而家仲係試業中呢 今個月23號先正式開幕
街市翻新左之後 感覺新淨同光猛左好多
開始無咁怕行入街市了...😛
其中有唔少店鋪都幾吸引到我!!
好似呢間JC Fruit咁..主打賣稀有品種/比較矜貴既水果款😍
而且佢地係直接做批發拎貨...價錢相對起貴價水果店又會貼地返d...堅吸引🍑🍓🍌🍉
$90/2 水蜜桃 見到大大個水蜜桃 即刻令我諗返去日本旅行個陣晚晚都買黎食!!
店家獨家有的椰王啫喱🥥 $30/pc
咁多靚水果...難怪見到keep住有人幫襯
而途中經過呢間香港地食品 專賣高級雪藏肉 西班牙黑毛豬等等
但係最估唔到既係黎緊佢地新入左::: 魔鬼魚(fm SG,印尼)!! 真係第一次聽魔鬼魚都可以自己買黎整😮😮
行完一圈已經好肚餓...拿拿聲去返今日既目的地:: 街市隔離既Food Lane!!
有成足足24間食肆小店 供應美食!!!🍽🥢
一入門口一定會見到呢間小食工房
有魚蛋, 燒賣, 雞蛋仔, 腸粉等盡顯香港街頭風味既小食🍳
我地試左粒粒朱古力味$22同芝士味雞蛋仔$22
有驚喜🤩都算係食到我心目中一直以黎好想食到既口感同味道
首先唔係空心,唔係半實心,而係完完整整的實心呀!💛
另外 朱古力粒既比例真係好多!🍫
不過就略嫌蛋香唔夠 比朱古力味蓋過晒
第三 佢終於唔係過乾過脆個d會𠝹傷個口個d喇!! 絕對係我杯茶❤️
芝士味既口感一樣係咁好: )不過芝士味唔夠濃 只有淡淡既芝士咸香🧀
再行前d見到有台灣野"Gourmet Tasty"..身為台灣控我係一定要試試的!__!
先試 紅豆芋圓豆花$25🍡🌸
芋圓係黎自台灣架! 非常煙韌不過就唔夠味
蕃薯味比紫薯/香芋味突出💛💜
紅豆本身都好鮮甜~ 而糖水底就有少少過甜
但整體黎講係唔錯!
跟住係熱辣辣即叫即製既雞蛋手抓餅$16🍳我地加左火腿+$4芝士+$4同肉鬆+$5
芝士處於半溶狀態, 肉鬆平均咁分內係手抓餅內~~
成份手抓餅香脆得黎又煙韌,,, 兼且富有咸香,, 最重要佢真係熱辣辣咁整比你
回味~~
想講呢幾樣平民價美食, 夾埋出黎既效果分分鐘好過貴D既食材呀!(不過佢呢度D野都賣好平...就算加帆立貝都係係+$8)
Gourmet Tasty對面係一間叫清心齋既中式糕點鋪,, 本身對糕點無特別大興趣既我
都比佢五顏六色既糕點櫃吸左過去... 佢D款式真係超級多!
見到價錢都好相宜, $7/pc OR $23/4 ps
仲見到有好少見既香芋糕!!! 身為芋頭控我點都要試!! (佢呢隻紫色真係好好好好靚呀)
更重要既係佢唔係淨係得個樣, 一咬落去陣芋頭味就湧出黎..! 味道香甜而天然, 好後悔無買多幾件返屋企...><
(上網再搵返, 仲要暫時無分店>___< 得呢一間)
行前多兩步, 又有另一間賣港式小食既食店"大哥大魚蛋"~! 見到佢竟然都有最近好HIT既水果茶... 價錢仲比出面飲品店平
就比個機會佢試下質素如何啦~
招牌鮮果茶: 單點$22/ 買任何小食+$18就OK
首先 估唔到呢個價錢買到既水果茶都有咁大Size!!! 仲要望到入面有唔少水果呢::: 西瓜,奇異果,橙,百香果...
飲落去實在係同出面貴貴的水果茶拍得住... 什至更加優勝
鐘意佢唔過甜 夠天然 水果味突出,,, 雖然一樣係有好多百香果既核... (後尾問朋友, 佢話原來百香果既核係可以照吞架...咁就免卻好多麻煩)
大推介一定要飲呢個水果茶
見配小食抵D, 我都有叫左個大哥大魚蛋(原味)$15, 你以為佢係普通大魚蛋?
食左啖至知佢內裡原來係手打魚蛋黎架,,,, 不嬲都好鐘意手打魚蛋既爽口彈牙!! 正正~
鐘意食辣既朋友就叫左辣味,,, 點知真係辣到佢跳舞...@___@
其實食下食下都幾飽~ 不過到最後經過呢間由泰國人主理既檸檬葉屋又忍唔住買左少少野食...
亦都無後悔買左!!
因為佢既椰子糕係又香又淋,,, 椰子味出, 無人工既甜味! 當然佢淋淋地又煙韌既口感都係我愛上佢既原因
而炭燒豬頸肉係完全唔使沾醬汁已經好惹味, 而且好難得地佢唔會勁多肥肉~ 直頭係無乜肥肉
所以好岩我食^^
突然好羨慕住係將軍澳既居民... 有個咁正既Food Lane係度... 多款高質得黎, 重點係價錢唔貴 /^\
不過我知道我一定(應該好快..lol)會再返黎... 因為香芋糕真係係我腦海入面揮之不去.../^\
店家: TKO Gateway
地址: 新界將軍澳常寧路2號TKO Gateway
電話: 2701 3542
營業時間: 試業中, 23/5/2018正式開幕
TKO Gateway主頁Here
沒有留言:
張貼留言
歡迎留言分享 : )