將中菜融合南洋風味的中菜廳 [樂天經典@尖沙咀]

話說已經唔係第一次幫襯樂天經典喇 ~ 好耐之前仲係大角咀返工時
成日都會去,,, 因為真係高質又好抵食 (兼環境服務都好好)
12-3pm仲會有單點餐牌68折, 計落真係超值 強烈推薦 ( 今晚見到poster先知原來夜晚9:30後都一樣有呢個折扣 )

今次終於有機會帶埋屋企人一齊黎食 : )
不過尖沙咀大家都方便D 所以揀左尖沙咀分店呢




店面一樣係好光鮮整潔, 大枱細枱卡位都有
牆上仲掛左D好有藝術感既畫作, 好有古典中國氣息 : )


好少可 中菜廳都會供應呢D籃 比人放個人物品~ 幾貼心的service

款式多到有點選擇困難 但又好鐘意佢MENU所有食物都有圖睇, 大部分食物都有分大,中,細SIZE~
人少少黎食都可以試多D款呢
(由於實在太多圖 我會另外upload上黎, 大家可以去圖片>餐牌度睇, 我唔加入呢篇食評入面喇)

最先黎到既係 古早魚香老鼠粉煲 (小) $118
一黎到… 我地問侍應有無比錯… 因為… 估唔到細既都咁大煲@__@


員工會上枱後 會直接將特製醬汁淋上同混和, 醬汁加入左柑桔同咸魚茸
所以當食老鼠粉時真係會食到呢兩種味~~ 老鼠粉(亦即係銀針粉)口感好爽夠彈牙
然後, 入面既配料有 雞蛋, 蝦仁, 椰菜花等等, 口感幾豐富
最重要既係 佢夠熱辣辣咁上枱 ! 加上醬汁入味, 特別好食


招牌扣肉包 $26 X 2 (我地4人叫左2份share食… = P)
半肥瘦既扣肉 口感特別滑, 可惜肉質唔夠軟腍, 如果再軟腍D既話會更加好食!


冰鎮苦瓜 $48 拌桂花蜂蜜
呢一味真係好特別 ! 放心~~ 連平時唔食苦瓜既我都鐘意
一夾起苦瓜就知道呢一款好考刀功, 每一片苦瓜都切成半透明狀, 好勁!!

然後, 口感係冰脆鮮爽 ~ 怕苦既我 當然要沾埋 店家特製既桂花蜂蜜醬
成片都會變得好香甜, 第一次覺得苦瓜都可以咁好食, 必點！



金牌脆皮燒雞 (半隻) $178 (全隻$356)
燒雞都好好食呀~ 即叫即炸, 外皮好金黃, 食入口好香脆
雞肉都幾嫩 ~ 份量亦都唔小 ! 我地4個人叫半隻都夠食~


青芥末蝦球 (小) $155 (另有中$233, 大$310)
呢個真係少貴呢,,, 不過味道係絕對無令人失望既
青芥末醬 加埋芒果粒, 蘭香子同蟹籽, 味道好清新 !
蝦球SIZE中等, 共有6隻, 的確係好食 但貴貴… (P.S. 鳥巢都食得架~)



淮山杞子鮮螺頭湯 $188/盅
呢個湯都幾抵叫, 一盅分到大約10-12碗~~
湯渣唔少, 飲落清甜 : ) 係足料既味道

茶錢 $10 X 4位
餐前小食 $15

整體黎講係令人好滿意既質素,基本上每款都好食
而且份量的確比想飲中大得多 ( 除左蝦球 XD 出街食蝦 預左係貴…)
全部食物都係熱辣辣上枱 同埋好新鮮

最後仲要讚 員工服務好好, 個個都好有禮貌
食既中途主動收碟, 食到最尾一round就無再收 唔會有逼你走既感覺
呢度亦都無限用餐時間 ~ 可以慢慢坐, 慢慢食 (7點黎到時仲未坐滿.. 但食食下就full晒)

最後想講多一個 我覺對一間餐廳黎講都幾重要既元素:: 洗手間
我地食之前同之後都有去到, 見到保持到好乾淨, 令人感覺良好
總結係絕對會再返黎食, 因為真係仲有好多好多款式要試 !

店家: 樂天經典
地址: 尖沙咀加拿芬道20號加拿芬廣場2樓
2/F, Carnarvon Plaza, 20 Carnarvon Road, Tsim Sha Tsui
電話: 28823313
營業時間: 星期一至日11:30-1:00
Openrice主頁Here