋呢碟真係劃上一個好完美既句號喇😌😌
最後介紹埋我地叫既飲品🍹
分別係:: 我飲既Mocktail - Tropical punch $58
果然充滿熱帶風味...飲得出好清新既西柚+菠蘿味道🍍酸酸甜甜的 好開胃呢
而朋友係一個專業既蕃茄汁愛好者~ 所以佢揀左Tomato juice $33
我都試左幾啖😂有濃厚既鮮甜蕃茄味混合其他蔬菜既鮮味
茄味濃郁得黎係鮮甜唔酸
朋友都大為滿意: )
總結呢間酒店雖然遠在天水圍..但其實而家有西鐵+輕鐵真係方便左好多~
由天秀站行唔使2分鐘^^~
而酒店環境舒適又悠閒,, 放假入下黎都會好relax😌😌
餐廳就主題鮮明^^
最緊要都係食物質素高...食材靚+新鮮配搭+價錢合理呢!
店家: The Platter
地址: 天水圍天秀路8號悅品天秀酒店4樓
4/F, Hotel COZi Wetland, 8 Tin Sau Road, Tin Shui Wai
電話: 35836128
營業時間: 星期一至四7:00-23:00, 星期五至日7:00-1:00
Openrice主頁Here
沒有留言:
張貼留言
歡迎留言分享 : )