聽名就知今晚會試到特別又得意既新式fusion菜🤩
成個裝修氛圍係fancy感覺~~
有淺藍色套房💙又有唔少大小鳥籠同埋七彩顏色地磚🌈
但係你入到黎又一定會知佢係酒樓黎☕️
有中西合璧既感覺~!!
我特別鐘意夠光猛既地方 感覺整潔D
另外呢度d天花吊燈都好靚呢💡
超多靚靚飲品...一d都唔似會係酒樓見到的款式~
4人套餐都有好幾個~ 下次同埋屋企人一齊黎就可以試!
春日推出的menu!! 好多有圖見到好吸引*v*
果然係行fusion菜路線.. 有唔少你睇樣唔會估到係咩黎既點心款
茶錢每位$6~
我地先叫左個前菜開胃:: 芙蓉蕃茄 $48
車厘茄用上桂花蜜&話梅粉醃製🍯
酸中帶甜 完美起左開胃呢個作用
跟住係古宮東坡肉 $58🌟極力推薦 抵叫之選
東坡肉本身肥瘦相間~ 肉質好嫩滑!!!
醬汁入味得黎 本身味道唔過咸
而且當中有唔少瘦的部位岩我食
份量亦無因為咁平既價錢而縮水! 抵食又好食呀😍
跟住 我想偷步講左甜品/點心先~ 因爲實在係太吸睛💛
動物農莊拼盤 HKD$138⭐️睇得又食得飽 絕對叫得過!!
(唯一美中不足係有榴連食品😂我覺得可以比多個choice客人 令唔食榴連既都可以有另一款點心補上😛)
以鳥籠盛載的中式fusion點心!
"箭豬叉燒包":::
炸饅頭的外表 食落口香而不膩
包質軟熟 內餡係叉燒包!
原來炸饅頭配叉燒餡係咁夾❣️
"有雞先定有蛋先"
雞蛋殼裝住既係芒果布甸🍮
質地滑身~~ 不過呢個係甜品 應該留最後食🤣
呢隻🐥既係咸水角~~ 口感軟糯😍
"紅豆蘿蔔仔"
蘿蔔仔幾有驚喜!! 內餡竟然係紅豆蓉❤️
"棉花白兔仔"
係另一個甜品 充滿椰絲甜味🐰
"天鵝金枕酥"
最美的天鵝竟然係榴連餡😭😭😭本以為蘿蔔絲酥餅....所以....我吃不了😖
朋友指定要叫的豆酥鱈魚 $128
鱈魚肉質鮮嫩 新鮮炸起配上炸蒜粒同薑絲食
有d似食緊零食~~ 相信係大人小朋友都會喜歡的一款😻
飽肚食物我地揀左較特別既紅蟳米糕 $328
紅蟳即係膏蟹🦀而米糕就即係糯米飯~
蟹好有鮮甜味同特別多肉汁
而底下既糯米飯都好好食 索晒蟹的精華
份量亦都好多...夠3-4人食!!
所以我地最後都食唔晒...打包拎走了
飲品都有特別款可以揀呢🍹
四季戀人$38 & 藍色多瑙河$38
分別係熱情果味同藍梅味既梳打🍹酸酸甜甜有助消滯🙂
特別一提 呢度d樓面姐姐好好笑容同好有禮貌!!👩🏻👩🏻
感覺特別有親切感😌
總結係款式特別, 味道好, 環境又靚~~ 絕對有下次
店家: 富臨薈 FL Fusion
地址: 沙田正街11-17號偉華中心2樓9A-9B舖
Shop 9A-9B, 2/F, Wai Wah Centre, 11-17 Centre Street, Sha Tin
電話: 2570 0168
營業時間: 星期一至六10:30-16:00, 18:00-22:00
星期日及公眾假期9:00-16:00, 18:00-22:00
Openrice主頁Here
沒有留言:
張貼留言
歡迎留言分享 : )