成日出街食飯都洗唔少錢..所以而家開始要集中搵d抵食d既鋪..
而呢間竹串都幾出名係價錢貼地既日式料理店~!!😻
位於銅鑼灣登龍街既永光中心...想講呢度真係多左超級多食肆!!!
兩棟就係正隔離既大廈 成棟都係食肆黎....真心覺得銅鑼灣既朋友好幸福....
好...講返呢間餐廳...店面積唔算大... 所以上到去時其實都full full地...裝修係幾有日本風格~~
2張都係一樣既午餐menu黎~ 不過一張有埋圖片參考~~
lunch set價錢由$68-$98不等.. 仲要已經係包左沙律,面豉湯,前菜同甜品....真心貼地價😻😻😻
我同朋友都揀好2個set後, 前菜同沙律就即刻送到!!
沙律係好開胃既柚子醋沙律~~ 味道唔錯呀
而前菜係味付帶子裙邊, 好爽口彈牙!! 不過如果可以再凍多少少會再好食D~
面豉湯就比較無乜特別材料...朋友個碗有少少金菇
而我呢碗就只係得海帶 lolllll
先黎既係朋友叫既極上魚生飯$98
包括: 帶子,牡丹蝦,三文魚,吞拿魚,油甘魚同海膽!!
帶子係好肥美...🤤🤤佢仲好有心思咁係中間夾左件檸檬片~
令到帶子更加清新🍋
朋友話特別鐘意佢既甜蝦同三文魚 好新鮮!
到我叫既竹串頂級牛舌燒$88
除左牛舌之外仲有好多其他串燒呀😍
仲有鹽燒雞翼,芥末松坂豬,翠玉瓜,秋葵同一口甜薯
今次食厚切牛舌其實突破左自己一個心理關口
之前都幾驚食厚切個口感..但係今次又覺得接受到..lol
而且真係幾juicy~~~~
芥末松坂豬.. 我覺得個芥末同松坂豬好似融合唔到咁...
但豬既肥瘦比例係剛剛好!!
甜薯果然幾時都咁受歡迎~~ 呢個都係暖粒粒 可以當甜品咁食!
最大期望既雞翼反而有少少失望...調味較淡
不過烤得幾香~~~
比左個機會一直好討厭既秋葵....今次又覺得幾好味🙈🙈
因為真係用鹽醃到入味兼燒香左~ 令我食慾大增!!xd
最後員工送上迷你雪米糍為呢餐畫上句號^^~
2粒都唔同口味架~~~ 相信你要求既話應該係可以揀味^^!
店家: 竹串日本料理
地址: 銅鑼灣登龍街28號永光中心15樓
15/F, Circle Tower, 28 Tang Lung Street, Causeway Bay
電話: 3590 4577
營業時間: 星期一至日12:00-15:00, 18:00-23:00
Openrice主頁Here
沒有留言:
張貼留言
歡迎留言分享 : )