早就聽過呢間丼瀛... 幾出名食刺身.. 因為男朋友鐘意食, 今晚就特登帶佢黎一齊食啦^^
(自己唔食得多生野都帶佢黎..非常24孝女友^v^!!!)
但係黎到先發現原來多數人都有先訂位...
我地7點半黎到都己經full晒... 等到8點左右先入得座
地方雖小但係幾鐘意佢既小裝飾呢~! 右手邊一大塊純白牆貼左一顆紫色樹~~
天花仲掛滿唔同款式既旗幟 好Colorful好靚💕
Menu上半part係刺身丼飯類, 下半part就係壽司/串燒/小食類~
男友超鐘意食魚生...所以我地先叫左個築地壽司杯$168
一次過可以試到5款刺身🍣::
馬糞海膽, 吞拿魚, 甜蝦 , 三文魚全部都不錯
特別令我深刻既係魷魚🦑特別 鮮甜新鮮 咬落爽口~!!
另外仲有磯燒鮑魚同加州反卷架
鮑魚係熟既😍有微微既甜味~ 加州反卷就不過不失^^~
另外 刺身跟既飯全部都加左青瓜同香蔥架 更加清新🌱
跟住我地叫左佢呢期新推出既丼瀛龍蝦，刺身雙層爆丼$268
其實Menu上所有雙層爆丼都係配海膽蒟蒻沾麵🍜
龍蝦盤一試真係不得了😍不可不試!!
食龍蝦身時已經覺得彈牙有咬口
但更正既係蝦蚶位😋一拆開已經爆晒汁勁juicy又鮮甜...
但但但仲未完架😍
千其唔好嫌麻煩而放棄龍蝦頭既蝦膏
要黎送飯超級鮮甜
其餘既係刺身:: 帶子,吞拿魚,白立魚,三文魚,魷魚,針魚,八爪魚,北寄貝
仲有一粒溏心蛋
飯既份量唔少..🍚一定食得飽
至於個海膽沾麵 海膽份量比想像中少...
但呢個係熟海膽黎 又另有一番風味~~
蒟蒻麵真係比平時食既麵爽口彈牙好多!!
沾上店家特製既海膽醬 好濃郁!!
食完呢兩樣野我同朋友都胃口大增😂
朋友再加左::
北海道海膽三色爆丼$68
赤貝壽司$12
象拔蚌壽司$10
馬刀貝壽司$10
而我就食熟食為主😋好彩有食到因為呢度熟食一樣好出色!!!🌟
為食想食炸物🤤揀左忌廉蟹肉薯餅$18
炸得好鬆化!! 忌廉味香濃同埋呈半流心狀態
很不錯
明太子雞翼$18 & 芝士雞翼$18
呢度既雞翼係高質😍 燒到好香又入味
明太子有驚喜,好惹味! 咬一啖已經食到滿滿既明太子!!
芝士焗溶左夠晒香不過略嫌有D滯🧀
鹽燒雞皮$12 超正呀令我對燒雞皮改觀!!好似薯片咁香脆🤩
芝士年糕$38 即叫即炸炸得輕盈💛芝士同年糕融合晒~~
最後仲送左Corona Cocktail比我地!!
我地揀左配芒果乳酸底...飲前一定要搞勻
芒果底夠鮮甜但同時酒味都佔六成~
飲落幾令人醒神同清爽🧡
呢度21:30後所有刺身壽司沙律同小食都有半價優惠 好抵叫呀
下次要約夜D黎食先~~
成間店既樓面基本上就係有一位馬尾女員工同一位年輕男仔
想講兩位既服務都好好!!
馬尾女員工特別醒目,,加上高質又抵食既食物,,,令我地食得非常開心😊
店家: 丼瀛 J-City
地址: 佐敦廟街188號地舖 G/F, 188 Temple Street, Jordan
電話: 2885 8077
營業時間: 星期一至日15:00-1:00
Openrice主頁Here
沒有留言:
張貼留言
歡迎留言分享 : )