Cafe其實係置身於首都廣場2樓既一個Corner
成個area都好Open...唔似係一間店入面
確係幾特別~
加上而家做緊期間限定既美少女戰士展覽 有一”辣”櫥窗都係放滿美少女+飛天少女豬事丁既精品
勾起好多童年回憶!❤
呢度採取自助式放任制度😂由搵位取餐同收餐盤都係自己黎~
員工真係唔會特別serve你...當然你有問題係可以問佢地啦
不過正如傳說中既員工傳聞一樣 佢地果然係幾cool😂
野食方面主要都係pasta, all day breakfast同pizza!
野飲就多d選擇喇🍹
而且d名都幾得意! 好似”若如初見”, ”小確幸”同”綠野仙蹤”咁
我地3個人share 2個意粉同1份egg benedict!
去counter落左單之後 都等左大約20-30分鐘... 呢個時候最岩就係周圍參觀下啦!!
呢度有一個corner係專賣店家設計既postcard呢✉💌📩而且D款真心幾靚同令人有共鳴!! 仲可以即刻係度寄埋架~
令人很有共鳴<<好似呢幾款咁😙
最後買左地道港式美食系列🥢真心覺得不錯~ 而且$5/張 好合理的價錢!👍🏻
行完之後再等左陣... Food pager終於響起... 就可以出返去counter拎野食啦!!
龍蝦肉蕃茄醬意粉 HKD$98
覺得係幾唔錯的一款, 意粉軟硬度係中等偏硬身, 個人幾鐘意
加上呢一款意粉醬汁比較多, 蕃茄醬微微酸, 幾開胃!
黑松露汁雜菌意粉 HKD$68
相對起黎呢一款就比較普通... 松露味可以再突出D
不過雜菌既份量都幾多呢~~
個人很喜愛的Egg Benedict HKD$98
中間夾既係Parma Hams! 咸香味幾突出, 而荷蘭醬份量同蛋既配合比例都幾適中
egg benedict整體不錯, 不過旁邊既沙律我地幾個都唔係太岩食
可能係佢既醬汁唔係我地鐘意既口味
呢2杯既顏色賣相好相似 都係超靚既紫色💜
不過店員一次過比我地真係傻傻分不清😂好彩我地取餐既時候主動問店員邊杯打邊杯 咁就唔驚搞錯啦: )
飲品方面
如果 HKD$58 其實係藍梅+火龍果既Smoothie💙
不過陣藍梅味比火龍果味掩蓋了,, 其實都有少少預左既, 有藍梅味既飲品好容易就會係比搶味/^\"
曖昧 HKD$58 士多啤梨+藍梅的Smoothie🍓
呢杯係我揀既~ 係三杯之中最好飲個杯黎! <3
呢度既smoothie飲落其實都係比較raw既感覺.. 唔會太甜
幾岩注重健康既朋友仔黎飲!
你啊你啊 HKD$58 蘋果+梨汁🍎🍐
基本上都係比較飲到梨既味道多D...而且好明顯飲得出無額外加糖份,,, 所以唔係特別鮮甜, 但同時亦會比較健康
總結:: 呢度係係香港黎講有特色的一家CAFE
以Postcard為主題, 可以即時買同寫/寄postcard, 令人回想起旅行的美好: )
而食物方面可以花更多心思去調味, 飲品款式配搭幾新鮮但可能可以比客人揀選甜度更可以迎合唔同人既要求呢~~
店家: 香港郵意
地址: 尖沙咀漆咸道南61-65號首都廣場2樓80-82號舖
Shop 80-82, 2/F, the Capital, 61-65 Chatham Road South, Tsim Sha Tsui
電話: 2363 0360
營業時間: 星期一至日10:30 - 23:30
Openrice主頁Here
沒有留言:
張貼留言
歡迎留言分享 : )