然後, 要搵高質既日本野, 更加難 ….
同同事相約食lunch~ 本來約好去食點心既, 但係經過呢間既時候 比佢吸引左!
應該係新開既店! 門面好日系, 令我即刻諗起去関西宇治個時既回憶 !!
所以就同同事即刻入左呢一間喇 !!
我地大約12:35黎 可以即刻入~~ 後尾食到大約13:00時都見到有一,兩個人排緊隊
Lunch Set有16款主食揀~ 6款咖喱, 5款烏冬, 3款咖喱芝士飯, 再加2款丼飯 : )
飲品都有8款可以揀~ 而且揀熱飲既話 係免費包埋添 ! (轉凍飲就+$2, 很有茶記feel XD)
然後, 仲有6款小食可以追加!! Lunch可以食到咁 都算幾嘆, 覺得呢度既食物款式配搭, 係值得讚既~~
我同同事一行3人, 一共叫左3碗烏冬+2款小食~
我叫既係:: 鹽燒海老湯烏冬 $64
話說呢度既烏冬係有4款湯底可以揀:: 烏冬湯/ 咖喱湯/ 黑松露忌廉湯/ 明太子忌廉湯
我就揀左明太子忌廉湯試試~~ 呢個湯底做得幾討好, 雖然明太子味唔算太重, 但食入口都覺得係好味, 烏冬質地幾好
鹽燒蝦, 有3隻, 有燒香過既香氣, 而且蝦都幾大隻, 不過要自己剥殼就有少少煩😂😂
同事叫既 火炙豚肉湯烏冬 $60 (黑松露忌廉湯)
一上枱 大家都聞到好香松露味喇 !! 不過同事話食入口 陣松露味道無咁勁…
同埋質地太杰身, 所以食少少 已經覺得有D滯 …
另一位同事叫既 火炙帆立貝湯烏冬 $64 (烏冬湯)
呢個反而清清地 幾好, 湯底就係正常木魚湯底既味道
帆立貝竟然有5粒, 比想像中多 ~~ 決定下次黎 我都要揀烏冬湯底😂
炸薯條配明太子蛋黃醬 +$16
份量不少呢~ 薯條偏粗身, 炸得幾香脆 ! 明太子蛋黃醬都算幾香, 幾好味
煎餃子 +$16
一共4隻 .. 其實餡料既味道不錯, 可惜餃子皮過硬, 有少少overcook左
唔太推介大家試呢個
其實飲品先係令我最失望既地方…
雖然係lunch set唔使加錢 就飲到, 呢樣野幾好, 但係對於日本飲品 就係會有一定既期望
我揀既係熱既 抹茶奶綠
其實一見到用呢D膠杯裝住已經有小失望 XD
再飲埋, 整個味道都係偏淡, 好似溝左少少水既感覺 … 好普通既一杯飲品
2位同事都係揀 烏龍奶茶(熱) … 佢地話覺得太甜
不過我無試到呢
總結係… 覺得烏冬質素唔錯, 小食就真係睇下你叫邊款, 我都只係試左2款 唔知其他款式係點
最令人失望既始終係飲品… 我情願佢加少少錢, 但比返D高質素既飲品 …
都應該會再黎既, 因為好奇 想試佢D咖喱飯同丼XDD
店家: 天下茶屋
地址: 深水埗福榮街118號地舖
G/F, 118 Fuk Wing Street, Sham Shui Po
營業時間: 星期一至日11:30-23:30
Openrice主頁Here
沒有留言:
張貼留言
歡迎留言分享 : )