所以就上網搵下有邊間火鍋店係值得去試.. : )
搵到呢間主打每日供應新鮮現宰黃牛既潮汕火鍋店!
店主本身就係汕尾人..因為懷念故鄉既味道而開左呢間牛肉火鍋店..
發現自己其實都幾鐘意去一d有故事既地方/餐廳探索 : )
menu上面 除左蔬菜同飲品之外, 清一式都!係!牛!!
即使係湯底都係得唔同牛既部位揀!~~
除左一般食開既牛筋,牛雜等等... 佢亦都提供到好多牛既稀少部位!!
包括我之前食過既吊龍伴(牛腰脊肉既兩側)!!😍😍
傳統風味的裝修 同時保持到整潔同簡約既感覺
醬汁種類好似比平時更多呢, 比較少見既有普寧豆醬,黃辣醬,陳醋同腐乳
椰子汁$15 望落個樣頹頹地 但飲落又唔錯
因為佢唔會過甜!!
牛骨牛坑腩清湯底$168
本來想試佢個藥膳湯底既但竟然賣晒😫😫
好彩呢個都唔錯 有勁多牛坑腩呢!! 不過略嫌肉質唔夠淋身..
但係幾鐘意佢幾有黑胡椒香味!
唔係叫左好多野食但估唔到最後都係勁飽..lol
我朋友指定要叫既牛黃喉$58 @0@!!!!
我係第一次聽同埋食呀!! 因為朋友話唔係好多地方可以搵得到.. 所以都陪佢試下食啦XD
本來仲以為黃喉即係佢既喉嚨.. 原來唔係呀,,, 其實係指心室出來既大動脈血管...其實聽完都唔係好知即係邊度XDD
都係直接試試佢既味道好了~____~
第一啖食落去佢有一陣好濃烈既味道...唔識形容係咩味..
但過左第一啖之後基本上都係食返湯底既甜味
而口感上, 佢係非常之爽口~~
同行朋友非常喜愛... 而我就仲係唔係好接受到個陣味..lol
呢個係我至愛既松茸牛肉丸$68😍😍😍
因為食落去真係食到啖啖松茸香!! 牛肉質感亦都非常扎實
推介必點款式~~ : >
豆卜$26 除左份量好多之外, 都無乜特別xdd
吊龍伴$88 第二次食呢個部位了!! 再食都係覺得呢個係一個好易入口既部位~~
其實入口係有d似牛柳, 肉質鮮嫩又有陣陣牛香!😋
個人覺得鐘意食牛既朋友都一定要試呢個~~^v^
萵筍$32 又係第一次食既野!! 其實本身味道都係唔太出
但鐘意佢吸收晒湯底既精華, 同埋夠軟身易咬~~~
有驚喜的滑豆腐$26❤️
食得出係自家製既味道 而且係真係超級滑!!! 意料之外!
土豆粉$28 覺得佢有少少QQ既口感... 所以都幾好食~~
最後2個人食左5百幾蚊..其實佢既食物定價唔算高
最貴係個湯底😂 所以多d人一齊黎食就會抵食d啦~~
店家: 饕牛記
地址: 旺角西洋菜南街138號福苑2樓
2/F, Fortune Crest, 138 Sai Yeung Choi Street South, Mong Kok
電話: 36202346
營業時間: 星期一至日12:00-4:00
Openrice主頁Here
沒有留言:
張貼留言
歡迎留言分享 : )