今晚黎到位於元朗既🐘泰廳🐘
去到門口已經見到2個傳統既泰式女人人像雙手合十係門口兩旁🙏🏻
入到去店內裝修比較簡約但充滿泰國風味🇹🇭
牆上掛住唔少泰國風景畫同傳統佛像擺設🙏🏻
食物選擇係非!常!多!! 炒飯,炒粉,湯粉,小食,炸物,泰式沙律,海鮮,咖喱,甜品...
我地呢個moment都忍唔住!_! 要食返晒呢幾個月黎無食泰國野既Quota喇!!😋
泰式香芒蟹肉炒飯 $72🦀
炒飯一上枱就聞到好香蟹肉味喇🤤夾芒果肉落個飯度又可以解膩~~
食入口都係很不錯! 飯粒分明, 炒得幾香同惹味呢~!💛
醬汁大頭蝦粉絲煲 $188
足足有三隻大蝦🦐🦐🦐 (仲有2片豬頸肉😆)
蝦頭勁多蝦膏!!! 蝦肉就扎實彈牙
成個粉絲煲都有好多香蔥在內..又唔會炒得過乾👍🏻
但係食到有少少椰奶/椰油味...感覺有少少羶🥥
朋友好鐘意~ 我自己就食唔慣有呢種味...好彩唔係好重味
皮蛋蝦餅 $78 第一次試呢個配搭😆原來又夾得幾好味~~
係蝦餅在外包住皮蛋再炸🍤
蝦餅味係主導, 炸既程度剛好
沾埋酸辣醬層次就更豐富😋
蒜香包$39🌟暫時食過最正的一份蒜蓉包!🌟點正法::
1⃣厚身長方體🍞比起薄身的咬落更加有口感
2⃣牛油搽滿晒6邊 啖啖牛油香🤤
3⃣超超多蒜粒 但要夾得好D如果唔係好易會跌🙊
4⃣微微烤香 唔過火唔過乾💛
一共有5件...我食左3件都仲想繼續食🤤
雞黎講 呢度都有分炸, 烤同埋辣味🌶
我地叫呢款 泰皇燒雞(半隻)$99 就係屬於烤個隻喇~
醬汁味早已索晒入雞肉🐔完全唔使沾酸辣醬都已經好惹味
烤得香脆, 雞肉又夠嫩...半隻都幾大份..抵食呢!
我同朋友都不約而同咁揀左椰子口味既飲品🥥
先講朋友叫既椰汁涼粉冰$28
個人覺得飲落偏甜.... 朋友就覺得好香椰子味, 涼粉份量亦好足!
椰子沙冰$32
呢杯我真係超級鐘意!! 好香甜既椰子味🥥
椰子味比椰汁涼粉冰更突出
不過飲到尾會有d碎冰❄但整體黎講係好好飲!
成日都有眼闊肚窄病... 食物款式多 很豐富😊
但最後都係食唔晒.... 打包拎走左
總結呢度堅係聚餐或者泰菜愛好者必到之地
款式傳統但係夠多, 賣相無花巧但有質素😋
裝修無特別但舒適, 價錢公道份量大
絕對支持呢一種高性價比既餐廳👍🏻
店家: 泰廳
地址: 元朗青山公路元朗段234-242號福德樓地下5號舖
Shop 5, G/F, Fook Tak Building, 234-242 Castle Peak Road, Yuen Long
電話: 2477 0988
營業時間: 星期一至日11:30-22:00
Openrice主頁Here
沒有留言:
張貼留言
歡迎留言分享 : )