原因係蒸氣鍋更加可以逼到食物既原味出黎, 而唔需要落任何調味料
意思即係, 只要食材夠靚夠新鮮再加上蒸氣鍋, 你已經可以食到好好味既一餐!
而今晚經朋友介紹, 帶我黎左一間海鮮非常新鮮既蒸氣鍋店-蟹仙🦀
(食完之後確切感受到店名既由來!~~)
位於新蒲崗仁愛街, 即係越秀廣場對面..
地點唔算太方便, 但今晚平日夜晚黎到竟然都全場full晒要等位..
睇黎質素應該真係唔會差~!
望到個menu有一刻以為自己睇錯左...@@
包8款海鮮+1籃蔬菜既蒸鍋竟然只需要每人$198..!!
仲要已經包左粥底&火鍋湯底.. 即係只有火鍋料係要額外收費!
應該係我見過有史以黎最抵食既蒸鍋🤑
沒有花巧的配料選擇~ 但其實簡簡單單已經足夠..
食物質素先至係一餐飯既重點呢
早係開始放蒸盤前已經放好煲粥既材料係底下 : )
等成個蒸鍋都食完之後 就係品嚐返靚粥既時侯~
無睇錯... $198真係有咁多海鮮比你食!
至於質素呢...? 睇埋下面啦^^~
呢度用既係有計時功能既蒸鍋, 而且每一款海鮮 員工都會同你講解要蒸既時間~ 唔使怕overcook
呢度既蒸鍋係超高溫, 所以幾乎每樣食物都係幾分鐘就足夠~~
加上以草帽做鍋蓋令到成個鍋更加密不透風,,, 保持高溫同時保持食物鮮味!!!
(呢個就係係餐廳同係屋企食蒸鍋既最大分別....)
海鮮愛好者真心會好鐘意呢度!!!🦀🐚🦐
8樣海鮮, 每一種, 你都會食得出 係其他餐廳食唔到既滋味
簡單黎講:: 全部都特別新鮮,鮮甜同多汁😋
野生印尼龍蝦仔😍😍睇相都睇得到肉非常肥美, 仲有勁多膏呀!
咬落去既口感既扎實彈牙..!! 好好味呢~
跟住係我第一次食呢個品種既蟹:: 菲律賓黃奄蟹
蟹膏比例比起平時食到既蟹多好多!
而且口感係非常柔軟的, 味道就十分鮮甜... 呢個蟹係一試難忘..
食左會返唔到轉頭🙈
翡翠九孔鮑魚
係我咁耐以黎食過最juicy既一隻鮑魚 : >
沙巴活刀貝&越南貴妃蚌
2樣都係大大隻, 又鮮甜
來自泰國既海中蝦 feel到真係好新鮮... 因為食落口口感係好爽
鮮味好突出~ 呢個好想再再再食😍
貝殼盛盆有東風螺, 花甲同蜆肉~
東風螺平時我比較少食呢, 原來佢口感係比較扎實, 但同時螺味又更加突出!
而花甲同蜆肉都鮮甜同埋好漲卜卜... 我諗對於海鮮愛好者 呢度真係一個天堂~~
有機蔬菜籃:: 估唔到都會有驚喜*v*
粟米係超甜粟米!! 超級正丫~~~
最後...唔好忘記而家先至岩食既南瓜排骨粥~!!*v*
粥已經吸收晒海鮮精華.. 而且煲得綿綿的~
食落有暖胃同幸福既感覺^^
最後 老闆好好人咁送左燕窩甜品比我地
(本來係要4人同行先有得送....)
香滑又唔過甜,, 好味道~
其實食完晒呢d野已經食唔落火鍋...
同老闆傾計先知原來佢屋企人係做海鮮入口生意..
所以每一日佢都會拎到最新鮮既食材,, 難怪食到咁多平時食唔到既海鮮滋味~~
下次會帶埋男朋友黎食靚海鮮!
店家: 蟹仙
地址: 新蒲崗仁愛街50號地舖 G/F, 50 Yan Oi Street, San Po Kong
電話: 25656118
營業時間: 星期一至日16:00-24:00
Openrice主頁Here
沒有留言:
張貼留言
歡迎留言分享 : )