唔知有無女仔同我一樣..甩頭髮甩得好嚴重呢? :' (
試過用無患子洗頭水.. 又試過買全天然木製梳梳頭
情況都係無改善..特別係每晚沖涼後甩得特別嚴重👩🏻
今日 經朋友介紹上左黎呢間針對活髮, 育髮, 頭皮護理同防脫髮既專門店:: 妍髮活髮專家 consult下~
銅鑼灣新基商業中心的入口樣子~~
一直以為甩頭髮甩得咁勁係天生無得改... 但原來仲有好多原因都會導致有甩頭髮既問題😦我都中左好多樣:::
壓力大、情緒唔穩定、長期用電腦、營養失調、內分泌紊亂、用腦過度、遺傳、成日扎辮...etc.
以上呢d原因都有機會令到d頭髮過早進入生長末期而最後導致突然脫落....😨
最治本當然係好好調節自己既心情同學識減壓啦...但每日返工既生活實在令人有喘不過氣既感覺..難免一定有壓力...😔
好彩妍髮可以幫到我地分析+護理+活髮👩🏻
專業治療師會先幫我地用放大儀器
仔細分析我地既頭髮同頭皮健康狀況先~
正常情況下, 一個毛囊係可以生到3-4條毛髮架
治療師話, 我頭上大部分既毛囊都幾健康~ ^v^
不過某D位毛囊就特別生得少頭髮..可能得返1-2條, 什至乎我頭頂某個位係有毛囊但無毛髮...><
其實呢個問題係由細已經開始係咁了....><
除左脫髮問題.. 原來毛髮髮質健康都好重要💚
修復受損毛囊, 清除髮根油脂同頭皮屑堆積都係好重要
健康既頭髮應該係有光滑亮麗既表面, 同埋規則排列既毛鱗片
當分析完毛囊同頭髮健康狀況之後, 治療師會先幫你洗頭~~~按摩得好舒服😌影完呢張相就迅間訓著左XD
經分析之後, 治療師認為我適合做一個毛囊淨化療程+激活再生療程
🕑總需時都要大約2小時架,, 上黎做treatment既朋友要預返時間: )
毛囊淨化其實係一個對頭髮同頭皮既深層清潔程序, 可以洗走表皮層的油脂物同堵塞物 (點解會有呢D堵塞物? 染髮電髮, 我地用既洗頭水, 什至日常飲食習慣都有影響架...)
治療師會幫我地將成個頭塗滿淨化料, 幫助頭部表皮層清走油脂物...而且仲有消炎殺菌作用添😊
再用飛碟機幫助頭皮吸收~~~
大約15分鐘之後就完成毛囊淨化喇, 之後會再洗多一次頭💆🏻♀
然後就預備激活再生療程了~~~
治療師會先用電流貼係你手上 連接住按摩捧
係頭部搽完精華後就會開始用電流激活、按摩, 主攻係頭頂同埋頭頂周邊位置...刺激同活化頭部既毛囊細胞, 令頭髮可以重新生長🌱
開頭會有少少拮拮地既感覺... 但慢慢竟然覺得好似R痕咁好enjoy😂
之後會再用菠蘿機焗大約10分鐘左右~~~
做一次梗係唔會咁快見到生髮效果😂但確實feel到頭髮髮質亮麗左
而且頭皮感覺好清爽, 好舒服!!
為左雙管齊下, 我仲買左防脫去屑洗髮水同滋養育髮再生精華(吹完頭後使用,以我既情況係每星期用3-4次左右, 每人情況唔同, 可以直接問返治療師)
返屋企都可以繼續保養
當然都要持之以恆定時上黎做treatment先至得啦!
注意呢度既療程係需要提前2日預約架~~ 有心做既朋友不妨打左上黎約好先呀: )
題外話: 好深刻呢度既工作氣氛好開心, 員工之間好似屋企人咁好relax又會講笑, 唔會hard sell反而會同你傾閒計, 同埋認真幫你分析頭髮問題...
呢種氣氛令人特別覺得舒服: )
令人舒適+有私隱度的環境
店家: 妍髮活髮專家
地址: 銅鑼灣怡和街56-58號新基商業中心20樓全層
尖沙咀加連威老道77-79號開麟中心20樓全層
電話: 6611 6114
營業時間:
(銅鑼灣店)星期一至五11:00-22:00, 星期六11:00-19:00, 星期日10:00-18:00
(尖沙咀店)星期一至五11:00-22:00, 星期六11:00-19:00, 星期日及假期休息
妍髮活髮專家主頁Here
沒有留言:
張貼留言
歡迎留言分享 : )