其實我真係好掛住呢度!! : ) 一個又方便又多野食又多野買既地方 : ] 想望海仲可以隨時行過去海傍 ~
今晚黎到呢間位於山林道 好有氣氛既mini club食野飲野..
其實主要係因為比網上瘋狂洗版既巴黎鐵塔甜品拼盤吸引到xd
而且見個價錢都唔太貴.. 所以想黎試下^^
每枱都有一大盤花生供應 盛惠$30
不過我地一粒都無食到..xd 因為落單無耐就上左一樣正野食喇😻
個樣正野就係是日精選生蠔$60/4隻.. 除返即係每隻只需$15 抵食!!
雖然唔算超大隻 但係食落口都感覺到好飽滿呢~ : >
鐘意佢陣陣既海水味同埋濃郁既蠔味!
What the Duck $108
之後黎既唔係食物, 而係我地叫既cocktail先~ 賣相100分 係好可愛既鴨仔!🐥🐤🐤
成份有: 青蘋果,奇異果,菠蘿汁,蔓越莓汁同埋Grenadine糖漿
其實好似無酒精成份@___@應該算係mocktail..?__?
所以呢個真係好好好岩我飲! (by唔鐘意飲酒的人....xd)
飲落去酸酸甜甜重果味, 再加埋爆炸糖 感覺超得意!
Einstein $108 愛因斯坦..本來都唔知點解會叫個咁既名..
開始飲時我同朋友就即刻明白喇...
望落係藍色, 倒出黎竟然係透明! 但係飲到最尾..佢又變返藍色喇!💙💙💙
神奇得黎..又好靚, 而且味道係荔枝味同葡萄柚味佔最重~~ 甜甜的
Vodka味唔會好濃~!! 我覺得呢個比what the duck更加好飲🤓
因為朋友係龍蝦湯fans..所以我地叫左呢個冬日安格斯牛肉・海鮮龍蝦湯窩$278
初時都無諗過會有咁多野架...😂 完全feel到我地2個女仔叫得太多野...😂
有1碗海鮮類(海蝦+三文魚+蟹腳+青口)
6件安格斯牛肉片
4件麵包條
1碗蔬菜(西蘭花+蘿蔔條+蘑菇粒)
1碗螺絲粉 << 最尾我地係食得一兩條就食唔落...
利用龍蝦湯既熱力將牛肉滾熟佢.. 估唔到兩者原來都幾夾~
龍蝦湯係屬於好濃味同埋好杰身個隻~~ 所以龍蝦湯迷一定會滿意
而且佢個鍋下面有火keep住滾熱佢架 : >
不過同芝士火鍋一樣..我仍然係覺得龍蝦湯沾麵包條係最最最夾既😊
美式雙層芝士海鮮薄餅$108
食完個龍蝦鍋已經飽左6-7成...🙊🙊🙊
但見到個pizza咁香脆胃口又返返黎.. 佢既芝士味真係幾香呀
而且每片上面都有蝦仔同蜆肉.. 仲加埋我最愛既火箭菜~~
由於太愛龍蝦湯既關係xd 我地仲諗左個新食法...xd
就係連pizza都沾龍蝦湯....xd 果然兩樣野一樣好夾xdd
食完咸食之後再抖左陣..就叫埋我地黎呢度既目標: The Love of Eiffel $288
親眼目睹煙霧係鐵塔周圍噴出黎時 真心震撼....!!
感恩既係佢甜品份量唔會多得好誇張😂😂
叫呢個甜品set會附送心意卡一張+心心鎖一個
心意卡背後就有寫到埃菲爾鐵塔背後既故事..係一個幾淒美既故事T___T
大家有興趣既話可以上網搵下xddd
心心鎖
有2粒好似飛行棋咁mini既cheesecake~~ 意想不到地芝士味好夠出~ 餅底亦好夾
呢個抹茶紅豆mousse就唔係我杯茶~ 但芒果味個杯係ok的
最後想特別讚佢呢幾粒星球朱古力.. 本身以為會係d死甜同粒粒一樣味既朱古力..
但原來3粒都有唔同餡料.. 我地食到係咖啡味,提子味同香檳味!
幾特別既口味呢~~~
整體黎講佢個甜品set有驚喜.. 本身真係諗住得個樣...🙈
結果證明了質素也是很不錯
佢都有唔少酒拼海鮮既set...幾岩同朋友一齊飲下野吹水^0^
呢度既服務亦都好好.. 員工好有禮貌~
總結黎講係一間值得推介黎食既餐廳/酒吧~~!
店家: Mini Club
地址: 尖沙咀山林道29-31號地下A舖
Shop A, G/F., 29-31 Hillwood Road, Tsim Sha Tsui
電話: 23108850
營業時間: 星期一至日17:00-3:00
Openrice主頁Here
沒有留言:
張貼留言
歡迎留言分享 : )