早已聽聞過ATUM的大名, 亦係社交媒體上 常常見到佢精緻食物既蹤影
但對於相機食先既餐廳 一向有少少戒心.. 怕得個樣, 所以今次陪媽媽黎, 都有少少擔心架
不過 呢度個環境真心係要讚既… 唔係靠花巧裝飾取勝, 相反 係佢整間店既設計好有自己風格
亦令人有一種好似離開左香港, 去左另一個空間既特別感覺
我覺得係簡約mix cyber既設計
被安排坐窗邊入一排既位, 都已經採到唔少自然光~
如果同我一樣鐘意影食物相既朋友, 不妨試下request窗邊位 : )
連MENU都係同一個style呢~
頁數雖少, 但選擇其實都唔少喎 ~ 前菜~6款, 主菜~10款, 配菜~4款, 甜品~6款(再加一款係”Uncertain” XDD)
飲品有 mocktail, cocktail, juice, red wine, white wine, sparkling wine, 咖啡, 茶, 汽水, 同手工啤~
由於我同媽媽都比較肚餓XD 所以無揀前菜, 直接叫MAIN!!!
員工會先送上 餐前麵包 : ) 共有兩款:: 牛油法包 同 果仁提子麥包 再配有 海鹽牛油
個人覺得2款包本身既味道都係偏向淡, 所以真係用塗海鹽牛油一齊食~
而包既texture係做得軟熟既~ 烘既程度都好好, 邊位微脆, 幾好食
火炙帶子.紫薑.醃漬蔬菜.墨魚汁飯 $198
呢個賣相真係好靚呀!!! 但食野重點都係味道!
估唔到帶子會比成6粒!! 出街食飯好少可有咁多XDD 然後 每一粒都係好肥美
加上用火槍輕輕燒香過, 外層惹味之餘, 中間既juicy無流失到, 好好食呀!
墨魚汁質地幾杰身, 充分包住左每一粒飯粒, 的確食到陣陣墨魚香氣但唔算太濃郁
可能係因為比大量既紫薑同醃漬蔬菜搶左味掛~~XDD
紫薑同醃漬蔬菜都有好幾款~ 同我係日本食到既味道一樣, 令人好滿足!!
而且, 呢一碟仲加入左炸脆左既米紙架, 雖然米紙本身無乜味, 但係香脆既佢足以豐富左呢一碟既口感
最後, 份量係正常的, 唔使驚食完唔飽
燒蜜柑.柚子楓糖花腩肉.蛋黃醬 $188
呢個賣相無頭先個碟咁靚, 但味道絕對加返分!
五花肉肥瘦相間🤤🤤 一切已經見到肉汁滲透出黎
微微甜既表面 燒得剛好 (層皮先係精華… 超級正)
加埋輕輕燒過既蜜柑 減淡返油膩感 又幾清新, 不錯!!!
(相信下次再黎, 我都會忍唔住encore呢兩碟MAIN 🙈🙈)
媽媽點的 玫瑰蒿麥茶 $48
玫瑰同蒿麥 兩隻味 都好重 !! 好夠熱, 飲完令人舒服的一款: )
*一定要讚, 平時出街叫茶既話, 次次飲完一轉都要好似求人咁求員工幫你加熱水入壺
但呢度既員工!! 係會見你飲到差唔多, 主動過黎幫你加熱水入壺!!! 加晒分
蜜糖牛奶 $36
賣相靚靚, 味道都好, 蜜糖同奶既比例分配得好, 所以每啖都係蜜糖既香甜+奶既幼滑, 係好飲既~~
最後,,, 為食既我地當然有叫埋甜品啦,,, 全部甜品款都好特別…
本來我地想叫 “煲仔飯”架, 最特別的一款, 可惜賣晒… 所以轉左
蕃薯雪糕.紫薯脆片.栗子糕.堅果脆糖 $86
蕃薯雪糕係creamy感覺, 有蕃薯味既但唔算超濃郁
我地將紫薯脆片敲碎撈入雪糕一齊食… 可能因為咁, 紫薯味都比雪糕味蓋過了
栗子蓉份量最多, 多過雪糕, 我地覺得如果雪糕多過栗子蓉會好D, 因為栗子蓉都幾滯架…
最後 估唔到成碟最鐘意既會係 堅果脆糖, 堅果大大粒, 比重重糖漿包住了
香口又實在 : )
最後埋單 $602 .. 以午餐黎講 好似幾貴
不過加埋身處餐廳既自在感, 同埋視覺享受, 加上好味既食物同飲品, 仲有員工好貼心既服務
我同媽媽都覺得值得
店家: ATUM Restaurant
地址: 尖沙咀河內道18號K11購物藝術館1樓101B號舖
Shop 101B, 1/F, K11 Art Mall, 18 Hanoi Road, Tsim Sha Tsui
電話: 35861959
營業時間: 星期一至日12:00-23:00
Openrice主頁Here
沒有留言:
張貼留言
歡迎留言分享 : )