位於荃灣大壩街.. 一個我鮮有踏足既地方~
外圍望過去好有feel ~~ 應該會係幾悠閒既感覺
入面都係以舒服既裝修為主, 光線溫和 加上少少壁畫
有舒服又有少少玩味既感覺!
石壁水吧+水泥牆+黑板介紹甜品/Daily special
唔知點解...令人不其然咁好期待!!
Dinner menu有分starters/snacks同main course
選擇幾多下^^~
餐前麵包~ 無乜特別
吞拿魚,三文魚他他,黑醋魚子,黑紅糯米
套餐+$48連飲品 (單點$88)
以開胃菜黎講 呢個真係好飽肚...什至有d太飽肚既感覺...
事關佢個底係大大份紅糯米黑糯米黎.. 我同朋友食左3分1已經覺得唔可以再食.. 如果唔係一定食唔落主菜
而且醬汁有點太濃加上唔係我鐘意既口味><...
不過面頭既吞拿魚+三文魚他他味道都唔錯加上幾腍身既
而且餐廳將碟都雪凍左...都睇得出幾細心
溫泉蛋,炒雜菌,松露忌廉汁🍳🍳🍄
套餐+$48連飲品 (單點$68)
呢個相對起黎實在係好味太多喇!!!大推介⭐️⭐️
黑松露加忌廉汁 都唔會太膩 內裡仲有粒粒炒蒜頭粒更加香呢
零飽滯感 但充滿濃郁香氣的一碟...
加埋溫泉蛋流心蛋漿 更加滑口~~
暖暖的🥚好好食
柚子蘋果沙冰＆士多啤梨乳酪沙冰!
套餐餐飲轉特飲+$28/each (原價$56/each)
柚子蘋果味🍎有d似柚子蜜沙冰版~ 幾得意
但係柚子味太出完全蓋過晒蘋果味~~
而士多啤梨味香甜好飲🍓🍓但個人覺得可以再減少少甜度(:
兩杯都值得一試!
香煎紐西蘭羊架(4支骨),洋蔥炒薯仔 $198
有羊架4小件... 食落似係7成熟
食得出由多種香料醃製,每啖都非常惹味~~
都幾似中東口味, 加入左大量濃味醬汁同酸忌廉
醬汁好甜~ 將薯蓉,蘿蔔同粟米都醃得好甜好入味!!!
(特別在蘿蔔仔一整條非常的完整🥕🥕有連根拔起的感覺XDDD)
呢個羊架 個人覺得很不錯呢!
但係如果食唔慣濃味食物既朋友仔就未必岩喇~
松露雜菌意大利飯$128
老實講... 呢個唔係差...Risotto夠creamy, 有松露香
但係.... 實在係同我地叫個碟溫泉蛋,炒雜菌,松露忌廉汁既口味太相似喇,,,,,
但松露味又唔夠個碟菇濃... 所以 有比較之下..唔會prefer叫呢款
最後當然唔會忘記我地黎既目的:: 氦汽球!!
凡親係度叫任何甜品就會送氦汽球1個架喇~~🎈🎈
我揀左 Tiramisu 套餐+$60 (單點$72)
係屬於自製甜品的一種呢~~ : ) 自行將咖啡同手指餅加落去忌廉mix入面❤️
雪得夠凍 味道亦都調得剛剛好! 有驚喜的甜品: )
由於氦汽球太輕而且要達到指定溫度先整到出黎... 好難送到去唔同客人面前
所以我地都係行出去餐廳指定位置接汽球!🎈
(feel到都真係好難整下.. 希望大家想玩既都比D耐性等lar^^)
氦氣球係焦糖味🍯但呢個只係gimmick其中一部分
個氣球除左食得..仲吸得😤
大大力將入面既氦氣吸入肚..就會變成Minions聲!💛💙
原理其實係因為氦氣比空氣輕💭傳播聲音速度都快d..所以人體吸入後會改變發聲速度, 令到講野既聲音頻率都變高,,就好似卡通聲咁!
我拍左條片..如果大家有興趣都可以去睇下😅😅
其實店家用心提供好既用餐體驗比客人, 客人係感受到的 : )
不過可能員工比較新, feel到佢地有少少手忙腳亂..
同埋都多客人order甜品, 而整氦汽球最少需要2位員工同時製作, 所以大家預返少少等侯時間係正常
但係食物種類的確好多, 而且配餐都有好多唔同配搭 可以試到好多野
價錢又幾抵👍🏻👍🏻
希望小店可以繼續加油,, 期待下次再黎會食到更好既食物配搭! : )
店家: Hygge
地址: 荃灣荃灣大壩街5-7號仁蕙苑地下3-4號舖
Shop 3-4, G/F, Yen Wai Garden, 5-7 Tai Pa Street, Tsuen Wan
電話: 37096250
營業時間: 星期一至日12:00-23:30
Openrice主頁Here
沒有留言:
張貼留言
歡迎留言分享 : )