令人少女心爆發的花仙子下午茶 [DK Cuppa Tea@上環]

‧:*‧°☆* 
"這繁華世界讓人應接不暇, 很多時候也許您都未能如願,害怕失望, 使您漸漸地 一絲絲一點點的失去希望與祈望..."

呢個係DK Cuppa Tea花弦之願tea set既lead in...
亦都係我呢段日子既心聲... 當你失望過 甚至絕望過無數次
真係會唔敢再對任何事物/人 存有希望 ..
雖然食一個tea set唔會幫你解決到任何問題
但係 一個令你舒適自在既環境卻可以令你放鬆心情 豁然開朗 (:



如果有留意DK Cuppa既朋友 相信都會知道佢母公司DK Aromatherapy提供多種天然香薰同保健服務
係DK Cuppa Tea呢度都可以買到佢地既香薰 ~

佢地有好多唔同theme既tea set可以揀...
而今次 我地揀既係 花弦之願下午茶 $298/位
呢個tea set係DK聯同花茶品牌 "花研草說"同埋本地年輕插畫家Momo Leung合作打造既主題
而充滿靈氣同夢幻既花仙子會不停出現係呢個tea set當中 : )


先睇睇呢度既環境 : )
店面同一般cafe差唔多 但當你行到最盡頭 就會發現佢有個隱密既小角落
鋪滿好似青青草地咁既地毯
雖然要除鞋入 有少少煩.. 但係坐係入面傾計 抖下真係好舒服..♥


落左order後, 員工就會拎一疊magic card出黎比你抽1張
原來每1張係代表1款花茶 你抽中邊張就飲邊款啦 : )
隨心就可


5款花茶分別係: 摩洛哥玫瑰,甘菊,茉莉,乳香同檸檬
每一款都有各自功效.. 而我地抽中既檸檬
就有抗氧化,抗衰老同增強抵抗力既功效 (前面2樣都勁岩我😂😂)
每杯茶都會配一件雲朵棉花糖.. 棉花糖放係熱茶上面 好快就會溶化.. 有少少似落雨既感覺..影相會好靚
不過我覺得溶晒成件綿花糖既話會令到杯茶太甜..
建議適當既時侯可以因應個人喜好拎走件綿花糖 : )

率先黎到既係湯同部分咸點先 ^^

黑松露牛肝菌湯
要講既係...本來真係以為呢個係一個好睇唔好食既tea set
但結果竟然令人喜出望外 : ]
呢個湯未飲已經聞到陣陣松露香 飲落去好香又creamy!
仲有唔少牛肝菌在內... 好好飲~~~

而呢個神奇既寶盒 入面裝住2人份既海鮮小點:

鮮味龍蝦沙律 好鐘意呢個 食到大大件既龍蝦肉
同沙律醬既味道又好match♥

帶子田園沙律 係大大粒勁新鮮 又肥美既帶子!!♥
呢個係我成餐最鐘意既食物之一!!!

清甜青口沙律 我同朋友本身都係唔太好青口既人..
但係呢個夾埋落沙律度一齊食 又可以接受 XDD


再黎既係非常特別既 花仙法式燉蛋 : )
糖衣未燒之前係2款唔同既花仙子圖案 : )
法式燉蛋襯熱食真係非常重要... 咁先可以食到香脆既焦糖糖衣同軟滑又有雲呢拿香既custard!

上左咸點之後 主角甜品set都好快黎到啦^~^ 甜品包括有:
旋舞仙子紅莓蛋白蛋糕x1
仙子奇緣曲奇x2
紫薯魔幻曲奇x2
迷你紅莓飄香蛋糕x4

成個set都有好多粉紅同粉紫色 真係好靚💝💝💟💟
而且甜品唔會過甜 食晒都唔會覺得膩 : )
而其中我特別鐘意唧花形狀既紫薯魔幻曲奇 好鬆化又帶有淡淡紫薯香♥

第2鐘意既甜品~ mini cupcake! 雖然全部都唔同顏色
但都係紅莓味黎既^^.. 雖然紅莓味唔算好突出 但整體個cupcake係好味道~

本來以為呢個蛋白蛋糕上面插住既花仙子係裝飾黎..原來一樣食得架!
蛋白蛋糕好有食緊雲朵既感覺🌨🌨軟綿綿咁^^~
呢個紅莓味比起cupcake更加突出~! 鐘意酸酸地既朋友會好鐘意

印有仙子圖案既仙子奇緣曲奇

另一碟我好鐘意既咸點!! *v*
迷你穀物法式牛角包,濃香沙樂美腸,魔法芝士

呢個牛角包真係不得了...每啖都食到勁香既香草味道!!
其實唔使夾芝士/沙樂美腸 就咁食已經超好味呀!!
仲要有2個 T____T 堅係好快就清晒😃

全體大合照^_____^


除左食tea..仲有花仙子印水紙可以玩^^
只要like返DK既FB同IG就一人有一張呢~~
我地即刻印左^v^ 睇唔睇得出印左係邊2度呢?

食完之後..員工同我地講..原來係FB & IG上post相+hashtag+ tag 3個朋友
仲可以免費扭蛋一次!!

好幸運扭到條超靚既獨角獸頸鏈!!!!! *v* 超級鐘意❤️❤️❤️



最後既驚喜...就係凡惠顧DK既tea set..已經可以免費試整一隻高清數碼彩繪美甲體驗~~~
大鄉里真係第一次見可以咁樣揀完圖案直接印係指甲上面呢🙊~
我揀左蝴蝶圖案^^...全程大約15分鐘內完成

‧:*‧°☆* 
"呷一口花茶, 令人置身於DK Aromatherapy天然花香香薰之中, 既可放鬆 更能享受到精靈仙子施展的神奇魔法.. 令您變得更為吸引迷人.."
‧:*‧°☆* 

好想多謝帶我黎既朋友同埋DK.. 因為呢一個充滿夢幻同甜蜜既下午
令原本心情低落既我 放鬆左好多 : )

p.s. 有願望既話 可以將自己既心之希望寫上蝴蝶翅膀上..
再掛係蝴蝶牆上 (文章第1張圖😊)

店家: DK Cuppa Tea
地址: 上環新街市街19號地舖 G/F, 19 New Market Street, Sheung Wan
電話: 2386 3588
營業時間: 星期一至日12:00-20:00
Openrice主頁Here