話說已經係第二次光顧一起果醬🍓🍇🍏
以自家釀製既唔同口味果醬入饌 的確夠特別
而且暫時都未見其他同樣做法既食肆出現!
(上次黎無試到果醬九宮格多士...今次一定要試\./...)
仍然係令人感覺十分舒適的環境
有set dinner, 但同時散叫亦有唔少選擇...所以決定叫一個set+一個散叫(當然唔會忘記多士啦🤩)
跟Set Dinner既田園沙律
一樣都有果醬!! 而且係非常開胃的一款💛💛💛
酸味味的口味...無錯~ 就係熱情果味~ 仲見到有dd黑色果籽,,, 證明到真係用果肉去調配
同上次黎飲既餐湯一樣:: 蘑菇湯🍄
薄薄的一層口感,, 飲完唔會膩!
飲完湯🥄兩個Main亦都送上了~
今次影相唔係影好耐...但食物都已經唔太熱了.. 相信如果再熱d上枱會好D呢~!
黃金蟹肉軟殻蟹意粉$109
軟殻蟹竟然無過咸之餘仲偏淡味@_@!! 而且唔油膩.. 係比較清淡健康的一份軟殻蟹🦀
意粉亦都無想像中的飽滯~~ 軟硬幾適中🍝
味道微咸帶有蛋黃香..🥚而且有唔少蛋黃粒同蟹肉碎在內, 幾有口感!
士多啤梨醬燒豬肋骨Set$229 (單點$169)
Ribs共有兩大條!! 肉質非常軟腍
而佢本身既調味偏向清淡.... 因為旁邊配左士多啤梨果醬比你夾埋一齊食🍓🍓
草莓醬同豬肋骨兩者並無違和感😌果醬什至有效減淡豬肉既油膩感...唔錯的組合
旁邊既炸薯角無炸得過火,, 感覺輕盈☁️
跟餐仲有件甜品...今日係配mini cheesecake🍰質地比較軟身...我同朋友都係比較喜歡硬身d既cheesecake呢!
最後係我地最期待的::: 果醬九宮格多士$49
9️⃣種不同口味既果醬可以係一件多士上試晒!!
不過最令我深刻既...竟然係塊厚多士🍞
食落外皮少少脆身,, 中層既麵包軟熟得黎帶有煙韌感..真心好正呀😍
而一次過試9款果醬都係呢個九宮格既可取之處
試過邊款岩食,, 仲可以直接購買呢~~😊
我地2個都係飲果醬奶昔$42
朋友揀左雜莓味🍇非常杰身 唔會過甜 口味幾特別
我揀既係玫瑰蘋果味🌹果然係超穩陣既口味😆
玫瑰既清香加蘋果既清甜..係會受大家歡迎既款式但略嫌有少少過甜
食既途中不停聞到超級香既窩夫味可惜我地已經食唔落.../^\
仍然會想再黎試埋佢其他果醬入饌既款式~~ 因爲佢真係夾得幾好..唔係格硬黎亂咁夾
不過亦都期望店家會繼續構思更多新款菜式 咁keep住黎都會繼續有新鮮感😜
店家: 一起果醬
地址: 尖沙咀松山道15-17號地下D舖
Shop D, 15-17 Pine Tree Hill Road, Tsim Sha Tsui
電話: 39565646
營業時間: 星期一至五12:00-23:30, 星期六至日11:00-23:30, 公眾假期10:00-23:30
Openrice主頁Here
沒有留言:
張貼留言
歡迎留言分享 : )