呢區真係堅多野食呀 !! 而呢間麻辣皇后之前都經過過幾次喇
本來都係比佢個店名嚇親唔敢入黎😂 (食唔到辣的人😣)
但今日細心望下佢個MENU… 先發現原來唔辣既選擇都唔少! 🤩
湯麵亦有清湯可以揀~ 咁就一於入黎試下啦 !
話說佢就係正 維記隔離, 招牌搶眼, 易搵易認~
(6點都未到就入左黎… 呢個時間無乜人, 之後食食下就開始多人入喇)
食物種類多 雖然以食辣為主, 但其實好多款都可以走辣
呢度幾出名既粉麵分左麻辣+4種辣度🌶
亦都有清湯 唔食辣既朋友可以放心!! 🙂🙂
呢度仲有湯飯, 炒飯同蓋飯… 同埋唔少地道中國傳統家鄉小食呀
連平時較少見既款都有:: 好似綠茶佛餅, 紅糖糍粑咁😍
黎到呢度就真係試試 !
成個MENU上最吸引既其實係牛肉火鍋, 雞煲同烤魚.. 但全部都辣辣🌶🌶🌶
鐘意辣既朋友一定好開心😍
最後我揀左個薯粉+1個小食~
薯粉 $20 配清湯
清湯真係好清, 應該係無乜味精 ! 因為太肚餓… 好衝動咁一叫叫左6款送 LOL
(又因為好多款都好想試既…)
鴨腎+$12:: 大推介 要叫!! 鹵水味重得黎唔過火~ 👍
有口感 夠爽口 ! 望落以為得幾件…但食極都仲有
雞中翼+$12:: 醬汁本身唔濃味 但其實係醃得入味 ~ 所以唔會太咸
個人喜愛呢度味道呢 ! 肉質亦幾淋身~ 不錯 (共2隻)
牛腩+$12:: 質感偏硬身… 呢點扣分 : ( 但佢個牛腩味本身係不錯的
炸響鈴+$12:: 共2條~ 可惜既係 上枱時已經浸係湯入面喇😟
所以大部分位都浸淋左… 唯一食到少少無浸到既位, 食得出本身係炸得香脆既
響鈴亦都夠薄身 ! 建議店家可以將響鈴另上呀 一定會加分不少 !
煎蛋+$8:: 第一次試煎蛋配薯粉😂 貪得意試下XDD!
蛋黃半生熟, 其實都唔錯 （小朋友黎都岩食 ! 😉）
韭菜+$8:: 份量勁多, 最終食唔晒😂
吉祥南瓜餅 $38 🎃
第一次見呢款小食呢, 而且睇MENU覺得賣相不錯, 就叫左黎試試
一共有6件啊
淺橙色既外表係南瓜皮黎~ 而入面包住竟然既係紅豆餡 !
很驚喜的一款 必食🌟🌟🌟
外皮真係好酥香同鬆化!! 而內層就好軟糯~ 口感豐富😋 亦都唔會有過甜問題~
但一個人黎講 6件真係太多 最後我都係要拎走呢XD
如果餐廳可以單件出售就好, 一個人都可以試到唔同小食嘛~
最後飲埋杯 熱豆漿 $8 作結 ^^~
估唔到用隻咁靚既紙杯上😅 夠晒熱辣辣同香滑呢 甜度都適中 : )
BTW見到好多客人都係叫家鄉螺獅粉… 好似好正咁
後尾先發現原來係呢度既招牌菜之一
今次走左寶… 下次黎一定要試!
店家: 麻辣皇后
地址: 深水埗福榮街64號地舖
G/F, 64 Fuk Wing Street, Sham Shui Po
電話: 28988682
營業時間: 星期一至日11:00-3:30
Openrice主頁Here
沒有留言:
張貼留言
歡迎留言分享 : )