裝修有少少懷舊西餐廳feel *v*
燈光微微昏暗.. 最估唔到既係👇🏻👇🏻👇🏻
竟然有live music呢!! 雖然只係簡簡單單一個結他手..
但係成個氣氛都已經好唔同💕
而且佢會自彈自唱.. 成個氛圍都好和諧 : ]
(不過全晚聽得最多既... 係生日歌XDD 勁多人係呢度慶生!!)
望到呢頁menu就明白點解叫西餐大排檔...
除左西餐 佢都有好地道既港式小食.. 包括我最愛既乳鴿呀!!!😍
可惜落單時佢話已經賣晒... >^<"
其餘款式多數都係西餐.. 不過有少少fusion元素
好似wasabi配牛脷 同埋 芝士配咖喱蛋炒飯咁
佢都有供應d set menu.. 不過唔岩叫~ 我地散叫左^0^
最先黎到既係朋友叫既朱古力紅豆冰$48
價錢唔算平 但係呢個配搭幾新鮮
我試飲左一啖.. 不過個一啖淨係飲到紅豆冰味 XD
據朋友所講飲飲下朱古力味都突出呀 ~~ 都幾滿意!
前菜-咖喱蟹肉配熱脆包$128
有驚喜的前菜! 甜咖喱上放左蟹籽 出奇地兩者好夾
而咖喱入面亦有唔少蟹肉🤤
熱脆包本身已經係一樣好好味既野, 煙煙韌韌又脆口..沾埋呢個咖喱真心好好味!!
如果可以比多d熱脆包就好!! 因為個咖喱份量都幾多~
食完會想繼續食的配搭*v*
正宗西班牙橡果級黑毛豬煎蛋飯$118
一上枱時隻煎蛋係完全覆蓋住d黑毛豬.. 個感覺勁有頹飯feel ..xd
不過一食落口就知道一d都唔頹... >v<
佢用既黑毛豬係最頂級既Bellota, 即係呢隻豬係60%食橡果做糧食架~
所以食落去又甘香 又軟腍!!
火焰焗雪山$98
出場時確實有氣勢...即時淋上冧酒製造燃燒的效果..
入面既雪糕 係曲奇妙趣口味!!
不過佢既蛋白霜同海綿蛋糕好似都唔係好夠甜...無乜味
有成3球雪糕的傳統香蕉船$68
但係呢...香蕉唔係好夠熟所以唔太甜...
草莓醬味道亦一般般... 感覺有點overpriced..
睇黎呢度既咸食係做得唔錯, 但係甜品就有待改善呢~~
$506好似幾貴咁... 但係都叫左1個小食1個主菜2個甜品1杯飲品...
覺得會再黎食的~ 特別係好想試佢個乳鴿
但就未必會再叫呢度既甜品呢xdd
店家: 西餐大排檔 Tai Pai Tong Hong Kong
地址: 銅鑼灣渣甸街50號渣甸中心7樓
7/F, Jardine Center, 50 Jardine's Bazaar, Causeway Bay
電話: 28829930
營業時間: 星期一至日12:00-22:30
Openrice主頁Here
沒有留言:
張貼留言
歡迎留言分享 : )