大大份的臺式食品店, 適合小朋友的環境 [臺茶•薈@天后]

太耐無去台灣...唯有食下台灣野希望望梅止渴😂


路過呢間臺茶•薈 外表望落平平無奇..
但入到去就係非常有親切感的格局: )





純白牆上不時見到食物畫, 座位附近仲有七彩顏色既cushion好似party room咁❤️💛💚🧡
(後尾問返店員先知原來呢度真係有人會包場黎開party!!)
坐位仲有梳化可以揀 綠油油咁~好舒服既感覺






Menu選擇多到令人三心兩意!!
原來除左台式食物 呢度仲有上海菜式供應!!
好得意的配搭...一於兩樣都試下😆

紅燒牛肉麵$55 真係一定要食!!
湯底味係好清甜既牛香味😋牛肉夠腍身
滷蛋同蘿蔔都索晒湯既香甜味~~
但係配陽春麵...比較闊身同厚身, 個人黎講唔太鐘意呢種麵質
下次黎會要求轉其他麵☺️


珍寶鮮茄濃湯臺茶薈$72配泡飯 就無牛肉麵咁正...🍅
可選配螺絲粉/米線/公仔麵/陽春麵
大碗到嚇親 但湯底唔係想像中的濃郁鮮茄味 少失望
炒蛋同鴨胸都好好味 當然唔少得我至愛既芝士腸🤩仲有好多粒豆卜...感覺健康d~^v^

台式香腸$28 同係台灣食既唔太一樣...
仲要無蒜粒... 正宗既台灣腸係應該配埋蒜頭一齊食
不過呢個香腸既外皮烤得好香脆,值得讚!
但係質感唔太似食開既台灣腸... 佢有d煙韌既感覺
但煙韌發生係香腸上感覺有點怪怪的😭

滷水豆腐$28 暖身的岩晒我
滷水味望落淡色食落係好濃郁 好味推介🤤

招牌酸辣湯$18 有驚喜⭐️
比好多上海食店既更高水準! 酸辣度適中
竟然仲有豬紅在內😳同蛋花,豆腐,筍絲,木耳配合得剛好
有爽又有滑既口感!

經典珍珠奶茶set+$5 (單點:$17)走冰
珍珠份量夠晒多同煙韌👍🏻奶同茶比例平均,茶味重少少~ 唔過甜
可惜奶茶無得揀熱.... 我呢d老人家都係飲慣熱飲😭

仙草奶茶set+$5 (單點:$17)
試左兩啖已經飲到仙草 好有龜靈糕啫喱的感覺~ 同奶茶都幾夾呀


最後追加左個仙草凍$32
已經有齊晒芋圓,地瓜圓同紫薯圓💜💛
芋圓完全喜出望外(無誇張)😍
陣芋頭味好出...好快充滿成個口腔
質感亦都係相當有咬口~!
相反地瓜同紫薯圓陣味就無芋圓咁突出喇
而仙草啫喱配花奶都好夾呢😋

總結呢度既野食的確係抵食, 份量又夠大
鐘意食台灣野既朋友不妨黎試試^^~~

店家: 臺茶•薈
地址: 天后永興街21號地舖 G/F, 21 Wing Hing Street, Tin Hau
電話: 28878929
營業時間: 星期一至日10:30-22:00

Openrice主頁Here