今日約左朋友黎開呢一邊~ 之前經過過, 已經對佢隱約有D印象, 係一間好文青FEEL又帶有少少老香港特色既CAFÉ
今日就黎食個LUNCH先做正經野啦~
裝修簡約得黎有用心設計過 : ) 好多位都好有特色
記得呢間店係港島唔少地方都有 .. 本來仲以為會好貴.. 點知原來價錢好平民化~ 同埋weekend都有lunch set供應!
Lunch Set有8款選擇, 不過唔岩既話佢地都有單點menu~
西班牙辣肉腸薯仔蛋餅配火箭菜 $58 (Lunch set)
叫呢個 因為幾特別~ 係出面好似比較少見呢款呢
成塊蛋餅都幾厚身 ! 因為內藏左唔少薯仔粒~~ 薯粒軟硬度幾好, 幾實在的口感!!
成份既配搭都幾match~~ 不過幾飽肚, 所以鐘意佢加左火箭菜 令到人感覺清新返
牛油果大蝦意大利飯 $72 (Lunch set)
大蝦數量唔少~ 牛油果熟度亦都剛剛好 好香!
意大利飯醬汁比較多, 我覺得少返D都OK呀~ 份量亦都好多, 最後我同朋友都食唔晒
因為太為食既關係…XD 我同朋友仲叫左一份 小食:: 日式煎餃子$38
有5隻~ 外皮煎得幾香脆, 餡料味道不錯, 亦都好juicy~
Lunch Set+半價就可以轉set以外既飲品
朋友叫左 菠蘿櫻花綠茶 $36 -> $18
比較fresh的一杯, 菠蘿香甜~ 不過好似唔多覺有櫻花元素…
茉莉茶 $20 -> $10
原來係車仔茶包黎… 飲完可以搵員工幫忙refill ~ 我飲左好多杯HAHAHA
最後 當然唔少得試埋佢既甜品啦~~
本來想叫呢度最signature既雪糕曲奇三文治架~ 可惜今日無供應>.<
所以就叫左 北海道蛋糕$30/piece :: 奶茶味 同焦糖味 : )
兩件都有唔少忌廉, 好香甜, 不過唔知係唔係雪得耐既關係, 蛋糕質地有少少偏乾.. 如果再濕潤D會更加好 : >
總結黎講 價錢唔高, 特別係lunch menu幾抵叫
計埋a la carte item既話, 食物選擇都唔少呢~ 而且有D特別少少既款式都有
加上環境好好, 都有唔少打卡影相位 兼 幾闊落同寧靜~
如果有時lunch time想relax下既話, 呢度都幾好呢~
店家: 辦館 Lof10
地址: 葵涌葵昌路100號KC100地下1號舖
Cafe 1, G/F, KC100,100 Kwai Cheong Road, Kwai Chung
電話: 35022190
營業時間: 星期一至六8:00-18:00, 星期日休息
Openrice主頁Here
沒有留言:
張貼留言
歡迎留言分享 : )