城市中的小小花園💐🌷🌻 [只@尖沙咀]

雖然位置少隱蔽, 但仍然不時見到身邊朋友會到訪的一間CAFÉ☕
基於好奇心下, 今晚我都約左朋友黎試試呢

雖然係幾隱蔽, 但係如果識搵既話就好易搵😂 (“廢” 腑之言🙊🙊)
因為其實只要你去到霸王山莊, 就不遠矣… (亦都可以行多兩步去到加連威老道先, 見到龍城藥房就轉入去條巷仔都一樣得…
最穩陣就係跟住Google map黎搵😂 我今次都係 !



大廈雖然比較舊式, 但係行到入CAFÉ又係另一個景象
係充滿乾花+木系+水泥牆既一個小小空間呢, 成個feel就是文青 ! 🌾

今晚我地坐係水泥牆AREA呢~ 不過要留意.. 由於係open kitchen👨🏻🍳
如果坐得近廚房個邊, 都會吸到油煙味.. 如果餐廳可以多加留意抽氣問題就好喇




MENU都走簡約風呢~ HAHA
食物大致分為:: 扒類, 春雞, 沙律, 全日早餐, 小食, side dish, pasta同甜品
飲品種類都唔少, 有焙茶抹茶類, 朱古力, english tea, 水果茶, 同其他養生茶


我地先叫左個邪惡小食開下胃 :: 芝士脆片配牛油果 $58
(雖然見到好多人都係叫黑松露薯條, 但今晚心血來潮好想食粟米片)
粟米片配上熱溶芝士同牛油果蓉 ! 🥑
覺得芝士份量可以再多DD : D 因為大約食左一半粟米片 已經無晒芝士了…🧀

而且粟米片唔夠香脆.. 牛油果蓉味道亦偏淡… 整體就是有點小失望 / . \
睇黎下次都係試試黑松露薯條好了

見呢度有比較特別既 貓耳朵 .. 緊係要叫啦~~
本來我地係想叫 蜜糖芥末磨菇香草醬貓耳朵 $88
但係無晒 @0@ 只可以轉做黑松露醬.. 所以我地都照轉了…
份量不小呢 ! 本來都驚會幾滯, 好彩呢個既醬汁入味得黎唔會膩, 唔會覺得好飽滯..
而且貓耳朵細細粒的好易進食呢 ! 軟硬適中 : ) 這個值得試😋


最後黎到既係今晚既主角::
日式煎封挪威刺身級三文魚排配蒜香豆醬 $198
話說我地叫左全熟 ! 員工提醒全熟會比較乾身,,, 但我地最終都係堅持左 XD
一上枱已經覺得賣相好靚, 而且 ! 聞到陣陣蒜香豆醬既香味啊!! 🤤🤤
覺得好似一個Fusion菜咁~ 用中式醬汁夾西式三文魚排

一食已經覺得呢個真係好正 ! 三文魚排少少香脆, 但係內裡仍然係勁juicy! 🤤
完全唔覺得乾身.. 加上三文魚本身既鮮味好突出呀
最正係配上蒜香豆醬 勁勁勁惹味 ! 兩者真係意想不到地夾😍
(不過兩樣重味既元素放埋一齊… 真係要叫返壺花茶減下膩先得XDD
我叫左green tea latte件事就錯左 loll )

泡抹鮮奶抹茶(熱)$56
其實呢杯係做得出色既! 抹茶味同奶味既比例做得好好🍵🥛
抹茶味又香又濃, 口感夠滑  : )


紅莓蜜桃果茶$68
食pasta同main既話 叫呢杯就岩喇,, 可以減減膩~~
茶壺唔算大壺.. 所以飲晒記得唔好怕羞咁請員工幫忙加熱水啦😉

整體來說, 大部分食物質素是不錯的
感覺呢度既pasta性價比幾高 ! MAIN價錢略貴, 但今日食呢個又真係值得既
同多一兩個朋友一齊黎share就會好D!!
另外呢度既飲品都真係不錯, 聽聞甜品亦幾高質
下次再黎既話都會試試 !


店家: 只 Zi
地址: 尖沙咀加連威老道66-76號威華大廈4樓402室
Room 402, 4/F, Wai Wah Building, 66-76 Granville Road, Tsim sha tsui, Tsim Sha Tsui
電話: 23251115
營業時間: 星期一至四及日12:00-22:30,星期五至六12:00-23:00
Openrice主頁Here