但隨住年紀愈黎愈大.. 個胃容量唔知點解係愈黎愈細...?__?
或者係好擔心食完又要做返好多運動去減... 所以近幾年都少食左
今晚經朋友介紹, 黎呢間主打食海鮮既日式燒肉放題
感覺上比起狂食肉健康D~~~ 所以可以放心盡情咁食啦XDD
好日式既裝修 飲品同甜品都係自取式~
幾鐘意佢供應既食物種類, 比起平時食放題既款更特別同少見
基本上所有食物都係任食 除左呢一頁珍貴海鮮類/和牛係要另外付費
但係都幾抵@0@... 蠔/青口每隻只係+$8
元貝+10...貴妃蚌+$12
呢度既收費係:
$278/person (星期一至四) +10%
$298/person (星期五至日,假期及假期前夕) +10%
我地提早左一日打黎訂位, 原來只要4人同行就會送一份浜燒海鮮拼盤同龍蝦刺身~
估唔到送既浜燒海鮮拼盤有好多野😍😍😍
包括: 甲羅燒x2, 貴妃蚌x4, 磯燒元貝x4, 燒活鮑魚x4, 虎蝦x4
我地4個朋友都係第1次食/聽甲羅燒呢樣野
所以燒起上黎都有少少fail......就係燒到燶左少少...🙆🏼
呢度既甲羅燒係將蟹膏,蟹籽,蟹柳,香蔥同蛋黃放上蟹蓋上
先搞勻再放上爐上面燒.. 味道真係好鮮同埋好有層次!!
愛食蟹既朋友唔可以錯過🤤
燒活鮑魚, 熟悉我既朋友都知平時我唔鐘意食鮑魚 xd
但呢度呢d好新鮮 同埋最重要係唔會韌!
所以我對鮑魚開始改觀了xddd
虎蝦, 感覺上比較細隻 同平時食開大大隻既虎蝦唔同
但係燒蝦又係一樣我好鐘意食既野
燒到香香地真係好好味
龍蝦刺身!! 咁大個女真係第一次食生龍蝦!! 值得紀念
我食生野係會好容易肚痛 但好彩佢呢個份量本身唔係好多.. 食少少應該無野既xd
同平時食煮熟左既龍蝦感覺真係完全唔同!!@@
呢個食到既係鮮同爽口.. 我覺得生熟各有特色 兩種都正
食完刺身之後員工會將殼拎去滾粥
可惜呢個粥就麻麻地, 無龍蝦味之餘 跟本就淨係食到好重既薑味..../^\
我地食左2口都無再食....
之後就到我地自己落order既食物喇~!!
上菜速度都非常快呢~~~
我地一致認為值得一試既有:
牛胸腹 牛舌 豬頸肉 雞腿肉 芝士魚蛋 南瓜 一口甜薯 鮑片 香芋丸 松葉蟹天婦羅 烏冬
芝士控表示特別鐘意芝士魚蛋呀😍😍😍😍
外層烘得少少香脆的 中心係流心芝士 正正正~~
令人失望既有:
一口牛 五層肉 糖心菠蘿 火炙牛拖羅
以上食物都係偏無味... 不過佢枱上都有放玫瑰鹽同黑椒比你調味既
火炙牛拖羅的牛好普通...唔係牛味濃郁的牛牛../^\
要食牛既話記住點牛胸腹~ 牛味濃郁得黎又juicy🤤🤤
呢個就係我愛的芝士魚蛋啦😍😍😍
珍寶燒蠔原價+$8一隻, 但因為四人同行所以變左免費任食!!!
呢排愛上左飲麵豉湯~ 呢個唔會過咸 又ok喎~
呢盤炸物簡直係超出色!!! *3*!!!
分別係: 松葉蟹棒天婦羅 香芋丸 同榴槤炸彈<- 呢個我無試到xd
天婦羅炸漿薄薄的 炸得好香~~~!!
可以當做甜品既香芋丸 內裡超足料 好多香芋蓉!💟
配上帶有奶黃漿既脆皮外層 好滋味😋😋
非常之受朋友們歡迎既一口甜薯 又係好岩做甜品 (有位朋友一口氣食左4粒😧😧)
又係無諗過會好味既熱烏冬~~ 烏冬都索滿湯底既味道了~
而且又細細碗 食晒都唔會太飽^v^!
最後仲有Mövenpick雪糕送呢❤️一人有一盒
為呢一餐畫上完美句號!
埋單係每人$278+10%服務費
其實都幾超值 因為佢有咁多新鮮海鮮可以揀!!
而且食物種類比起好多放題店都多~~ 食物都黎得快
而且員工都幾nice呢, 有主動介紹返食物既特性同埋guide返我地點樣燒d海鮮~~~
推介愛海鮮既朋友黎試下
溫馨提示: 叫野食要量力而為 唔好做成浪費 (:
店家: 尚鮮日式燒肉漁市場
地址: 銅鑼灣謝斐道496號金利文廣場3樓
3/F, Richmond Plaza, 496 Jaffe Road, Causeway Bay
電話: 21174267/21174268
營業時間: 星期一至日11:30-24:00
Openrice主頁Here
沒有留言:
張貼留言
歡迎留言分享 : )