慢理牆城, 好特別既店名😆
上網翻查先知 佢係想借用”萬里長城”既諧音, 帶出”讀萬卷書不如行萬里路”既訊息..
提醒客人 有意義既人生, 就應該要把握機會 實踐”行萬里路” 去豐富自己既人生閱歷 ..
一直都好認同呢個理念.. 奈何現實中有太多限制, 限制左人生既選擇.. 😔
餐廳位於油麻地M1酒店既1樓
一行入去 已經有踏入左森林既感覺🍃
成間餐廳樓底好高, 以樹木為主要裝修元素🌳
餐廳一邊仲有放置唔同咖啡豆同埋寄賣一D本地手作既產品 ~
唔買都可以睇下 : )
(唔好意思.. 好多頁menu 無影晒)
食物同飲品種類都幾多, 而且個名都改得幾得意, 幾有心思 >V< 而且仲有甜品 !
先黎到既係 飲品 : )
我叫既係 可以喝的提拉米蘇$78
賣相不錯呢, 開頭就咁畢面頭個層黎飲, 其實係忌廉黎 😆
層次上同真既Tiramisu一樣~ 唔同既係, 呢個要搞勻先至好飲呀~
估唔到佢唔只有gimmick, 而飲入口既味道同口感都不錯
真係似飲緊Tiramisu咁, 同埋其實有少少似Mocha口味~~
口感順滑 ! 🍫
朋友叫既係好FRESH既 羽衣甘藍,牛油果,芒果沙冰 $88
成杯既感覺都幾raw同埋幾足料, 罕有地羽衣甘藍味係三者中最突出既
其次係芒果味, 一整杯都係清新既感覺 🥑
我地今日好健康 XD 其實係因為見到呢度既沙律款都比較特別🥗
所以真係想試試 !
三款入面, 我地揀左 紫薯沙律配熱情果醋 $92
沙律份量勁!大! (食到最後都係食唔晒…..)
配上酸味味的熱情果籽 幾開胃 紫薯蓉味很重~ 同時亦幾飽肚😆
健康過後, 我地又叫返個邪惡的 牆城小食拼盤(小)$168😈
(大: $248)
鐘意佢有分大小兩個SIZE, 2個人黎食都有QUOTA試得到!
包了5種食物:
美式香辣脆雞翼, 炸芝士條, 德國腸, 脆炸薯條和甜蕃薯角🍟
好鐘意佢既薯條同蕃薯角 !! 酥炸得十分香脆 !!
配埋黑松露醬同茄汁係完美啊 ~
炸芝士條既芝士就偏硬身…. 如果可以做得柔軟D就好喇🧀
炸雞翼非常大隻, 都係欣賞佢炸既程度 拿揑得不錯, 好可口 ~
德國腸口味好岩我地食, 好鐘意 ! 一人一條又唔會過膩
2個人食, 食到好飽… 但又想試埋甜品😝
所以就揀左一個比較fresh既:: 薩拉熱窩上的檸檬 $128
話說佢係用上西西里島既檸檬架 ! 比平時我地食既大1.5倍~~
我真係第1次見咁大個檸檬呀~~ 🍋🍋🍋
用上檸檬肉製作成雪葩, 就咁食會偏酸, 所以要配埋微微燒過既棉花糖粒一齊食, 中和返呢~
兩者亦係意想不到地匹配 ! 想食D無咁飽滯既甜品的話, 呢個係不二之選呢!
整體黎講, 雖然價錢略高, 但係食物質素都幾唔錯
加上店內環境令人覺得好RELAX, 同埋有幾多影相位
員工夠專業, 好多時都會主動同客人簡單介紹食物既特色~
係可以回頭既一間餐廳 : )
店家: 慢理牆城
地址: 油麻地砵蘭街28號M1酒店1樓
1/F, M1 Hotel, 28 Portland Street, Yau Ma Tei
電話: 27106633/ 94396585
營業時間: 星期一至日12:00-17:00,17:30-22:30
Openrice主頁Here
沒有留言:
張貼留言
歡迎留言分享 : )